Génesis 41:51 - Q'eqchi Bible

⁵¹ Laj José aj Manasés kixk'e cho'q xk'ab'a' li xb'een ralal, xb'aan naq kixye sa' xch'ool: “Li Yos xsachok sa' inch'ool chixjunil linrahilal jo' ajwi' chixjunileb' li wankeb' sa' rochoch linyuwa'”.

Li Santil hu

⁵¹ Laj José quixqꞌue aj Manasés chok xcꞌabaꞌ li xbe̱n ralal. Ut quixye: —Li Dios xsachoc re saꞌ inchꞌo̱l chixjunil li raylal joꞌ ajcuiꞌ chixjunileb li cuanqueb saꞌ rochoch lin yucuaꞌ, chan.

Génesis 41:51 ပူးပေါင်းရင်းမြစ်များ

Salmos 30:5

B'ichahomaq cho'q re li Qaawa' laa'ex li nekexpaab'ank re; chenima li xk'ab'a' xb'aan naq k'ajo' xsantilal!

Proverbios 31:7

Uk'aqeb'; chi jo'kan taasachq sa' xch'ooleb' li neb'a'il ut li rahilal yookeb' chi xk'ulb'al.

Salmos 30:11

Chinaawab'i, at Qaawa', chawuxtaana wu! Laa'at taxaq, at Qaawa', laj tenq'ahom we!

Deuteronomio 33:17

Chaq'al ru jo' li xb'een ral li teelom wakax, kaw rib' jo' li k'iche'il b'ooyx: tixxe'q'eb' li tenamit toj sa' xmaril li ruuchich'och'! Jo'kaneb' li k'iila o'q'ob' chi aj Efraín, jo'kaneb' li xk'ihaleb' laj Manasés”, chan laj Moisés.

Génesis 41:30

Ab'anan moqon te'chalq wuqub' chihab' taawanq wi' we'ej, ut taasachq sa' xch'ooleb' laj Ejiipt chixjunil li xk'ihal xsahilal li awimq, xb'aan naq li we'ej taasachoq re li tenamit:

Isaías 65:16

Jo'k'ihaleb' li te'raj osob'tesiik sa' li tenamit, te'xpatz' rosob'tesinkileb' sa' xk'ab'a' li Qaawa', li Yos q'axal paab'ajel; ut li ani tixye xjurament sa' li tenamit, tixb'aanu sa' ink'ab'a' laa'in, li ninb'aanu li k'aru xinyeechi'i. Relik chi yaal naq li rahilal li kik'ulmank junxil taasachq sa' inch'ool ut ink'a' chik tink'e sa' li waanm.

Isaías 57:16

Ink'a' tinjit lintenamit chi junelik chi moko toj yooq linjosq'il chi junajwa, xb'aan naq laa'in kinyoob'tesink re li winq ut li ixq, ut ink'a' nawaj naq te'ch'inanq ut te'raho'q xch'ool chiwu.

Salmos 45:10

Sa' xyanqeb' li nakaraheb' wankeb' xrab'ineb' li awab'ej; xaqxo sa' laanim uq' li xna'eb' li tenamit, tiqib'anb'il rik'in li oor jwal chaab'il.

Génesis 48:5

Weheb' xkab'ichaleb' laawalal li xe'yo'laak aawik'in sa' li tenamit Ejiipt naq toj maji' ninchalk aawik'in arin: weheb' laj Efraín ut laj Manasés, kama'eb' ajwi' laj Rubén ut laj Simehón.

Génesis 41:50

Rub'elaj chaq li we'ej laj José kiwank wiib' li ralal rik'in lix Asnat, xrab'in laj Poti Fera, aj tij aran On.

Génesis 41:52

Li xkab' ralal, aj Efraín kik'ehe'k cho'q xk'ab'a', xb'aan naq laj José kixye sa' xch'ool: “Li Yos xinxk'e chi k'ihank sa' li tenamit xink'ul wi' li rahilal”.

Génesis 48:1

Moqon chik ke'xye re laj José: “Ab'i, yaj laayuwa'”. Naq kirab'i a'in, laj José kixk'ameb' chirix xkab'ichaleb' li ralal, laj Manasés ut laj Efraín,

Josué 14:4

Eb' li ralal xk'ajol laj Josué ke'xjunaji rib' sa' wiib' teep: a'aneb' a'in li xteepal laj Manasés ut li xteepal laj Efraín. Ab'an ink'a' kik'ehe'k xch'och'eb' laj Leví: ka'ajwi' ke'xk'ul kok' na'ajej b'arwi' te'wanq ut te'xk'iiresi li xketomqeb'.

Josué 17:1

Li xteepal laj Manasés kitz'aqk na'ajej sa' xk'ab'a' naq a'an xb'een ralal laj José. Laj Makir aj puub', xb'een ralal laj Manasés ut xyuwa' laj Galahad, kireechani Galahad ut Basán.

1 Samuel 1:20

Kikanaak chi yaj aj ixq ut naq kiwulak xq'ehil, kiwank jun xk'uula'al, aj Samuel kixk'e cho'q xk'ab'a', xb'aan naq kixye: “Laa'in xinpatz' re li Qaawa'”.

Números 26:28

Eb' li xch'uutal laj José a'aneb' a'in: eb' laj Manasés ut laj Efraín.

Li xHu LAJ JOB 11:16

Taatz'eq chirix aach'ool laarahilal, kama' li ha' nanume'k rub'el li q'a.