Génesis 42:6 - Q'eqchi Bible

⁶ Li nataqlank sa' chixjunil Ejiipt a'an laj José, ut a'an ajwi' li nak'ayink li triiw re chixjunil li ruuchich'och'. Naq ke'wulak eb' li ras laj José, ke'xwiq'ib' rib' chiru.

Li Santil hu

⁶ Laj José, aꞌan li nataklan saꞌ li tenamit Egipto ut saꞌ rukꞌ aꞌan quicana xcꞌayinquil li trigo. Eb li ras laj José queꞌcuulac riqꞌuin ut queꞌxxulub rib saꞌ chꞌochꞌ chiru.

Génesis 42:6 ပူးပေါင်းရင်းမြစ်များ

Apocalipsis 3:9

K'e reetal, wank xkomoneb' li xch'utleb'aal ochoch laj tza li ok we chi xq'axtesinkileb' sa' laawuq', eb' li neke'xye rib' naq a'aneb' aj Judiiy ut maawa'eb', tik'ti' b'an li neke'xye. Laa'in teb'ink'e chi xik chi wiq'laak rub'el laawoq, re naq te'xnaw naq laa'in nakatinra.

Hechos 7:10

ut kirisi sa' chixjunil li xrahilal. Kixk'e xna'leb' re naq usilal tixtaw chiru laj Parahón, awab'ej re Ejiipt; ut a'in kixxaqab' laj José cho'q aj jolominel re Ejiipt jo'wi' re chixjunil li xjunkab'al.

Génesis 45:26

ut koxe'xye re: “Toj yo'yo laj José! A'an li nataqlank sa' xb'een chixjunil li tenamit Ejiipt”, chankeb'. Naq kirab'i resil li ralal, mem kikanaak laj Jakob, xb'aan naq ink'a' kixpaab' li k'aru kiyehe'k re xb'aaneb' li ralal.

Génesis 45:8

Jo'kan b'i', moko laa'ex ta li xextaqlank chaq we arin, a' b'an li Yos. Ut a'an xinxxaqab' cho'q aj ilol re laj Parahón, cho'q aj eechal re chixjunil li xjunkab'lal ut cho'q aj jolominel re chixjunil Ejiipt.

Génesis 44:14

Laj Judá ut eb' li riitz'in ke'ok sa' rochoch laj José li toj wank aran, ut koxe'xhupub' rib' chiru.

Génesis 19:1

Li wiib' chi ánjel ke'wulak ewu Sodoom. K'ojk'o laj Lot sa' rokeb'aal li tenamit. Naq kirileb', kixaqliik ut koho chi xk'ulb'aleb'. Kixhupub' rib'

Génesis 18:2

Kixtaqsi li rilob'aal ut k'utaamileb' oxib' chi winq xaqxookeb' chi xk'atq. Naq kirileb', ki'elk chaq chire li xmuheb'aal chi xk'ulb'aleb', kixhupub' rib'

Génesis 33:3

Chirix chik a'an koho chi uub'ej ut kixwiq'ib' rib' wuqub' sut toj reetal kiwulak wan wi' li ras.

Génesis 41:43

Kixk'e ajwi' chi taqe'k sa' li xkab' xb'eleb'aal ch'iich' ut kixtaqlaheb' winq chi xik chiru laj José, japjo'qeb' re chi xyeeb'al: “Wiq'lanqex”. Jo'ka'in naq laj Parahón kixxaqab' laj José chi xjolominkil chixjunil li tenamit Ejiipt.

Génesis 48:12

Laj José kirisiheb' li kok'al chiru ra' li xyuwa' ut kixhupub' rib' chiru.

1 Samuel 20:41

Naq ak xkoho li al, ki'elk chaq laj David chi xk'atq li jun tuub' chi pek, kixhupub' rib' chiru ch'och' ut ox sut kixk'utzub' rib'. Chirix a'an ke'xq'alu rib' xkab'ichaleb' laj David ut laj Jonatán, ut k'ajo' naq ke'yaab'ak.

Proverbios 11:26

Li namuquk ixim namajewaak xb'aaneb' li tenamit; a'ut li nak'ayink, na'osob'tesiik.

Isaías 60:14

Eb' li ralal xk'ajoleb' li xe'rahob'tesink aawe te'chalq chi k'utzk'uuqeb', ut chixjunileb' li xe'majewank aawe tole'xwiq'ib' rib' chawoq ut te'xye aawe: «Xtenamit li Qaawa'», «Sión, xtenamit li xSant laj Israel».

Génesis 41:54

ke'xtikib' chalk li wuqub' chihab' chik re li we'ej, jo' yeeb'il chaq xb'aan laj José. Kiwank we'ej sa' chixjunileb' li tenamit, ab'an sa' xsutam Ejiipt wank li wa.

Génesis 41:57

Yalaq b'ar sa' ruuchich'och' neke'chalk Ejiipt re xloq'b'al li triiw rik'in laj José, xb'aan naq yo chi numtaak li we'ej sa' chixjunil li ruuchich'och'.