Génesis 41:38 - Q'eqchi Bible

³⁸ ut laj Parahón kixye reheb' laj k'anjel chiru: “Ma tqataw tab'i' junaq winq kama' a'in li wank xmusiq' li Yos rik'in?”.

Li Santil hu

³⁸ Laj faraón quixye reheb li nequeꞌcꞌanjelac chiru: —Ma̱ bar takatau junak cui̱nk joꞌ li jun aꞌin. Li cui̱nk aꞌin cuan lix musikꞌ li Ka̱cuaꞌ Dios riqꞌuin, chan laj faraón reheb.

Génesis 41:38 ပူးပေါင်းရင်းမြစ်များ

Li xHu LAJ JOB 32:8

Ab'anan yaal ajwi' naq chixjunileb' li poyanam wankeb' xna'leb', xb'aan naq li Nimajwal Yos kixhoy li xmusiq' sa' xb'eeneb'.

Daniel 5:14

Xwab'i resil naq wank aawik'in li xmusiq' eb' li loq'laj yos, jwal seeb' laak'a'uxl ut numtajenaq nim laachoxahil na'leb'.

Daniel 5:11

Sa' laa'awab'ejihom wank jun li winq nujenaq chi xmusiq' eb' li loq'laj yos. Chiru li x'awab'ejihom laj Nabukodonosor laayuwa', kik'utunk chi us naq li winq a'an seeb' xk'a'uxl ut jwal chaab'il xna'leb' jo'eb' li yos, ut kixaqab'aak cho'q xjolomileb' laj q'e, eb' laj nawal jo'wi' eb' laj tz'ilol rix li chahim,

Números 27:18

Kichaq'ok li Qaawa' ut kixye re laj Moisés: “B'oq laj Josué, ralal laj Nun, a'an jun li winq nujenaq chi musiq'ej. K'e laawuq' sa' xb'een xjolom

Daniel 4:18

“A'an a'in li xinmatk'e -chan laj Nabukodonosor li awab'ej-. At Beltsasar, ch'olob' chiwu li xyaalalil xb'aan naq maajun reheb' laj q'e li wankeb' rub'el inwankil xe'ruuk chi xtawb'al xyaalal. Ab'an laa'at tatruuq, xb'aan naq wank aawik'in li xmusiq' li Yos q'axal sant”.

Daniel 4:6

Toja' naq xinb'oqeb' chixjunileb' laj k'ehol na'leb' li wankatqeb' sa' xteepal Babilonia, re naq te'xch'olob' chiwu li xyaalalil li moy u.

Daniel 6:3

ut q'axal wank xna'leb' sa' xyanqeb' li xkomon jo'wi' sa' xyanqeb' chixjunil laj jolominel, xb'aan naq nujenaq chi seeb'al k'a'uxl. Jo'kan naq li awab'ej kixk'oxla xk'eeb'al laj Daniel chi taqlank sa' xb'een chixjunil li awab'ejihom.

Génesis 41:37

Laj Parahón ut eb' laj k'anjel chiru ke'xk'ul xch'ool eb' li aatin a'in,

Isaías 19:11

Relik chi yaal naq maak'a' xna'leb'eb' laj k'amol b'e re Sohán, ut eb' laj k'ehol xna'leb' laj Parahón maak'a' neke'ok wi'. Chan put ru naq nekeye re laj Parahón: “Ralal xk'ajolo eb' li wankeb' xna'leb', ralal xk'ajolo eb' li awab'ej ke'wank chaq najter”?

Esdras 7:25

“Ut laa'at, Esdras, jo' chanru li choxahil na'leb' k'eeb'il aawe xb'aan laaYos, chaxaqab'eb' aj raqol aatin ut aj tz'iib' li te'taqlanq sa' xb'eeneb' chixjunileb' li tenamit li wankeb' junpak'al li nima' Éwfrates, ut sa' xb'eeneb' chixjunileb' li neke'nawok re li xChaq'rab' laaYos. Ut eb' li ink'a' neke'xnaw li Chaq'rab', taak'ut chiruheb'.

Proverbios 14:35

Li awab'ej nasaho'k xch'ool rik'in laj k'anjel seeb' xk'a'uxl; ab'an najosq'o'k rik'in li maak'a' na'ok wi'.

Proverbios 22:29

Li naxk'e xch'ool sa' li xk'anjel, taak'anjelaq chiruheb' awab'ej ut ink'a' chiruheb' yalaq aniheb'.

Daniel 6:4

Toja' naq li xjolomileb' li junq teep chi tenamit jo'wi' eb' li ninqeb' xwankil ke'ok chi xsik'b'al k'aru te'xjit wi' laj Daniel chirix li xk'anjel; ab'anan maak'a' k'aru ke'xtaw xb'aan naq jwal tiik xch'ool laj Daniel ut maak'a' xmaak, maak'a' k'aru taaq'use'q wi'.