Génesis 48:17 - Q'eqchi Bible

¹⁷ Ab'an naq laj José kiril li xnim uq' li xyuwa' wank sa' xb'een xjolom laj Efraín, ink'a' kiwulak chiru ut kixchap li ruq' li xyuwa' re risinkil sa' xb'een xjolom laj Efraín, re chik xk'eeb'al sa' xb'een xjolom laj Manasés.

Li Santil hu

¹⁷ Ut laj José quiril nak lix yucuaꞌ quixqꞌue lix nim ukꞌ saꞌ xjolom laj Efraín li i̱tzꞌinbej. Incꞌaꞌ quicuulac chiru. Laj José ticto quixjal li rukꞌ lix yucuaꞌ ut quixqꞌue lix nim ukꞌ saꞌ xbe̱n xjolom laj Manasés.

Génesis 48:17 ပူးပေါင်းရင်းမြစ်များ

Génesis 48:14

Laj Israel kixye' li xnim uq' ut kixk'e sa' xb'een xjolom laj Efraín, us ta a'an li iitz'inb'ej, ut kixtaqsi li xtz'e sa' xb'een xjolom laj Manasés: naraj naxye naq kixjalpaq'i li ruq' xb'aan naq laj Manasés a'an li xb'een alalb'ej.

Romanos 9:11

Us b'i', k'ehomaq reetal: re naq xaqxooq xwankil li xnimal xk'a'uxl li Yos li nasik'ok u moko sa' xk'ab'a' ta li xb'aanuhomeb' li winq, sa' xk'ab'a' b'an naq A'an nab'oqok, rub'elaj chaq li xyo'lajikeb' li wiib' chi k'uula'al naq toj maji' xb'aanuhomeb' junaq li us malaj junaq li ink'a' us,

Proverbios 24:18

Mare anchal li Qaawa' moko taawulaq ta chiru rilb'al a'an, ut sa' aab'een chik taachalq li xjosq'il.

1 Crónicas 21:7

Li Yos ink'a' ajwi' kiwulak chiru naq laj David kixtaqla rajlankileb' laj Israel. Jo'kan naq kixtaqla rahilal sa' xb'eeneb'.

1 Reyes 16:25

Laj Omrí kixb'aanu li ink'a' nawulak chiru li Qaawa'; q'axal yib' wi' chik ru kixb'aanu chiruheb' li ke'wank junxil.

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

Números 22:34

Toja' naq laj Balaham kixye re li x'Ánjel li Yos: “Xinmaakob'k. Ink'a' xinnaw naq laa'at yookat chi xramb'al linb'e. Ab'anan, wi ink'a' nakawaj naq tinxik, anaqwan ajwi' sutq'iik we”, chan.

Números 11:1

Sa' jun kutan eb' laj Israel ke'ok chi xwech'inkil rix li Qaawa' xb'aan li ch'a'ajkilal wankeb' wi'. Naq kirab'i a'an li Qaawa', k'ajo' naq kichalk xjosq'il ut kixk'at li junqre li na'ajej wankeb' wi'.

Génesis 38:10

Ink'a' kiwulak chiru li Qaawa' li kixb'aanu laj Onán ut kixk'e ajwi' chi kamk a'an.

Génesis 28:8

Jo'kan naq laj Esaú kixtaw ru naq eb' li ixq aj Kanahán ink'a' sa ilb'ileb' xb'aan laj Isahak li xyuwa'.

Génesis 48:18

Ut kixye re li xyuwa': “Moko jo'kan ta, at inyuwa', xb'aan naq a'an a'in li xb'een alalb'ej. K'e laanim uq' sa' xb'een li xjolom”.

Josué 17:1

Li xteepal laj Manasés kitz'aqk na'ajej sa' xk'ab'a' naq a'an xb'een ralal laj José. Laj Makir aj puub', xb'een ralal laj Manasés ut xyuwa' laj Galahad, kireechani Galahad ut Basán.