Génesis 40:8 - Q'eqchi Bible

⁸ Ke'chaq'ok eb' a'an ut ke'xye: “Xoomatk'ek ut maajun nach'olob'ank xyaalal chiqu”. Kixye laj José reheb': “Ma ink'a' tab'i' re li Yos li xch'olob'ankil xyaalal li matk'? Seeraq'iiq we laa'in”, chan.

Li Santil hu

⁸ Eb aꞌan queꞌxye re: —La̱o xomatqꞌuec ut ma̱ ani naru xyebal ke cꞌaꞌru xya̱lal li kamatcꞌ.— Laj José quixye reheb: —Caꞌaj cuiꞌ li Ka̱cuaꞌ Dios nanaꞌoc re cꞌaꞌru xya̱lal lix matcꞌ li junju̱nk. Naru te̱ye cue le̱ matcꞌ, chan.

Génesis 40:8 ပူးပေါင်းရင်းမြစ်များ

Daniel 2:47

Chirix chik a'an kixye re laj Daniel: “Relik chi yaal naq leeYos laa'ex, a'an tz'aqal li Yos nim xloq'al, li awab'ej q'axal nim xwankil sa' xb'een chixjunileb' li awab'ej. A'an laj kutanob'resinel re li muqmuukil na'leb', xb'aan naq laa'at xach'olob' xyaalal li tz'aptz'ookil na'leb' a'in”.

Daniel 2:28

Ab'anan wank jun Yos sa' choxa li nakutanob'resink re li muqmuukil na'leb', at awab'ej, ut A'an xk'e chanaw li k'aru taak'ulmanq sa' roso'jikeb' li kutan. Laamatk' ut li moy u li xawil naq yookat chi wark, a'aneb' a'in:

Amós 3:7

Jo'kan ajwi', li Qaawa' maak'a' tixb'aanu wi ink'a' xye xb'enwa reheb' laj k'anjel chiru, a'eb' li propeet.

Daniel 4:8

Moqon chik xchalk wik'in laj Daniel, Beltsasar nayeemank re sa' xk'ab'a' linyos. A'an jun winq li wank li xmusiq' eb' li loq'laj yos, ut xinseeraq'i re linmatk':

Daniel 2:11

Li k'aru nakapatz', at awab'ej, a'an q'axal ch'a'aj xsumenkil, ut maajun junaq truuq chi xyeeb'al aawe, ka'ajeb' ajwi' eb' li yos; ab'anan moko wankeb' ta sa' xyanqeb' li poyanam!”.

Isaías 8:19

Ut naq taayeemanq eere: “Patz'onqex rik'ineb' li neke'aatinank kamenaq jo'wi' rik'ineb' laj q'e li neke'hashotk ut neke'choqoqnak chi aatinak xjuneseb'”, teesumeheb': “Ma ink'a' tab'i' tento naq eb' li tenamit te'patz'oq rik'in li xyoseb' chirixeb' li yo'yookeb' ut li kamenaqeb'?”.

Salmos 25:14

Li Qaawa' a'an ramiiw eb' li neke'paab'ank re, jo'wi' naxk'e chi xnaweb' li xloq'laj sumwank.

Génesis 40:9

Toja' naq laj jolominel reheb' laj k'ehol uk'a' kixseeraq'i li xmatk' re laj José ut kixye re: “Jo'ka'in xinmatk'ek. Xwank chiwu sa' inmatk' jun toon chi uub',

Li xHu LAJ JOB 33:23

Ab'an wi wank chak'atq jun xtaql li Yos, junaq aj k'anjel chiru li Qaawa' li tixjultika chawu li teneb'anb'il sa' aab'een,

Daniel 2:3

li awab'ej kixye reheb': “Xinmatk'ek ut k'ajo' ink'a'uxl xb'aan. Nawaj xtawb'al ru k'aru xyaalal linmatk'”.

Daniel 2:27

Kichaq'ok laj Daniel ut kixye chi jo'ka'in: “Maajun junaq aj q'e, aj nawal, aj k'ehol na'leb' ut aj tz'ilol rixeb' li chahim te'ruhanq chi xch'olob'ankil chawu li taawaj xnawb'al, at awab'ej.

Daniel 5:16

Wab'ihom resil naq laa'at nakatruuk chi xtawb'al xyaalal ut xtuqub'ankil ruheb' li ch'a'ajkilal. Us b'i', wi nakatruhank chi xyaab'asinkil ut xch'olob'ankil xyaalal li tz'iib'anb'il arin, tattiqib'aaq rik'in kaqi aq'ej, taak'eemanq jun q'ol oor chakux ut tatkanaaq sa' roxil chi taqlank sa' lin'awab'ejihom”.

Génesis 41:25

Toja' naq laj José kixye re laj Parahón: “At awab'ej, laamatk' laa'at junaj ajwi' ru: li Yos kixk'ut chawu li k'aru ok re chi xb'aanunkil.