Génesis 48:16 - Q'eqchi Bible

¹⁶ li ánjel li kikolok we chiru chixjunil li ink'a' us, chi'osob'tesinq taxaq reheb' li kok'al a'in. Che'xk'ab'a'in ta link'ab'a' ut li xk'ak'a'eb' linyuwa'ilq laj Abrahán ut laj Isahak: che'alanq ut che'k'ihanq sa' ruuchich'och'”.

Li Santil hu

¹⁶ Ut aꞌ taxak lix ángel li Dios li na-iloc cue junelic, aꞌan taxak chi-osobtesi̱nk reheb li al aꞌin. Ut cheꞌta̱mk taxak eb li ralal xcꞌajol saꞌ incꞌabaꞌ la̱in joꞌ ajcuiꞌ saꞌ xcꞌabaꞌeb lin xeꞌto̱nil yucuaꞌ laj Abraham ut laj Isaac. Ut chi joꞌcan ta̱nima̱nk ru jun nimla tenamit saꞌ ruchichꞌochꞌ xbaneb, chan.

Génesis 48:16 ပူးပေါင်းရင်းမြစ်များ

Salmos 34:22

Ab'an li ink'a' useb' xna'leb', a' li maa'usilal taakamsinq reheb'; eb' li neke'tz'eqtaanank re li tiik xch'ool te'k'ehe'q xtojb'al rix li xmaakeb'.

Génesis 49:22

“Laj José chanchan junaq xtux li che', chanchan jun xtux li che' chire li ha': neke'taqe'k li ruq' chiru li tz'ak.

Génesis 48:5

Weheb' xkab'ichaleb' laawalal li xe'yo'laak aawik'in sa' li tenamit Ejiipt naq toj maji' ninchalk aawik'in arin: weheb' laj Efraín ut laj Manasés, kama'eb' ajwi' laj Rubén ut laj Simehón.

2 Timoteo 4:18

Li Qaawa' taakoloq we chiru chixjunil li ink'a' us ut tinxxok cho'q re li xnimajwal wankilal sa' choxa. A'an taxaq chiloq'oniiq ru junq'e junq'e kutan. Jo'kan taxaq.

Josué 17:17

Toja' naq laj Josué kixye reheb' li ralal xk'ajol laj José, laj Efraín ut laj Manasés: “Laa'ex jun nimla tenamit ut jwal kaw eerib'. Jo'kan naq moko jun jachal ta teereechani,

Hebreos 11:21

Sa' xk'ab'a' li xpaab'aal laj Jakob, naq ak kamk re, kirosob'tesi li junjunq sa' xyanqeb' li ralal xk'ajol laj José. Chirix chik a'an kixk'utzub' rib' sa' xb'een li xxuq' ut kixloq'oni li Yos.

Hechos 15:17

re naq te'xsik' li Qaawa' jo'k'ihal toj xe'kanaak, chixjunileb' li tenamit ak q'axtesinb'ileb' cho'q we laa'in.

San Juan 17:15

Ink'a' nintz'aama naq chawisiheb' sa' ruuchich'och', nintz'aama b'an naq chakoleb' chiru li maa'us.

Isaías 63:9

chiru chixjunil li rahilal. Maawa' junaq xtaql chi moko junaq ánjel li kikolok reheb', a' aj b'an wi' li Qaawa' kikolok. Xb'aan li xrahom ut li ruxtaan kixkoleb', kixwaklesiheb' ut kixk'ameb' chaq chi q'unq'u chalen chaq junxil.

Salmos 121:7

Li Qaawa' nakatxkol chiru chixjunil li rahilal; a'an nakolok re laayu'am.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

1 Corintios 10:9

Miqayal rix li Qaawa', jo' wan ke'b'aanunk sa' xyanqeb' a'an, ut ke'sache'k xb'aaneb' li k'anti'.

Amós 9:12

re naq eb' laj Israel te'xq'ax ruheb' laj Edom ut te'reechani wi' chik li k'aru xkanaak reheb' chixjunil li tenamit weechanihomeb' chaq junxil”. A'an a'in raatin li Qaawa', li nab'aanunk re li naxye.

1 Corintios 10:4

Chixjunileb' ajwi' ke'uk'ak rik'in jun chi musiq'ejil uk'a', xb'aan naq neke'uk'ak rik'in li musiq'ejil saqoonak li yo chi taaqenk reheb'; ut li saqoonak, a'an li Kriist.

Romanos 8:23

Laa'o ajwi' li qak'ulum li xb'een ru li Musiq'ej nokoo'ayaynak sa' li qach'ool, naq yooko chi xyo'oninkil naq li Yos tooxk'ul jo' tz'aqal ralal xk'ajol ut taakole'q li qach'och'el qasululel.

San Mateo 6:13

Ut moohaakanab' chi t'ane'k sa' li aaleek, choohaakol b'an chiru li maa'us».

Malaquías 3:1

Li Nimajwal Yos kixye chi jo'ka'in: “K'ehomaq reetal, laa'in tintaqla lintaql re xtuqub'ankil linb'e. Chi seeb' li Qaawa', li yookex chi xsik'b'al, taa'ok sa' li rochoch. Chalk re laj yehol resil li sumwank, li raaro eeb'aan!”.

Jeremías 14:9

K'a'ut naq kama'at li winq sachenaq xna'leb'? Jo'kat junaq aj puub' li ink'a' naruhank chi tenq'ank. Ab'anan laa'at wankat sa' qayanq, at Qaawa', ut laa'o laatenamit q'axtesinb'il aawe: moohaakanab' qajunes anaqwan!

Isaías 47:4

Li Nimajwal Yos, li xSant laj Israel, laj Kolol qe kixye chi jo'ka'in:

Salmos 34:7

Naq li neb'a' naxyaab'a li xk'ab'a', na'ab'iik xb'aan; li Qaawa' nakolok re chiru chixjunil li xrahilal.

Salmos 34:2

Tin'usilaatina li Qaawa' chi junelik, tinnima ru rik'in xtz'uumal we chi junelik.

2 Crónicas 7:14

ut wi lintenamit, li naxk'am link'ab'a', te'xkub'si rib', te'tijoq, tine'xsik' ut te'xkanab' li xyib'al ru xna'leb'eb', laa'in te'wab'i toj sa' choxa, tinkuy li xmaakeb' ut tink'ojob' wi' chik xch'ooleb'.

Deuteronomio 33:17

Chaq'al ru jo' li xb'een ral li teelom wakax, kaw rib' jo' li k'iche'il b'ooyx: tixxe'q'eb' li tenamit toj sa' xmaril li ruuchich'och'! Jo'kaneb' li k'iila o'q'ob' chi aj Efraín, jo'kaneb' li xk'ihaleb' laj Manasés”, chan laj Moisés.

Deuteronomio 28:10

Toja' naq chixjunileb' li tenamit li wankatqeb' sa' ruuchich'och' te'ril naq sa' aab'een laa'at yaab'anb'il li xk'ab'a' li Qaawa', ut tate'xxiwa.

Números 1:46

li xk'ihaleb' li ke'ajlamank sa'eb' li xteepaleb', a'an oxib' xjunlajuk'aal mil rik'in lajeeb' xwaqxaqk'aal xkab' o'q'ob' (603,550).

Éxodo 1:7

ab'anan eb' laj Israel ke'alank ut ke'naab'alo'k. K'ajo' naq ke'k'ihank ut ke'xtaw xwankilaleb': ke'xnujob'resi chixjunil li tenamit!

Génesis 32:28

li winq kixye: “Chalen anaqwan ink'a' chik taak'ab'a'in aj Jakob, aj Israel b'an chik laak'ab'a'. Xb'aan naq xayal laametz'ew rik'in li Yos ut rik'ineb' li winq, ut xatq'axok u”.

Génesis 22:11

A'ut li x'ánjel li Qaawa' kiraatina chaq toj sa' choxa: “Abrahán, Abrahán!”, chan re. Ut a'an kixye: “We'kin arin”.

Génesis 22:15

Li x'ánjel li Qaawa' kiraatina laj Abrahán xka' wa toj sa' choxa

Génesis 46:3

Toja' naq li Yos kixye re: “Laa'in li Yos, xYos laayuwa'. Matxiwak chi xik Ejiipt, xb'aan naq aran twisi aawik'in jun xnimal ru tenamit.

2 Samuel 4:9

Laj David kichaq'ok ut kixye re laj Rekab ut laj Bahaná li riitz'in, ralaleb' laj Rimón aj Beherot: “Sa' xk'ab'a' li yo'yookil Yos li xkolok we chiru chixjunil li rahilal, ninye eere:

Jeremías 15:21

Tatinkol sa' ruq'eb' li ink'a' useb' xna'leb' ut tatwisi rub'el xwankileb' li josq' aj winq”, chan li Nimajwal Yos.

1 Reyes 1:29

Toja' naq laj David kixye sa' jurament: “Nimanb'ilaq xloq'al li Qaawa' li kinxkol chiru naab'al rahil ch'oolej!

Salmos 34:8

Li x'ánjel li Qaawa' naxk'aak'ale ut naxkoleb' jo'k'ihaleb' li neke'paab'ank chiru li Yos.