Génesis 47:19 - Q'eqchi Bible

¹⁹ Ink'a' naru tookamq chawu. Choohaaloq' laa'o ut li qach'och' cho'q xtz'aq li qawa. Laa'o tookanaaq cho'q aj mun chiru laj Parahón ut tqak'anjela li qach'och' cho'q re a'an. Ab'an chak'e qiyaj re naq yo'yooqo ut ink'a' tookamq; ink'a' naqaj naq li qach'och' taakanaaq chi maak'a'aq awimq chiru”, chankeb'.

Li Santil hu

¹⁹ Incꞌaꞌ naru toca̱mk cha̱cuu. Anakcuan la̱o ma̱cꞌaꞌ chic naru nakaba̱nu. Us raj toa̱lokꞌ chokꞌ a̱mo̱s ut ta̱lokꞌ ajcuiꞌ li kachꞌochꞌ re nak ta̱qꞌue bayak katzacae̱mk. Ut la̱o joꞌ ajcuiꞌ li kachꞌochꞌ aꞌan ta̱cꞌanjelak chokꞌ xtzꞌak li katzacae̱mk. La̱o chic xlokꞌbil mo̱s laj faraón. Ut ta̱qꞌue li kiyaj re nak toa̱uk ut riqꞌuin aꞌan incꞌaꞌ toca̱mk, chanqueb re laj José.

Génesis 47:19 ပူးပေါင်းရင်းမြစ်များ

Li xHu LAJ JOB 2:4

Laj tza kixsume li Qaawa': —Naq toj maji' narahob'tesiik junaq winq, us yo chi elk chixjunil. Li winq kawal wank chi xq'axtesinkil chixjunil, re xkolb'al li xyu'am.

Lamentaciones 5:9

Yal naqakawila qach'ool re xsik'b'al qawa; ut eb' laj rahob'tesinel wankeb' sa' junesal na'ajej.

Lamentaciones 5:6

Naqapatz' qawa quk'a' re Ejiipt ut Asiria, a'eb' li xik' neke'ilok qe.

Lamentaciones 1:11

Chixjunileb' laj Jerusalén yookeb' chi yaab'ak naq neke'xik chi xsik'b'al xwaheb'. Xe'xk'ayi li k'aru jwal loq' wank reheb' re te'wanq xtzekemq ut te'xkol li xyu'ameb': “At Qaawa', chawil ut chak'e reetal li xtoq'ob'aal qu”, chankeb'.

San Mateo 16:26

K'a' put ru tixra junaq winq naq taareechani chixjunil li ruuchich'och', wi taasachq li xyu'am chiru? Malaj k'aru tixk'e cho'q reeqaj li xyu'am?

Génesis 47:15

Naq kilajk li tumin sa' xsutam Ejiipt ut Kanahán, jun chalikeb' chixjunileb' laj Ejiipt rik'in laj José chi xyeeb'al re: “K'e qawa. K'a'ut naq tookamq chawu arin anaqwan naq xlajk li qatumin?”, chankeb'.

Génesis 47:18

Naq kiraqe'k li chihab' a'an, ke'wulak wi' chik rik'in laj José ut ke'xye re: “Ink'a' tqamuq chawu naq xlajk li qatumin; jo'kan ajwi' li qaketomq ak aaweheb' chik. Maak'a' chik k'aru tqayeechi'i aawe; ka'aj chik eb' li qoq quq' ut li qach'och'.

Génesis 47:20

Toja' naq laj José kireechani chixjunil li ch'och' sa' xsutam Ejiipt cho'q re laj Parahón, xb'aan naq chixjunileb' laj Ejiipt ke'xk'ayi li xch'och'eb' xb'aan li we'ej li yo chi numtaak aran. Chi jo'kan li ch'och' kikanaak cho'q re laj Parahón

Génesis 41:36

Chi jo'kan taakanaaq chi k'uulanb'il li triiw ut taak'anjelaq cho'q re li tenamit re naq ink'a' te'kamq chiru li wuqub' chihab' taawanq wi' li we'ej Ejiipt”, chan laj José.