Génesis 42:28 - Q'eqchi Bible

²⁸ Tikto kixye reheb' li ras riitz'in: “Xe'xq'ajsi chaq lintumin: waye' sa' linsaak!”. Sachaamileb' xch'ool, neke'siksotk naq ke'xye chirib'ileb' rib': “K'a' xaq ru a'in li xb'aanu qe li Yos?”.

Li Santil hu

²⁸ Ut aꞌan quixye reheb li ras: —Ilomak li cꞌaꞌru xintau saꞌ lin coxtal. Xeꞌxkꞌajsi chak xtzꞌak li trigo li xkatoj cuiꞌ. ¿Cꞌaꞌut nak xeꞌxba̱nu ke chi joꞌcaꞌin? chan. Ut queꞌsach xchꞌo̱leb. Nequeꞌsicsot nak queꞌxye: —¿Cꞌaꞌ xak ru nak xba̱nu ke li Dios chi joꞌcaꞌin? chanqueb.

Génesis 42:28 ပူးပေါင်းရင်းမြစ်များ

San Lucas 21:26

te'kamje'q li winq xb'aaneb' xxiw naq yooqeb' chi xyo'oninkil li k'a' re ru taachalq sa' xb'een li ruuchich'och', xb'aan naq li xwankilal li choxa taachiq'chiq'iiq sa' xna'aj.

Amós 3:6

Ut naq na'eek'ank li pur sa' li tenamit, ma ink'a' tab'i' neke'xiwak eb' li poyanam? Ma taachalq junaq rahilal sa' xb'een li tenamit wi ink'a' taqlanb'il chaq xb'aan li Yos?

Lamentaciones 3:37

Maa'ani naru tixb'aanu li k'aru ak xyehom, wi li Qaawa' ink'a' xyehok re.

Lamentaciones 2:17

Li Qaawa' xb'aanu li k'uub'k'u xb'aan; xtz'aqlok ru li raatin yeeb'il chaq junxil. Li Yos xjuk'uk chi ink'a' xril xtoq'ob'aal aawu; ut xk'e li xik' na'ilok aawe chi xq'axb'al aawu ut chi saho'k sa' xch'ool.

Isaías 45:7

Laa'in ninyoob'ank re li kutan ut li aak'ab', ninb'aanu li usilal jo'wi' li rahilal. Laa'in li Qaawa' ninb'aanunk re chixjunil a'in.

Cantares 5:6

Xinte li kab'l chiru linrahom, ab'an ak xkoho chik linrahom, maa'ani chik. Xinkanaak chi sachso linch'ool naq xwab'i chi aatinak. Xinsik', ab'an ink'a' xintaw; xinb'oq, ab'an ink'a' xinxsume.

Salmos 61:2

At inYos, chawab'i taxaq xyaab' linkux, chasume taxaq lintij!

1 Reyes 10:5

li xq'emal tzekemq naxtzeka, li rochocheb' laj k'anjel chiru, li xtiqib'ankileb' laj jolominel ut chanru neke'k'anjelak, eb' li neke'k'ehok ruk'a' ut eb' li k'atb'il mayej nayeechi'imank sa' rochoch li Qaawa', q'axal kisachk xch'ool chi rilb'aleb'

Deuteronomio 28:65

Moko taataw ta xsahil aach'ool sa'eb' li tenamit a'an chi moko wanq xhilaal laawoq, xb'aan naq li Qaawa' taab'aanunq re naq xiw xiw wanqat ut lumluuqat. Tixk'e chi lub'k laawaanm.

Levítico 26:36

“Jo'k'ihaleb' sa' eeyanq te'kole'q, teb'ink'e chi xiwak ut te'eleliq naq te'rab'i chi t'ane'k junaq xxaq li che'; te'eleliq kama' tawi' naq yooqeb' chi elelik sa' li yalok, ut te't'ane'q chi maajun taa'aanilasinq reheb'.

Génesis 43:23

Kixye a'an: “Li tuqtuukilal chiwanq eerik'in! Mexxiwak. LeeYos ut li xYos leeyuwa' xk'ehok li loq'laj tumin a'in sa' leesaak. Ak ink'ulum li tumin xetoj wi' leetriiw”. Ut kirach'ab' chaq laj Simehón reheb'.

Génesis 42:36

Toja' naq laj Jakob, li xyuwa'eb', kixye reheb': “Xemaq' chiwu eb' li walal: maa'ani chik laj José, maa'ani laj Simehón ut chirix chik a'in teeraj ajwi' xmaq'b'al laj Benjamín chiwu. Chixjunil a'in nalajchalk sa' inb'een ut tinxkamsi!”.

Génesis 27:33

Toja' naq laj Isahak taasiksotq chi sachso li xch'ool ut kixye: “Ani put li xk'am chaq chintzeka li xyohom? Xb'aan naq, toj maji' nakatk'ulunk laa'at, xinwa'ak laa'in ut xinwosob'tesi a'an, ut osob'tesinb'ilaq chi junelik”.

Génesis 42:29

Naq ke'wulak Kanahán wan wi' li xyuwa'eb', koxe'xseeraq'i chixjunil li k'aru ke'xk'ul, ut ke'xye re: