Génesis 46:34 - Q'eqchi Bible

³⁴ teeye re: «Chalen chaq sa' qakach'inal laa'o aj k'aak'alenel ketomq; jo'kaneb' ajwi' chaq eb' li qaxe'toonil yuwa'», cha'qex. Chi jo'kan truuq texkanaaq sa' li na'ajej Gosen”, chan laj José. Xb'aan naq eb' laj Ejiipt xik' neke'ril chixjunileb' laj k'aak'alenel ketomq.

Li Santil hu

³⁴ la̱ex texchakꞌok ut te̱ye re, “Chalen chak saꞌ kacaꞌchꞌinal, la̱o aj ilol queto̱mk. Aꞌan ajcuiꞌ li cꞌanjel li queꞌxba̱nu chak eb li kaxeꞌto̱nil yucuaꞌ.” Joꞌcaꞌin te̱ye re laj faraón re nak aꞌan tixye e̱re nak texcana̱k saꞌ li naꞌajej Gosén. Kꞌaxal us raj texcana̱k arin Gosén xban nak eb laj Egipto xicꞌ nequeꞌrileb li nequeꞌqꞌuiresin queto̱mk, chan laj José reheb li ras.

Génesis 46:34 ပူးပေါင်းရင်းမြစ်များ

Éxodo 8:26

Kichaq'ok laj Moisés ut kixye: “Ink'a' us naq tqab'aanu chi jo'kan xb'aan naq li mayej naqayeechi'i re li Qaawa' li qaYos a'an tz'eqb'eetal cho'q reheb' laj Ejiipt. Ma ink'a' tab'i' toohex'kut chi pek eb' laj Ejiipt wi arin chiruheb' tqayeechi'i cho'q qamayej li k'aru neke'xtz'eqtaana?

Génesis 43:32

Ke'xk'am chaq li tzekemq, jalan jalanq li na'ajej te'xk'e raj wi' chi wa'ak laj José, eb' li ras ut eb' laj Ejiipt li ke'wa'ak rochb'een (xb'aan naq eb' laj Ejiipt ink'a' naru te'wa'aq rochb'eeneb' laj Hebreo: xnimal maak a'an cho'q reheb').

Génesis 46:32

ut xe'xk'am chaq eb' li xkarneer, xwakax ut chixjunil li k'aru wank reheb', xb'aan naq a'aneb' aj k'aak'alenel karneer ut aj ilol ketomq».

Génesis 37:12

Sa' jun kutan eb' li ras koheb' chi xb'eresinkileb' li xkarneer li xyuwa' aran Sikem.

Génesis 45:10

Tatkanaaq sa' li na'ajej Gosen, nach' chik wik'in, aawochb'eeneb' laawalal, laawi aamam, eb' laakarneer, laawakax ut chixjunil li k'aru wank aawe.

Génesis 30:35

Ab'an sa' ajwi' li kutan a'an laj Labán kixjek'eb' li teelom chib'aat li tzipix ut eb' li ch'ulak rixeb', jo'wi' chixjunileb' li ixqi chib'aat tzipix ut eb' li ch'ulak rixeb', chixjunil li wank b'ayaq xsaqal jo' ajwi' li wanqeb' xq'eqal sa' xyanqeb' li karneer, ut kixq'axtesiheb' reheb' li ralal.

Génesis 34:5

Kirab'i laj Jakob naq laj Sikem kixmux xtuq'ixqilal lix Dina li xrab'in, ab'an eb' li ralal wankeb' chaq sa' k'aleb'aal chi ilok ketomq; jo'kan naq maak'a' kixye toj sa' xk'ulunikeb' li ralal.

Génesis 13:7

Neke'xch'i'ch'i'i rib'eb' laj ilol xketomq laj Abrán rik'ineb' laj ilol xketomq laj Lot (sa'eb' li kutan a'an wankeb' chaq laj Kanahán ut eb' laj Perés sa' li na'ajej a'an).

Génesis 13:8

Jo'kan naq laj Abrán kixye re laj Lot: “Maak'a'aq taxaq raaxiik' sa' qayanq laa'o, sa' xyanqeb' laj ilol re linketomq rik'ineb' laawe, xb'aan naq laa'o qiitz'in qib'.

Génesis 26:20

Ab'anan eb' laj ilol ketomq re Kerar ke'pleetik rik'ineb' laj ilol xketomq laj Isahak: “Qe li ha'”, chankeb'. Jo'kan naq laj Isahak kixk'e Eseq cho'q xk'ab'a' li ha' a'an xb'aan naq ke'pleetik chirix.

Génesis 37:2

Jo'ka'in naq ke'wank chaq li ralal xk'ajol laj Jakob. Wuqlaju chihab' wank re laj José ut naxk'aak'aleheb' li karneer rochb'eeneb' li ras, a'aneb' li ralal laj Jakob rik'in lix Bilhá ut xSilpá. Ab'an li saaj al naxye re li xyuwa' li ink'a' us li nayeemank chirixeb' li ras.

Génesis 45:18

k'amomaq chaq leeyuwa' ut leejunkab'al. Chalqex wik'in ut laa'in tink'e eere chixjunil li q'axal chaab'il wank arin Ejiipt ut taawanq ajwi' leechaab'il tzekemq sa' lintenamit.

Génesis 47:3

Ut laj Parahón kixpatz' reheb' li ras laj José: “K'aru li k'anjel nekeb'aanu?”, chan. Ke'chaq'ok eb' a'an ut ke'xye: “Laa'o aj k'aak'alenel ketomq; jo'kaneb' ajwi' li qaxe'toonil yuwa'”.

Génesis 47:4

Ke'xye ajwi' re laj Parahón: “Xoochalk chi wank sa' li ch'och' a'in, xb'aan naq k'ajo' li we'ej aran Kanahán ut maak'a' li raxpim cho'q reheb' li qaketomq. Chakuy qamaak, naqatz'aama chawu naq toohaakanab' chi wank sa' li na'ajej Gosen”, chankeb'.

Génesis 47:6

Wank chawu chixjunil li tenamit Ejiipt: kanab'eb' b'i' laayuwa' ut eb' laawas chi hilank wan wi' li xq'emal ch'och'. Che'hilanq sa' li na'ajej Gosen ut, wi laa'at nakanaw naq sa' xyanqeb' wankeb' li neke'xnaw xk'anjel, chaxaqab'eb' cho'q xb'eenileb' laj ilol ketomq, sa' xb'een li k'aru wank we”, chan.

Génesis 47:11

Laj José kixpaab' li kiyehe'k re xb'aan laj Parahón: kixk'e xna'ajeb' li ras ut li xyuwa' sa' li ch'och' q'axal chaab'il re Ejiipt, sa' xteepal Ramsés.

Éxodo 8:22

Ab'an sa' li kutan a'an ink'a' tintaqlaheb' li kas sa' xsutam Gosen b'arwi' wankeb' lintenamit: aran maajun junaq kas taawanq. Jo'kan taanaw naq laa'in li Qaawa' wankin sa' li tenamit a'in.