Génesis 47:30 - Q'eqchi Bible

³⁰ Naq tinq'ajq tinsutq'iiq rik'ineb' linna' linyuwa', chinaawisi arin Ejiipt ut toxinaamuq chaq sa' li xmuqleb'aaleb' a'an”. Kichaq'ok laj José: “Tinb'aanu jo' xaye we”, chan.

Li Santil hu

³⁰ Nak tinca̱mk, tine̱risi Egipto ut tine̱cꞌam aran Canaán ut tine̱muk chixcꞌatk li naꞌajej li queꞌmukeꞌ cuiꞌ lin yucuaꞌ camenak joꞌ ajcuiꞌ lin yucuaꞌchin, chan laj Jacob. Ut laj José quixye re: —Us. Matcꞌoxlac. Tinba̱nu li cꞌaꞌru yo̱cat chixyebal cue, chan.

Génesis 47:30 ပူးပေါင်းရင်းမြစ်များ

Génesis 25:9

Eb' li ralal laj Isahak ut laj Ismael koxe'xmuq li xyuwa' sa' li ochoch pek wank Makpelá, chi xnub'ajlil li xch'och' laj Efrón, ralal laj Sójar aj Hit, sa' xjayal Mambré.

Génesis 23:19

Chirix chik a'an laj Abrahán kixmuq lix Sara li rixaqil sa' li ochoch pek li wank Makpelá, sa' xjayal Mambré (Hebrón ajwi' xk'ab'a'), sa' xteepal Kanahán.

Nehemías 2:5

ut kinsume: “At awab'ej, wi naxk'ul aawu ut wi sa sa' aach'ool wik'in, taqlahin Judá, re naq tinwaklesi wi' chik li tenamit muqb'ileb' wi' linna' linyuwa'”.

Nehemías 2:3

ut kinye re li awab'ej: “At awab'ej, sahaq taxaq aach'ool chi junelik! K'a' naq ink'a' rahaq inch'ool? Li tenamit b'arwi' wank xmuqleb'aaleb' linna' linyuwa' xkanaak chi po'lemil ut k'atb'il chik li rokeb'aal”.

1 Reyes 13:22

Laa'at xatsutq'iik chaq, xattzekank ut xat-uk'ak sa' li na'ajej xye aawe naq ink'a' tattzekanq tat-uk'aq. Jo'kan naq laach'och'el laasululel ink'a' taamuqe'q sa' xyanqeb' laana' laayuwa'”.

2 Samuel 19:37

Chinaakanab' chi sutq'iik sa' lintenamit chi kamk, chi xk'atq li xmuqleb'aal linna' linyuwa'. Arin wank laj Kinhán laj k'anjel chawu. Xikaq a'an chirix li awab'ej laj eechal we, ut laa'at b'aanu rik'in li k'aru nakak'oxla naq us xb'aanunkil”.

Génesis 50:25

Toja' naq laj José kixk'eheb' li ralal laj Israel chi xyeeb'al rik'in jurament: “Ch'olch'o naq li Yos tulexrula'ani; toja' naq teexok linb'aqel arin ut teek'am cherix”.

Génesis 15:15

Ut naq tiixaqat chi us, tatq'ajq tatsutq'iiq sa' tuqtuukilal rik'ineb' laana' laayuwa' ut tatmuqe'q.

Génesis 23:17

Chi jo'kan li xch'och' laj Efrón li wank Makpelá sa' xjayal releb'l saq'e re Mambré, li ochoch pek ut chixjunil li k'iche' li wank chisa' ut sa' li xnub'ajl, chixjunil a'an

Génesis 25:10

Sa' li ch'och' li kixloq' rik'ineb' laj Hit kimuqe'k laj Abrahán rochb'een lix Sara li rixaqil.

Génesis 35:29

naq ki'elk li xmusiq' ut kikamk: koxjunaji rib' rik'ineb' li xxe'toonil yuwa' chi ak tiix chi us ut xikenaq xhab'. Ut kimuqe'k xb'aan laj Esaú ut laj Jakob, eb' li ralal.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

2 Samuel 2:32

Moqon chik ke'xxok laj Asahel ut koxe'xmuq Belén sa' li na'ajej kimuqe'k wi' li xyuwa'. Laj Johab ut eb' li rochb'een ke'b'eek chiru chixjunil li q'oqyink, ut ak yo chi saqewk naq ke'wulak Hebrón.