Génesis 48:7 - Q'eqchi Bible

⁷ Naq kin'elk Padán, lix Rakel laana' kikamk chiwu sa' b'e, sa' li na'ajej Kanahán, kach'in chik maa nokoowulak Efratá, ut aran kinmuq sa' li b'e naxik Efratá, Belén ajwi' nayeemank re”.

Li Santil hu

⁷ Nak quin-el saꞌ li tenamit Padan-aram, yo̱co chi xic saꞌ xbehil Canaán nak quicam lix Raquel la̱ naꞌ chicuu saꞌ be. Caꞌchꞌin chic ma̱ nococuulac saꞌ li naꞌajej Efrata nak quincꞌul li raylal aꞌan. Ut aran quinmuk li cuixakil. Belén nayeman ajcuiꞌ re li naꞌajej Efrata, chan.

Génesis 48:7 ပူးပေါင်းရင်းမြစ်များ

San Mateo 2:18

“Ki'ab'iik jun xyaab' kuxej aran Ramá, yaab'ak ut tz'uyink chi numtajenaq: a' lix Rakel li yo chi yaab'ak chirixeb' li xkok'al, ut ink'a' naraj q'unb'esiik xb'aan naq maak'a'eb' chik”.

Génesis 35:9

Naq kisutq'iik chaq laj Jakob Padán-Aram, li Yos kixk'utb'esi wi' chik rib' chiru ut kirosob'tesi:

Miqueas 5:2

A'ut laa'at, Belén Efratá, jwal kach'inat sa' xteepal Judá, aawik'in taa'elq chaq li taa'awab'ejinq re Israel. A'an taayo'laaq sa' riyajil jun mayer junkab'al”.

1 Samuel 17:12

Laj David a'an ralal jun li winq aj Efratá, Belén li xtenamit, sa' xteepal Judá. Li winq a'an, aj Jesé xk'ab'a', wank waqxaqib' chi ralal; ak tiix chi us naq laj Saúl wan chaq cho'q awab'ej.

1 Samuel 10:2

Sa' li kutan a'in naq akaq xat-elk wik'in, taataweb' wiib' chi winq chi xk'atq li muqleb'aal re lix Rakel, aran Selsaj, sa' xteepal Benjamín. Ut eb' a'an te'xye aawe: «Eb' li b'uur li yookat chi xsik'b'al, ak xe'tawe'k. Anaqwan ink'a' chik yo chi k'oxlak laayuwa' chirixeb', ab'anan yo xk'a'uxl cherix: K'aru tinb'aanu cho'q re li walal? chan sa' xch'ool laayuwa'».

1 Samuel 1:1

Kiwank jun li winq aj Suf, yo'lajenaq Ramatáhin sa' xtzuulul Efraín, aj Elkaná xk'ab'a', ralal laj Yeroján, ralal laj Toju, ralal laj Suf, aj Efraín.

Li xHu LIX RUT 1:2

Li winq a'an, aj Elimelek xk'ab'a'; li rixaqil a'an xNohemí, ut eb' li ralal aj Majalón ut aj Kilyón. A'aneb' xkomoneb' laj Efratá, ut wankeb' aran Belén, sa' xteepal Judá. Ut naq ke'wulak Mohab, ke'kanaak sa' li na'ajej a'an.

Génesis 25:20

Ka'k'aal chihab' wank re laj Isahak naq kixk'am lix Rebeka cho'q rixaqil, a'an xrab'in laj Betuel aj Aram re Padán-Aram, ut ranab' laj Labán.

Génesis 33:18

Naq ki'elk chaq Padán-Aram, laj Jakob kiwulak Sikem chi maak'a' kixk'ul, ut kihilank sa' xka'yab'aal li tenamit, sa' xteepal Kanahán.

Génesis 35:20

Sa' xb'een li xmuqleb'aal, laj Jakob kixxaqab' jun li pek cho'q loq'laj eetalil: a'an xpekul xmuqleb'aal lix Rakel li wank chalen toj anaqwan.

Génesis 48:6

A'ut eb' li te'yo'laaq moqon aawehaqeb', ut sa' xk'ab'a'eb' li ras te'eechaninq ch'och'.

1 Samuel 16:4

Laj Samuel kixb'aanu li kiyehe'k re xb'aan li Yos ut koho Belén. Naq kiwulak aran, kik'ule'k xb'aaneb' li xcheekal winqul li tenamit li yookeb' xxiw: “Ma re tuqtuukilal laachalik, at ilol moy u?”, chankeb'.