Génesis 43:34 - Q'eqchi Bible

³⁴ Laj José kixtaqla xjek'inkil cho'q reheb' li tzekemq wank sa' meex, ab'an li kitz'aqk laj Benjamín a'an oob' wa chik xk'ihal chiru xtzekemqeb' li ras. Ke'uk'ak chi us ut k'ajo' naq ke'saho'k sa' xch'ool chixjunileb' rochb'een a'an.

Li Santil hu

³⁴ Ut laj José quixtakla xjeqꞌuinquileb lix tibel xcua. Ut o̱b sut tzꞌakal xqꞌuial li quixcꞌul laj Benjamín chiruheb li ras. Ut chixjunileb queꞌcuaꞌac ut queꞌucꞌac ut quisahoꞌ saꞌ xchꞌo̱leb rochben laj José.

Génesis 43:34 ပူးပေါင်းရင်းမြစ်များ

Génesis 45:22

Kixk'e jun sumal chi aq'ej re li junjunq, ab'an re laj Benjamín kixk'e o'lajuk'aal (300) xtumin plaat ut oob' sumal li raq'.

2 Samuel 11:8

Chirix chik a'an kixye re: “Ayu sa' laawochoch ut hilan kach'inaq”. Laj Urías ki'elk aran ut laj David kixtaqla xmaatan, xkomon li tzekemq naxtzeka a'an.

1 Samuel 1:5

ab'an lix Ana natz'aqk li k'aru jwal chaab'il, xb'aan naq q'axal raaro xb'aan laj Elkaná, us ta li Qaawa' ink'a' kixk'e chi alank.

San Juan 2:10

ut kixye re: —Chixjunil li poyanam xb'enwa neke'xk'e li chaab'il b'iin ut, naq ak xe'k'ojlaak xch'ool, aka' chik li ink'a' chaab'il. A'ut laa'at xak'uula li chaab'il b'iin toj anaqwan.

San Mateo 11:19

Xk'ulunk li K'ajolb'ej li nawa'ak na'uk'ak, ut neke'xye: «Wahi' jun li winq junes wa'ak, junes uk'ak naxb'aanu, ramiiweb' laj titz'ol toj ut eb' laj maak», chankeb'. Ab'anan xk'utunk xyaalalil ut li xchaab'ilal li choxahil na'leb' rik'ineb' li xb'aanuhom”.

Habacuc 1:6

Ok we chi xwaklesinkil chaq eb' laj Kaldeha sa' eeb'een: a'an jun tenamit q'axal josq' ut junelik yo'oon wankeb' chi xik yalaq b'ar sa' ruuchich'och' chi reechaninkileb' li na'ajej li moko reheb' ta.

Cantares 5:1

Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

Eclesiastés 10:19

Li wa'ak ut li uk'ak neke'k'ehok sahil ch'oolej; ut li tumin naxk'uub' chixjunil.

Eclesiastés 9:7

Jo'kan b'i', wa'in ut uk'an chi anchal aach'ool, xb'aan naq li Yos sa sa' xch'ool rik'ineb' laab'aanuhom.

Proverbios 31:6

K'e li ha' nakaltesink reheb' li ra sa' xch'ooleb' ut kamkeb' re.

Génesis 35:24

A'aneb' a'in li ralal li kiwank rik'in lix Rakel: laj José ut laj Benjamín.