Génesis 41:43 - Q'eqchi Bible

⁴³ Kixk'e ajwi' chi taqe'k sa' li xkab' xb'eleb'aal ch'iich' ut kixtaqlaheb' winq chi xik chiru laj José, japjo'qeb' re chi xyeeb'al: “Wiq'lanqex”. Jo'ka'in naq laj Parahón kixxaqab' laj José chi xjolominkil chixjunil li tenamit Ejiipt.

Li Santil hu

⁴³ Laj faraón quixqꞌue laj José chi beresi̱c saꞌ li xcab lix carre̱t ut quixye reheb chixjunileb li tenamit nak teꞌxcuikꞌib rib chiru. Ut chixjunileb li tenamit queꞌcana rubel xtakl laj José.

Génesis 41:43 ပူးပေါင်းရင်းမြစ်များ

Génesis 45:8

Jo'kan b'i', moko laa'ex ta li xextaqlank chaq we arin, a' b'an li Yos. Ut a'an xinxxaqab' cho'q aj ilol re laj Parahón, cho'q aj eechal re chixjunil li xjunkab'lal ut cho'q aj jolominel re chixjunil Ejiipt.

Hechos 7:10

ut kirisi sa' chixjunil li xrahilal. Kixk'e xna'leb' re naq usilal tixtaw chiru laj Parahón, awab'ej re Ejiipt; ut a'in kixxaqab' laj José cho'q aj jolominel re Ejiipt jo'wi' re chixjunil li xjunkab'al.

Génesis 45:26

ut koxe'xye re: “Toj yo'yo laj José! A'an li nataqlank sa' xb'een chixjunil li tenamit Ejiipt”, chankeb'. Naq kirab'i resil li ralal, mem kikanaak laj Jakob, xb'aan naq ink'a' kixpaab' li k'aru kiyehe'k re xb'aaneb' li ralal.

Génesis 42:6

Li nataqlank sa' chixjunil Ejiipt a'an laj José, ut a'an ajwi' li nak'ayink li triiw re chixjunil li ruuchich'och'. Naq ke'wulak eb' li ras laj José, ke'xwiq'ib' rib' chiru.

Filipenses 2:10

re naq sa' xk'ab'a' li Jesus te'xwiq'ib' rib' chixjunileb' li wankeb' sa' choxa, sa' ruuchich'och' ut rub'el ch'och',

Génesis 42:33

Toja' naq li winq li nataqlank sa' xb'een chixjunil li tenamit xye qe: «Jo'ka'in naq tinnaw naq chaab'il winqex: kanab'omaq junaq eere wik'in, xokomaq li k'aru na'ajmank ru sa' leerochoch ut ayuqex.

Génesis 42:30

“Li winq li nataqlank sa' xb'een chixjunil Ejiipt kaw kooraatina ut kixye qe naq laa'o aj ch'uuk.

Génesis 41:42

Chirix chik a'an laj Parahón kirisi li xmatq'ab' chi ruq', kixk'e chi ruq' laj José, kixtiqib' chi q'axal chaab'il rik'in liin ut kixk'e li q'ol yiib'anb'il rik'in oor chi xkux laj José.

Génesis 41:44

Moqon chik laj Parahón kixye re laj José: “Laa'in laj Parahón; ab'anan maajun naru tixb'aanu li k'a'aq re ru sa' chixjunil li tenamit Ejiipt wi ink'a' taaye laa'at”, chan.

Génesis 50:18

Toja' naq koheb' li ras rik'in, koxe'xkut rib' chi roq ut ke'xye re: “We'ko chawu; laa'o chik aamoos”.

Ester 10:3

Laj Mardokeo a'an li xkab'il sa' xna'aj li awab'ej, xnimal ru winq sa' xyanqeb' laj Judiiy ut raaro xb'aaneb' chixjunileb' li ras riitz'in, xb'aan naq kixsik' li usilal ut li tuqtuukilal cho'q reheb' chixjunil li rech tenamitul.

Génesis 50:9

Ke'xk'am ajwi' b'eleb'aal ch'iich' ut aj ch'e'ol b'eleb'aal ch'iich' chirix laj José: k'ajo' xk'ihaleb' li ke'koheb'.

Ester 3:2

Chixjunileb' laj k'anjel chiru li awab'ej neke'xwiq'ib' rib' ut neke'xxulub' li xjolomeb' chiru laj Amán naq nanume'k malaj naq xaqxo chiruheb', xb'aan naq jo'kan xyehom li awab'ej; ab'an laj Mardokeo ink'a' kiraj xpaab'ankil li chaq'rab' a'in.

Eclesiastés 4:14

Xb'aan naq li awab'ej a'an taakamq ut jalan chik taa'ok sa' xna'aj, q'axal saajaq chik chiru li xkamk. Ut us ta li ak' awab'ej xyo'laak sa' neb'a'il malaj xwank sa' tz'alam, eb' li tenamit te'okenq chirix sa' xtiklajik. Ab'anan timil timil taak'ulmanq a'in: naab'aleb' ink'a' chik sahaqeb' xch'ool rik'in. Ut a'an ajwi' maak'a' xyaalal ut maak'a' rajb'al: chanchan li chapok iq'.

Daniel 2:48

Chirix chik a'an li awab'ej kixxaqab' xwankil laj Daniel, kixk'e naab'al xsimaatan jwal terto xtz'aq ut kixk'e chixjolomi chixjunil li xteepalil Babilonia. Kixxaqab' ajwi' xwankil sa' xb'eeneb' chixjunil laj k'ehol na'leb' re Babilonia.