Génesis 47:17 - Q'eqchi Bible

¹⁷ Toja' naq ke'xk'am chaq li xketomqeb', eb' li xkawaay, eb' li xkarneer, eb' li xwakax ut eb' li xb'uur rik'in laj José, ut laj José kixk'eheb' xwa cho'q reeqaj, chiru chixjunil li chihab' a'an.

Li Santil hu

¹⁷ Eb aꞌan queꞌxkꞌaxtesi lix cuacaxeb riqꞌuin laj José, joꞌ eb ajcuiꞌ lix cacua̱y, lix carner ut eb lix bu̱r. Ut laj José quixqꞌue lix tzacae̱mk aꞌ yal chanru xqꞌuialeb lix cuacaxeb. Ut chiru li chihab aꞌan queꞌxqꞌueheb lix cuacax chokꞌ xtzꞌakeb lix trigo.

Génesis 47:17 ပူးပေါင်းရင်းမြစ်များ

San Mateo 6:24

“Maa'ani naruhank chi k'anjelak chiru wiib'aq aj eechal re, xb'aan naq xik' taaril junaq ut tixra li jun chik, malaj tixk'e xch'ool rik'in junaq ut tixtz'eqtaana li jun chik. Ink'a' naru texk'anjelaq chiru li Yos ut chiru li Tumin.

Isaías 31:1

Ra chaalel sa' xb'eeneb' li neke'xik Ejiipt chi xpatz'b'al xtenq'ankileb', eb' li neke'xk'ojob' xch'ooleb' chirix li xk'iila kawaayeb' ut b'eleb'aal ch'iich'eb', eb' li kaweb' xch'ool xb'aan naq naab'aleb' naq neke'b'eek chirix kawaay, ab'anan ink'a' neke'xsik' li Qaawa' ut maak'a' royb'enihomeb' rik'in li xSant laj Israel.

Li xHu LAJ JOB 2:4

Laj tza kixsume li Qaawa': —Naq toj maji' narahob'tesiik junaq winq, us yo chi elk chixjunil. Li winq kawal wank chi xq'axtesinkil chixjunil, re xkolb'al li xyu'am.

1 Reyes 10:28

Li xkawaayeb' laj Salomón neke'chalk chaq sa' li na'ajej Musrí ut Silisia, xb'aan naq eb' laj yakonel neke'loq'ok aran cho'q re li awab'ej chi junaj xtz'aq.

Éxodo 9:3

k'e reetal naq li ruq' li Qaawa' taat'ane'q sa' xb'eeneb' laaketomq sa' pim, sa' xb'eeneb' li kawaay, li b'uur, li kameey, li wakax ut eb' li karneer, ut taawanq jun xiwajel raxkamk.

Génesis 47:16

Ut laj José kixye reheb': “Wi maak'a' leetumin, k'amomaq chaq leeketomq ut tink'e eewa cho'q reeqaj leeketomq”.

Génesis 47:18

Naq kiraqe'k li chihab' a'an, ke'wulak wi' chik rik'in laj José ut ke'xye re: “Ink'a' tqamuq chawu naq xlajk li qatumin; jo'kan ajwi' li qaketomq ak aaweheb' chik. Maak'a' chik k'aru tqayeechi'i aawe; ka'aj chik eb' li qoq quq' ut li qach'och'.