Génesis 46:3 - Q'eqchi Bible

³ Toja' naq li Yos kixye re: “Laa'in li Yos, xYos laayuwa'. Matxiwak chi xik Ejiipt, xb'aan naq aran twisi aawik'in jun xnimal ru tenamit.

Li Santil hu

³ Ut li Ka̱cuaꞌ Dios quixye re: —La̱in li Ka̱cuaꞌ Dios li quixlokꞌoni la̱ yucuaꞌ. Matxucuac chi xic Egipto xban nak aran tinqꞌueheb chi qꞌuia̱nc nabaleb la̱ cualal a̱cꞌajol. Riqꞌuineb aꞌan ta̱cua̱nk jun nimla tenamit.

Génesis 46:3 ပူးပေါင်းရင်းမြစ်များ

Deuteronomio 26:5

Ut laa'at tat-ok chi aatinak, taaye a'in re li Qaawa' laaYos: «Linxe'toonil yuwa' a'an chaq jun aj Aram, aj b'eenihom rib'. Kikub'eek sa' li tenamit Ejiipt ut aran kiwank chi yal ink'a' k'iheb'; ab'anan ke'tamk, ke'xtaw xwankil ut ke'nimlatenamito'k.

Génesis 12:2

Aawik'in twisi jun xnimal ru tenamit. Tatwosob'tesi ut tinnimob'resi laak'ab'a'. Laa'at tatkanaaq cho'q xyo'leb'aal li usilal.

Hechos 27:24

ut xye we: «Matxiwak, Pablo! Tento tatwulaq chiru li awab'ej. K'e reetal, li Yos xk'eheb' sa' laawuq' li xyu'am chixjunileb' laawochb'een sa' laab'eenik», chan.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Génesis 35:11

Chirix chik a'an kixye: “Laa'in li Nimajwal Yos. Chiwanq aawalal aak'ajol ut chatk'ihanq. Jun tenamit ut xk'ihaleb' li poyanam te'yo'laaq aawik'in, ut wankeb' awab'ej te'elje'q aawik'in.

Hechos 7:17

“Naq yo chaq chi nach'ok xq'ehil li xyeechi'om li Yos re laj Abrahán, ke'k'ihank li tenamit Israel ut ke'pukank aran Ejiipt,

Deuteronomio 10:22

Lajeeb' xkaak'aaleb' ajwi' laaxe'toonil yuwa' naq ke'kub'eek Ejiipt, ut anaqwan li Qaawa' laaYos xatxk'e chi k'ihank jo' xk'ihaleb' li chahim sa' choxa.

Deuteronomio 1:10

Li Qaawa' leeYos xexnaab'alob'resi, ut anaqwan laa'ex chik jo'eb' li chahim chiru choxa.

Génesis 47:27

Eb' laj Israel ke'kanaak sa' li na'ajej Gosen, sa' xteepal Ejiipt; ke'na'ajunk aran, ke'wank ralal xk'ajol ut k'ajo' naq ke'k'ihank.

Génesis 22:17

Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Génesis 18:18

Laj Abrahán a'anaq jun xnimal ru tenamit q'axal kawaq rib'. Sa' xk'ab'a' a'an osob'tesinb'ilaqeb' chixjunil li tenamit sa' ruuchich'och'.

Génesis 15:13

Toja' naq li Qaawa' kixye re laj Abrán: “Chanawaq naq eb' laawalal aak'ajol te'kanaaq sa' ab'l aj ch'och' jo'aqeb' aj b'eenihom rib'; te'mine'q ru chi xb'aanunkil li kawil k'anjel ut te'rahob'tesiiq chiru jun o'q'ob' (400) chihab'.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Jeremías 40:9

Laj Kedalías, ralal laj Ajikán ut ri laj Safán, kixye reheb' sa' jurament: “Mexxiwak chi k'anjelak chiruheb' laj Kaldeha. Kanaaqex sa' li tenamit, k'anjelanqex chiru li awab'ej re Babilonia, ut us wanqex.

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Génesis 48:16

li ánjel li kikolok we chiru chixjunil li ink'a' us, chi'osob'tesinq taxaq reheb' li kok'al a'in. Che'xk'ab'a'in ta link'ab'a' ut li xk'ak'a'eb' linyuwa'ilq laj Abrahán ut laj Isahak: che'alanq ut che'k'ihanq sa' ruuchich'och'”.

Génesis 48:19

A'ut li xyuwa' ink'a' kixk'ul xch'ool ut kixye: “Ninnaw, at walal, ninnaw: a'an ajwi' nimaq xwankil. Ab'anan li riitz'in q'axal chik nimaq xwankil chiru, ut eb' li ralal xk'ajol a'anaqeb' xnimal ru tenamit”.

Éxodo 14:13

Kichaq'ok laj Moisés ut kixye reheb' li tenamit: “Mexxiwak, kawaq eech'ool ut teeril li kolb'a ib' tixk'e eere li Qaawa' sa' li kutan a'in. Xb'aan naq eb' laj Ejiipt li yookex chi rilb'al anaqwan, maajun wa chik teerileb' ru.

Éxodo 1:12

Ab'anan, naq jwal kaw neke'rahob'tesiik, q'axal chik neke'pukank ut neke'k'ihank; jo'kan naq eb' laj Ejiipt k'ajo' naq ke'xxiwa ruheb' laj Israel.