Génesis 49:25 - Q'eqchi Bible

²⁵ sa' xk'ab'a' li xYos laayuwa', xb'aan naq a'an taatenq'anq aawe; sa' xk'ab'a' li Nimajwal Yos, xb'aan naq a'an taa'osob'tesinq aawe rik'in rosob'tesinkil li choxa toj taqe'q, rik'in rosob'tesinkil li xchamal li palaw ut rosob'tesinkileb' li ixq li neke'alank ut neke'tu'resink.

Li Santil hu

²⁵ Li Ka̱cuaꞌ Dios, li ninlokꞌoni la̱in, aꞌan ta̱tenkꞌa̱nk a̱cue. Li Ka̱cuaꞌ Dios li kꞌaxal nim xcuanquil, aꞌan ta̱osobtesi̱nk a̱cue. Aꞌan ta̱qꞌuehok a̱cue chixjunil li usilal li nachal saꞌ choxa, joꞌ li hab ut li sakꞌe. Aꞌan ta̱qꞌuehok a̱cue chixjunil li usilal li nacuan saꞌ ruchichꞌochꞌ, joꞌ li haꞌ li na-el saꞌ chꞌochꞌ. Aꞌan tixqꞌue chi qꞌuia̱nc nabaleb la̱ cualal a̱cꞌajol.

Génesis 49:25 ပူးပေါင်းရင်းမြစ်များ

Génesis 35:11

Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in.

Génesis 28:13

Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Filipenses 4:19

Jo'kan naq linYos tixk'e eere chixjunil li aajel ru, jo' chanru li xchamal xsasal li xb'ihomal, sa' xk'ab'a' li Kristo Jesus.

Deuteronomio 8:17

Maaye sa' laawaanm: «Rik'in linmetz'ew ut xkawilal li woq wuq' xintaw li b'ihomal a'in».

1 Timoteo 4:8

Li tzolokb'atz'unk kach'in ajwi' xk'anjel; ab'an li xraab'al li Yos nak'anjelak cho'q re chixjunil xb'aan naq naxyeechi'i li yu'am anaqwan ut sa'eb' li kutan chalk re chiqu.

Deuteronomio 33:1

Laj Moisés, li sik'b'il ru xb'aan li Yos, kirosob'tesiheb' laj Israel, chi rub'eetal li xkamik,

Génesis 43:23

Kixye a'an: “Li tuqtuukilal chiwanq eerik'in! Mexxiwak. LeeYos ut li xYos leeyuwa' xk'ehok li loq'laj tumin a'in sa' leesaak. Ak ink'ulum li tumin xetoj wi' leetriiw”. Ut kirach'ab' chaq laj Simehón reheb'.

Génesis 27:28

Li Yos chixk'e taxaq aawe li k'ajob' li nachalk sa' choxa, li xchaq'alil ru li ch'och' ut naab'al laatriiw ut laa'uub'.

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

Salmos 85:12

li yaal taatuxmeq sa' ruuchich'och' ut li tiikil ch'oolej taakub'eeq chaq sa' choxa.

Génesis 28:21

wi tinsutq'iiq sa' rochoch linyuwa' chi kawaqin ut sahaq sa' inch'ool, relik chi yaal naq li Qaawa' a'anaq linYos.

San Mateo 6:33

Sik'omaq xb'enwa li xnimajwal awab'ejihom li Yos ut li tiikilal li nachalk rik'in, ut chixjunil li nekeraj taak'eemanq chaq eere cho'q xtz'aqob'.

Génesis 35:3

Yo'qeb' sa' junpaat sa' li na'ajej Betel, xb'aan naq aran toxinyiib' jun li artal cho'q re li Yos li kitenq'ank we sa' xq'ehil xrahilal linch'ool ut xinrochb'eeni sa' linb'eenik”.

Salmos 84:11

Jwal us cho'q we li wank jun kutankaq sa' xneb'aal laamuheb'aal chiru linwanjik sa' li wochoch chiru k'iila chihab'; q'axal ninrahi ru hilank sa' xmu rochoch linYos chiru li wank sa' xmuheb'aaleb' li ink'a' useb' xch'ool.

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Génesis 28:3

A' taxaq li Nimajwal Yos chi'osob'tesinq aawe, chixk'e taxaq aawalal aak'ajol, ut chatk'ihanq re naq laa'ataq xnimal xteepaleb' tenamit.

Génesis 32:9

Chirix chik a'an laj Jakob kixye: “At xYos linyuwa' Abrahán ut xYos linyuwa' Isahak, at Qaawa' li xaye we: «Sutq'in sa' laana'aj, sa' laatenamit, ut laa'in chaab'ilaqin aawik'in»,

Génesis 48:3

ut kixye re laj José: “Li Nimajwal Yos kixk'ut rib' chiwu aran Lus, sa' xteepal Kanahán, kinrosob'tesi

Éxodo 18:4

ut li jun chik aj Elieser xk'ab'a', xb'aan naq xyehom chaq laj Moisés: “Li xYos linyuwa' a'an aj tenq'ahom we, ut xinxkol chiru xch'iich' laj Parahón”.