Génesis 4:5 - Q'eqchi Bible

⁵ ab'an ink'a' kisaho'k xch'ool rik'in laj Kaín ut li xmayej. Jo'kan naq q'axal kijosq'o'k laj Kaín ut lumlu kikanaak.

Li Santil hu

⁵ Abanan incꞌaꞌ quisahoꞌ xchꞌo̱l riqꞌuin laj Caín ut incꞌaꞌ quixcꞌul lix mayej. Cꞌajoꞌ nak quijoskꞌoꞌ laj Caín ut quipoꞌ li ru.

Génesis 4:5 ပူးပေါင်းရင်းမြစ်များ

Hebreos 11:4

Sa' xk'ab'a' li xpaab'aal laj Abel kixyeechi'i re li Yos jun li mayej q'axal chaab'il chiru li kixk'e laj Kaín. Sa' xk'ab'a' a'an li Yos kixye naq tiik xch'ool laj Abel ut kixk'ulub'a li xmayej. Jo'kan naq, us ta kamenaq chik laj Abel, ab'an toj yo chi aatinak anaqwan sa' xk'ab'a' li xpaab'aal.

Li xHu LAJ JOB 5:2

Ka'ajwi' eb' li jip ut maak'a'eb' xna'leb' neke'kamk xb'aan xrahilaleb' malaj xkaqaleb' xch'ool.

Hechos 13:45

Ab'an, naq ke'ril li k'iila tenamit, eb' laj Judiiy k'ajo' naq kikaqo'k xch'ooleb'; ke'ok chi xwech'inkil rix ut chi xmajewankil jo'nimal naxye laj Pablo.

Salmos 20:3

Toj sa' taxaq li xloq'laj na'aj chixtaqla chaq laatenq'ankil; toj aran Sión chulxk'e taxaq xkawub' laach'ool.

San Mateo 20:15

Ma ink'a' naru tinb'aanu laa'in li nawaj rik'in li k'aru we? Malaj xik' nakawil naq chaab'ilin?».

Números 16:15

Toja' naq k'ajo' naq kijosq'o'k laj Moisés ut kixye re li Qaawa': “At Qaawa', maak'e sa' aach'ool li xmayejeb'. Laa'in maak'a' xinmaq' chiruheb', chi moko junaq b'uur, chi moko xinb'aanu rahilal reheb'”.

Génesis 31:5

ut kixye reheb': “Xink'e reetal naq leeyuwa' ink'a' chik sa nikinril; ab'anan li xYos linyuwa' wank wik'in.

Génesis 31:2

Kixk'e reetal ajwi' naq ink'a' chik sa na'ile'k xb'aan laj Labán.

San Judas 1:11

Ra chaalel sa' xb'eeneb', xb'aan naq xkoheb' sa' xb'e laj Kaín. Xb'aan li tumin xe'xq'axtesi rib' sa' li kib'alaq'iik wi' laj Balaham, ut xe'oso'k sa' li xq'etb'a aatin laj Koré.

1 Samuel 16:7

Ab'an li Qaawa' kixye re laj Samuel: “Maak'e reetal chanru na'ilok, chi moko li xnajtil roq. Moko a'an ta li sik'b'il ru inb'aan. Li naril li Yos, maawa' a' li naril li winq: li winq naril chanru na'ilok junaq, ab'an li Qaawa' naril li ch'oolej”.

Proverbios 29:10

Eb' laj kamsinel ras riitz'in, xik' neke'ril li tiikeb' xch'ool; ab'an li tiikeb' xch'ool neke'raj wank rik'ineb'.

Isaías 3:9

Chi xnaq' ruheb' nak'utunk li xmaa'usilaleb'; moko muqmu ta li xmaakeb', chanchaneb' wi' laj Sodoom. Toq'ob'eb' xaq ru, xb'aan naq yookeb' chi xsik'b'al li xrahilaleb'!

Génesis 39:19

Naq li b'eelomej kirab'i li kiyehe'k re xb'aan li rixaqil (“A'an a'in li xb'aanu we laj k'anjel chawu”), k'ajo' naq kijosq'o'k.

Li xHu LAJ JOB 15:13

Nakatjosq'o'k rik'in li Yos ut nakawech' rix rik'in laak'iila aatin.

Proverbios 19:3

Li maak'a' xna'leb' nasachk sa' li xb'e, ut chirix a'an naxk'e xmaak li Qaawa'.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.