Génesis 41:41 - Q'eqchi Bible

⁴¹ Kixye ajwi' laj Parahón re laj José: “K'e reetal: xatinxaqab' chi xjolominkil chixjunil li tenamit Ejiipt”.

Li Santil hu

⁴¹ Laj faraón quixye cuiꞌchic re laj José: —Anakcuan la̱in xinkꞌaxtesi rubel a̱takl chixjunileb li tenamit arin Egipto, joꞌ eb ajcuiꞌ li cꞌaꞌak re ru cuan, chan.

Génesis 41:41 ပူးပေါင်းရင်းမြစ်များ

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

Daniel 6:3

ut q'axal wank xna'leb' sa' xyanqeb' li xkomon jo'wi' sa' xyanqeb' chixjunil laj jolominel, xb'aan naq nujenaq chi seeb'al k'a'uxl. Jo'kan naq li awab'ej kixk'oxla xk'eeb'al laj Daniel chi taqlank sa' xb'een chixjunil li awab'ejihom.

Génesis 42:6

Li nataqlank sa' chixjunil Ejiipt a'an laj José, ut a'an ajwi' li nak'ayink li triiw re chixjunil li ruuchich'och'. Naq ke'wulak eb' li ras laj José, ke'xwiq'ib' rib' chiru.

Proverbios 22:29

Li naxk'e xch'ool sa' li xk'anjel, taak'anjelaq chiruheb' awab'ej ut ink'a' chiruheb' yalaq aniheb'.

Proverbios 17:2

Laj k'anjel seeb' xk'a'uxl taakanaaq cho'q aj eechal re li alab'ej maak'a' xna'leb', ut taatz'aqonq chi eechanink sa' xyanqeb' li wankeb' sa' li junkab'al a'an.

Ester 10:3

Laj Mardokeo a'an li xkab'il sa' xna'aj li awab'ej, xnimal ru winq sa' xyanqeb' laj Judiiy ut raaro xb'aaneb' chixjunileb' li ras riitz'in, xb'aan naq kixsik' li usilal ut li tuqtuukilal cho'q reheb' chixjunil li rech tenamitul.

Génesis 41:44

Moqon chik laj Parahón kixye re laj José: “Laa'in laj Parahón; ab'anan maajun naru tixb'aanu li k'a'aq re ru sa' chixjunil li tenamit Ejiipt wi ink'a' taaye laa'at”, chan.

Génesis 39:22

Jo'kan naq li xb'eenil aj k'aak'alenel tz'alam kixq'axtesi sa' ruq' laj José chixjunileb' li tz'aptz'ookeb' sa' tz'alam: chixjunil li na'uxmank aran, a' chik laj José nab'aanunk re.

Génesis 39:5

Chalen naq kik'ehe'k chi rilb'al li xjunkab'al laj Putifar ut chixjunil li k'aru wank re, li Qaawa' kirosob'tesi laj Putifar sa' xk'ab'a' laj José, ut li rosob'tesihom li Qaawa' kihoye'k sa' xb'een chixjunil li rochoch ut li xk'aleb'aal.

Hechos 7:10

ut kirisi sa' chixjunil li xrahilal. Kixk'e xna'leb' re naq usilal tixtaw chiru laj Parahón, awab'ej re Ejiipt; ut a'in kixxaqab' laj José cho'q aj jolominel re Ejiipt jo'wi' re chixjunil li xjunkab'al.

Salmos 105:21

Ut kixxaqab' cho'q aj jolominel re li rochoch, kixk'e xwankil sa' xb'een chixjunil li xjunkab'lal,

Eclesiastés 4:14

Xb'aan naq li awab'ej a'an taakamq ut jalan chik taa'ok sa' xna'aj, q'axal saajaq chik chiru li xkamk. Ut us ta li ak' awab'ej xyo'laak sa' neb'a'il malaj xwank sa' tz'alam, eb' li tenamit te'okenq chirix sa' xtiklajik. Ab'anan timil timil taak'ulmanq a'in: naab'aleb' ink'a' chik sahaqeb' xch'ool rik'in. Ut a'an ajwi' maak'a' xyaalal ut maak'a' rajb'al: chanchan li chapok iq'.

Génesis 45:8

Jo'kan b'i', moko laa'ex ta li xextaqlank chaq we arin, a' b'an li Yos. Ut a'an xinxxaqab' cho'q aj ilol re laj Parahón, cho'q aj eechal re chixjunil li xjunkab'lal ut cho'q aj jolominel re chixjunil Ejiipt.

Daniel 2:48

Chirix chik a'an li awab'ej kixxaqab' xwankil laj Daniel, kixk'e naab'al xsimaatan jwal terto xtz'aq ut kixk'e chixjolomi chixjunil li xteepalil Babilonia. Kixxaqab' ajwi' xwankil sa' xb'eeneb' chixjunil laj k'ehol na'leb' re Babilonia.