Génesis 48:9 - Q'eqchi Bible

^9-10 Kixye laj José re li xyuwa': “A'aneb' li walal li xk'e we li Yos arin”. Moymoy aj chik xsa'eb' li ru laj Jakob xb'aan li xtiixilal ut ink'a' chik saqenk na'ilok. Jo'kan naq kixye re laj José: “K'ameb' chaq arin re naq twosob'tesiheb'”. Laj José kixjilosiheb' chi xk'atq li xyuwa'eb', ut a'an kixq'aluheb' ut kixtz'ub'eb' ru.

Li Santil hu

⁹ Laj José quichakꞌoc ut quixye re lix yucuaꞌ: —Li Ka̱cuaꞌ Dios x-osobtesin cue ut aꞌaneb li cualal li queꞌyoꞌla arin Egipto, chan. Ut laj Jacob quixye re, —Ba̱nu usilal, jilosiheb chak chincꞌatk ut la̱in tintzꞌa̱ma chiru li Ka̱cuaꞌ Dios nak ta̱rosobtesiheb, chan laj Israel.

Génesis 48:9 ပူးပေါင်းရင်းမြစ်များ

Génesis 27:4

Moqon taak'uub' chi chaab'il intzekemq jo' nawulak chiwu, ut taak'am chaq, re tinwa'aq, xb'aan naq twaj aawosob'tesinkil rub'elaj linkamik”.

Génesis 33:5

Tikto kixtaqsi li rilob'aal ut, naq kirileb' li ixq ut eb' li xkok'al, kixye: “Aniheb' a'in li neke'ochb'eenink aawe?”. “A'aneb' li ralal laj k'anjel chawu li ke'k'ehe'k re xb'aan li Qaawa'”, chan laj Jakob.

Hebreos 11:21

Sa' xk'ab'a' li xpaab'aal laj Jakob, naq ak kamk re, kirosob'tesi li junjunq sa' xyanqeb' li ralal xk'ajol laj José. Chirix chik a'an kixk'utzub' rib' sa' xb'een li xxuq' ut kixloq'oni li Yos.

Isaías 8:18

Arin wankin wochb'eeneb' li walal xk'ehom we li Qaawa' jo' loq'laj eetalil cho'q reheb' laj Israel, sa' xk'ab'a' li Nimajwal Yos, li nahilank sa' li tzuul Sión.

Salmos 127:3

Li qakok'al a'aneb' li rosob'tesihom li Qaawa', eb' li qalal qak'ajol a'aneb' li qaq'ajkamunkil.

1 Crónicas 25:5

Chixjunileb' a'in, a'aneb' ralal xk'ajol laj Hemán, aj ilol moy u li nak'anjelak chiru li awab'ej, jo' chanru kiyehe'k re xb'aan li Yos naq taaterq'usiiq xwankil. Ut relik chi yaal naq li Yos kixk'e kaalaju ralal laj Hemán ut oxib' xrab'in.

1 Samuel 1:27

Xintz'aama naq tixk'e we li k'uula'al a'in, ut li Qaawa' xk'e we li xintz'aama chiru.

1 Samuel 1:20

Kikanaak chi yaj aj ixq ut naq kiwulak xq'ehil, kiwank jun xk'uula'al, aj Samuel kixk'e cho'q xk'ab'a', xb'aan naq kixye: “Laa'in xinpatz' re li Qaawa'”.

Deuteronomio 33:1

Laj Moisés, li sik'b'il ru xb'aan li Yos, kirosob'tesiheb' laj Israel, chi rub'eetal li xkamik,

Génesis 49:28

A'aneb' a'in li kab'laju xteepaleb' aj Israel, ut a'an a'in li yeeb'il reheb' xb'aan li xyuwa'eb' naq kirosob'tesiheb': ak re re li rosob'tesinkileb'.

Génesis 30:2

Kijosq'o'k laj Jakob rik'in lix Rakel ut kixye re: “Ma juntaq'eetin tab'i' rik'in li Yos li ink'a' xatxk'e chi alank?”, chan.