Génesis 40:3 - Q'eqchi Bible

³ ut kixk'eheb' chi k'aak'aleek sa' tz'alam, sa' rochoch li xb'eenil laj k'aak'alenel, sa' ajwi' li na'ajej wan wi' laj José.

Li Santil hu

³ Quixkꞌaxtesiheb saꞌ rukꞌ li nataklan reheb li soldados. Aꞌan li na-iloc tzꞌalam. Ut saꞌ li tzꞌalam aꞌan cuan laj José chi pre̱xil.

Génesis 40:3 ပူးပေါင်းရင်းမြစ်များ

Génesis 39:20

Toja' naq laj eechal re laj José kixtaqla xchapb'al ut xk'eeb'al sa' tz'alam, sa' li na'ajej wankeb' wi' li xpreex li awab'ej. Aran kikanaak laj José.

Génesis 39:23

Li xb'eenil aj k'aak'alenel tz'alam tik ink'a' nak'oxlak chirix li k'aru q'axtesinb'il sa' ruq' laj José, xb'aan naq li Qaawa' wank rik'in ut natenq'ank re chi elk chi chaab'il rik'in chixjunil li nalajxb'aanu.

Génesis 39:1

Naq laj José kik'ame'k Ejiipt, jun li winq, aj Putifar xk'ab'a', aj Ejiipt ajwi', aj tenq' ut aj jolominel reheb' laj k'aak'alehom re laj Parahón, kixloq' laj José rik'ineb' laj Ismael li ke'k'amok re aran.

Génesis 39:22

Jo'kan naq li xb'eenil aj k'aak'alenel tz'alam kixq'axtesi sa' ruq' laj José chixjunileb' li tz'aptz'ookeb' sa' tz'alam: chixjunil li na'uxmank aran, a' chik laj José nab'aanunk re.

Génesis 40:4

Li nataqlank sa' xb'eeneb' laj k'aak'alenel kixq'axtesiheb' sa' ruq' laj José re naq taarileb', ut najt ke'wank sa' tz'alam.

Génesis 41:10

Naq laa'at, at awab'ej, katjosq'o'k sa' xb'eeneb' laj k'anjel chawu, kinaak'e sa' tz'alam wochb'een laj jolominel reheb' laj yiib'ahom kaxlan wa, sa' rochoch li xb'eenil laj k'aak'alenel tz'alam.