Génesis 42:38 - Q'eqchi Bible

³⁸ Kichaq'ok laj Jakob ut kixye: “Ink'a' taaxik li walal cherix, xb'aan naq kamenaq chik li ras ut ka'aj chik a'in xkanaak. Mare k'aru tixk'ul sa' b'e naq yooqex chi xik, ut chi jo'kan tineetaqla sa' xna'ajeb' li kamenaq chi ra sa' inch'ool sa' lintiixilal”.

Li Santil hu

³⁸ Ut laj Jacob quixye re: —Ma̱ jaruj ta̱ru̱k ta̱xic li cualal che̱rix. Cꞌoxla, camenak li cualal jun ut caꞌaj chic laj Benjamín nacuan cuiqꞌuin. Ma̱re cꞌaꞌru tixcꞌul saꞌ be nak yo̱kex chi xic. Cui ma̱ anihak chic laj Benjamín cuiqꞌuin, la̱in naru nincam xban xrahil saꞌ inchꞌo̱l xban nak la̱in ti̱xin chic. La̱ex cuan e̱ma̱c cui nincam xban xrahil inchꞌo̱l, chan laj Jacob.

Génesis 42:38 ပူးပေါင်းရင်းမြစ်များ

Génesis 37:35

Chixjunileb' li ralal ut eb' li xrab'in ke'wulak chi xk'ojob'ankil xch'ool, a'ut a'an ink'a' kiraj k'ojob'aak xch'ool ut naxyehatq: “Tinwanq chi ra sa' inch'ool toj reetal tinxik rik'in li walal sa' xna'ajeb' li kamenaq”. K'ajo' naq kiyaab'ak laj Jakob chirix li ralal.

Génesis 42:4

a'ut laj Benjamín, riitz'in laj José, ink'a' kitaqlaak chirixeb' li ras, xb'aan naq laj Jakob li xyuwa' kixye: “Mare anchal tixk'ul junaq rahilal”.

Génesis 37:33

Laj Jakob tikto kixnaw naq a'an li xjut-aq' laj José: “A'in tz'aqal li xjut-aq' li walal -chan-. Jun josq' aj xul xtiwok re. Ch'olch'o naq xt'upiik laj José”.

Génesis 42:13

Ke'xye re: “Kab'lajuheb' laj k'anjel chawu: qiitz'in qib' ut jun ajwi' li qayuwa' aran Kanahán; ab'an li iitz'inb'ej wan chaq anaqwan rik'in li qayuwa', ut li jun chik moko yo'yo ta chik”.

Isaías 46:4

Toj sa' leetiixilal laa'inaq ajwi' leeYos; naq ak saqaq aj chik leejolom, texinch'oolani ajwi'. Laa'in kinyoob'tesink eere, ut toj texwil; texinb'eresi laa'in ut texinkol.

Isaías 38:10

Laa'in xinye sa' linch'ool: Sa' xyiitoq linyu'am tinq'ajq tinsutq'iiq; tento tinxik chi xchoyb'al linyu'am sa' xyanqeb' li kamenaq.

Eclesiastés 2:26

Naq junaq narahe'k xb'aan li Qaawa', nak'eemank xna'leb', xseeb'al xk'a'uxl ut xsahil xch'ool; a'ut laj maak, li Yos naxk'e chi k'anjelak ut chi tamok b'ihomal yal re xkanab'ankil moqon chixjunil a'an re li ani raaro xb'aan. A'in ajwi' maak'a' rajb'al ut chanchan li chapok iq'!

Eclesiastés 1:14

Xink'e reetal naq chixjunil li nak'ulmank sa' ruuchich'och', a'an maak'a' rajb'al ut chanchan li chapok iq'.

Salmos 90:10

Ka'aj chik lajeetq kaak'aal chihab' li qayu'am, malaj kaak'aal chihab', wi toj kawo; ab'an junes rahilal ut xtawasinkil qib' naqak'ul: sa' junpaat neke'nume'k ut laa'o nokoo'oso'k.

Salmos 71:18

Ut anaqwan naq xin'ok chi tixk ut saqeb' chik li wismal, minaakanab' injunes, at inNa' at inYuwa', re naq toj tinpuktesi resil li xnimal aawankil reheb' li tenamit toj chaalel.

1 Reyes 2:6

B'aanu re li k'aru us chawu, ab'an maakanab' chi tixk sa' tuqtuukilal.

Génesis 44:20

Ut laa'o xqaye: «Hehe', wank qayuwa', tiix aj chik, ut wank ajwi' jun ralal toj saaj li kiyo'laak sa' xtiixilal. Jun chik ralal, asb'ej chiru a'an, kikamk; ka'aj chik a'an xkanaak sa' xyanqeb' li ralal li xna', ut q'axal raaro xb'aan li xyuwa'».

Génesis 37:34

Toja' naq laj Jakob kixq'ich li raq', kixtiqib' rib' rik'in q'es ruhil t'ikr, ut chiru naab'al kutan kikanaak sa' rahil ch'oolejil xb'aan li ralal.

Génesis 42:37

Toja' naq laj Rubén kixye re li xyuwa': “Chakamsiiqeb' xkab'ichaleb' li walal wi ink'a' tink'am chaq li wiitz'in. Q'axtesi sa' wuq' laj Benjamín ut laa'in tink'am chaq wi' chik aawik'in”.

Génesis 43:13

K'amomaq b'i' leeriitz'in cherix ut ayuqex chi junpaat wan wi' li winq a'an.

Génesis 44:22

Ut laa'o xqasume: «Maamin taaruuq naq li al tixkanab' chaq li xyuwa': wi tixkanab', ch'olch'o naq taakamq li yuwa'b'ej».

Li xHu LAJ JOB 41:32

Saqsaq ru li xwoqx li ha' naxkanab' ut nalemtz'unk b'arwi' nanume'k.