Génesis 43:30 - Q'eqchi Bible

³⁰ Tikto ki'elk laj José xb'aan naq yaab'ak traj sa' xk'ab'a' xsahil xch'ool chi rilb'al li riitz'in; ut naq ki'ok sa' li xwarib'aal, kiyaab'ak aran.

Li Santil hu

³⁰ Joꞌcan nak qui-el laj José saꞌ xya̱nkeb xban nak oc raj re chi ya̱bac. Cꞌajoꞌ nak quisahoꞌ saꞌ xchꞌo̱l chi rilbal laj Benjamín xban nak kꞌaxal naxra li ri̱tzꞌin. Laj José co̱ jun pacꞌal xjunes ut aran quiya̱bac.

Génesis 43:30 ပူးပေါင်းရင်းမြစ်များ

Génesis 42:24

Naq kirab'i a'an laj José, kixkanab'eb' junpaat ut ki'ok chi yaab'ak xjunes. Chirix chik a'an kisutq'iik chaq ut ki'aatinak rik'ineb'; kixchap laj Simehón ut kixb'ak' chiru chixjunileb'.

Jeremías 31:20

“Laj Efraín a'an jun alalb'ej jwal loq' cho'q we laa'in, a'an li walal q'axal raaro inb'aan. Us ta ninq'us chi kaw, ab'an junelik wank sa' inch'ool; namayok li waanm chirix, nawil xtoq'ob'aal ru ut jwal ninra -chan li Qaawa'-.

Filipenses 2:1

K'ojk'o linch'ool naq li Kriist xb'oqok eere chi waklesink ch'oolej ut li xrahom nekextaqla chi xk'ojob'ankil xch'ooleb' leeras eeriitz'in; wotz nekextz'aqonk rik'in jun chi Musiq'ej, aj uxtaanex ut chaab'il leeraanm.

Filipenses 1:8

Li Yos naxnaw chi us naq q'axal nekexinra chejunilex sa' li xrahom li Kristo Jesus.

Oseas 11:8

“Chanru naq tatinkanab', a Efraín? Chanru naq tatintz'eqtaana, a Israel? Ma tatinsach tab'i' jo' xinb'aanu re li tenamit Admá malaj tinb'aanu ta aawe jo' xinb'aanu reheb' laj Seboín xb'aan li xmaa'usilaleb'? Q'axal nayot'e'k li waanm ut namayok linch'ool chawix.

1 Reyes 3:26

Ab'anan li xna' li k'uula'al yo'yo kimayok xch'ool chirix li xk'uula'al, ut kixtz'aama chiru li awab'ej: “B'aanu usilal, at awab'ej, chik'eemanq li k'uula'al yo'yo re li ixq a'an, ab'an meekamsi!”. A'ut li ixq jun chik yo xyeeb'al: “Chi moko we chi moko aawehaq! Xjachaqeb' sa' xyi!”, chan.

Génesis 45:2

Toja' naq kixjap re chi yaab'ak; ut ki'ab'iik xb'aaneb' laj Ejiipt jo'wi' xb'aaneb' li wankeb' sa' rochoch laj Parahón.

1 Juan 3:17

Wi junaq b'ihom naril li ras riitz'in naq wank sa' rajb'al ru ut ink'a' tixtenq'a, chanru naq li xrahom li Yos wanq rik'in?

2 Timoteo 1:4

Naq najultiko'k we chanru naq xatyaab'ak, k'ajo' naq nawaj raj rilb'al aawu re naq chitz'aqloq xsahil inch'ool.

Colosenses 3:12

Li Yos q'axal nekexra ut kixsik' eeru re naq santaqex. Tiqib'omaq b'i' eerib' rik'in xnimal uxtaanal, rik'in li usilal, li tuulanil, kub'enaqaq eewankil ut nimaq eekuyum.

Hechos 20:37

K'ajo' naq ke'ok chi yaab'ak chixjunileb', ke'xq'alu chi xkux laj Pablo ut ke'xtz'ub' ru

Hechos 20:31

Jo'kan utan, chexyo'leq ut jultikaq eere naq chiru oxib' chihab' ink'a' xinhilank chi xk'eeb'al eena'leb' chejunjunqal, chi q'eq ut chi kutan, rik'inatq xya'al wu.

Hechos 20:19

Xink'anjelak chiru li Qaawa' chi q'axal kub'enaq inwankil, rik'in xya'al wu ut rik'in li k'iila yale'k xchalk sa' inb'een xb'aan xra'aleb' laj Judiiy.

Génesis 46:29

laj José kixb'ak' li xb'eleb'aal ch'iich' chirixeb' li kawaay ut koho Gosen chi xk'ulb'al laj Israel, li xyuwa'. Naq kiril ru, kixq'alu chi xkux ut k'ajo' naq kiyaab'ak sa' xb'een xkux.