Génesis 43:7 - Q'eqchi Bible

⁷ Ke'chaq'ok eb' a'an ut ke'xye: “A'an kixpatz' qe aniho ut aniheb' li qakomon: «Ma toj wank leeyuwa'? Ma toj yo'yo leeyuwa'? Ma wank chik junaq leeriitz'in?», chan. Ut laa'o xqasumeheb' li aatin a'an. K'a' tab'i' tqanaw wi' naq tixye ajwi' qe: «K'amomaq chaq leeriitz'in?»”.

Li Santil hu

⁷ Ut eb aꞌan queꞌchakꞌoc ut queꞌxye re: —Li cui̱nk aꞌan quixpatzꞌ ke chanru nak cuanco. Quipatzꞌoc chikix joꞌ ajcuiꞌ chirixeb li kechꞌalal. Quixpatzꞌ ke ma toj yoꞌyo li kayucuaꞌ ut ma cuan chic junak ki̱tzꞌin. ¿Cꞌaꞌ ta cuiꞌ chic ru takaye re nak xpatzꞌ ke chi joꞌcan? Xban aꞌan nak xkaye lix ya̱lal re. ¿Chan ta biꞌ ru nak takanau nak tixye ke nak takacꞌam li ki̱tzꞌin riqꞌuin? chanqueb.

Génesis 43:7 ပူးပေါင်းရင်းမြစ်များ

Génesis 43:3

Ab'an laj Judá kixye re: “Ch'olch'o xye chaq qe li winq a'an: «Meek'ut eerib' chiwu wi ink'a' eerochb'eenaq leeriitz'in».

Génesis 43:27

A'an kixk'e xsahileb' xch'ool ut kixpatz' reheb': “Ma toj yo'yo leetiixil yuwa' li xeseeraq'i we?”.

Génesis 42:13

Ke'xye re: “Kab'lajuheb' laj k'anjel chawu: qiitz'in qib' ut jun ajwi' li qayuwa' aran Kanahán; ab'an li iitz'inb'ej wan chaq anaqwan rik'in li qayuwa', ut li jun chik moko yo'yo ta chik”.

Génesis 43:6

Toja' naq kixye laj Israel: “K'a' put naq xek'am chaq li rahilal a'in sa' inb'een? Xeye re li winq a'an naq wank jun chik eeriitz'in”.

Génesis 44:19

Laa'at xapatz' qe: «Ma wank leeyuwa' malaj junaq leeriitz'in?».

Génesis 42:11

Chiqajunilo laa'o ralalo jun chi yuwa'b'ej ut tiik li qach'ool. Eb' laj k'anjel chawu moko aj ch'uukeb' ta”.