Génesis 4:4 - Q'eqchi Bible

⁴ Jo'kan ajwi' laj Abel kixmayejaheb' li xb'een raleb' li xkarneer ut chixjunil li xxeeb'ul. Li Qaawa' kisaho'k xch'ool rik'in laj Abel jo'wi' rik'in li xmayej,

Li Santil hu

⁴ Ut laj Abel quixqꞌue ajcuiꞌ chokꞌ xmayej li xbe̱n ral lix carner. Quixsicꞌ ru li kꞌaxal cha̱bil saꞌ xya̱nkeb. Ut li Ka̱cuaꞌ Dios quisahoꞌ saꞌ xchꞌo̱l riqꞌuin laj Abel ut quixcꞌul lix mayej.

Génesis 4:4 ပူးပေါင်းရင်းမြစ်များ

Hebreos 11:4

Sa' xk'ab'a' li xpaab'aal laj Abel kixyeechi'i re li Yos jun li mayej q'axal chaab'il chiru li kixk'e laj Kaín. Sa' xk'ab'a' a'an li Yos kixye naq tiik xch'ool laj Abel ut kixk'ulub'a li xmayej. Jo'kan naq, us ta kamenaq chik laj Abel, ab'an toj yo chi aatinak anaqwan sa' xk'ab'a' li xpaab'aal.

Proverbios 3:9

Chak'e xloq'al li Qaawa' rik'ineb' laasahil eechej ut rik'inatq li xb'een ru laawawimq.

Éxodo 13:12

chaq'axtesi sa' ruq' li Qaawa' chixjunileb' li xb'een alalb'ej. Jo'kan ajwi' chixjunil li xb'een ral laaketomq rehaqeb' li Qaawa', wi teelomeb'.

Números 18:17

Ab'an ink'a' naru xtojb'al rix li xb'een ral li wakax, li karneer malaj li chib'aat, xb'aan naq santob'resinb'il. Taahoy li xkik'el sa' xb'een li artal, ut li xxeeb'ul taak'at cho'q sununkil mayej chiru li Qaawa'.

Hebreos 9:22

xb'aan naq, jo' naxye li Chaq'rab', kach'in chik maa chixjunil nach'ajob'resimank rik'in kik', ut wi ink'a' nahoye'k li kik', maak'a' kuyuk sachok maak.

Salmos 20:3

Toj sa' taxaq li xloq'laj na'aj chixtaqla chaq laatenq'ankil; toj aran Sión chulxk'e taxaq xkawub' laach'ool.

2 Crónicas 7:1

Naq laj Salomón kiraqe'k chi tijok, kikub'e chaq xam sa' choxa ut kixk'at li mayej xul ut chixjunil li ke'xyeechi'i, ut li xloq'al li Qaawa' kixnujob'resi li ochoch;

1 Crónicas 21:26

ut aran kixxaqab' jun x'artal li Qaawa' ut kixk'e li xk'atb'il mayej jo'wi' li xyeechi'om re li k'amok ib' sa' usilal rik'in li Yos. Chirix chik a'an kixyaab'a xk'ab'a' li Qaawa', ut a'an kixsume rik'in naq kixtaqla chaq xam sa' choxa sa' xb'een li artal re li k'atb'il mayej.

1 Reyes 18:38

Toja' naq kikub'e chaq li xxam li Qaawa', kixk'at li mayej ut li si'; kixchaqihob'resi ajwi' li ha' li wank sa' li roqha' kixb'ek chi xjunsutam li artal.

Levítico 9:24

ki'elk xam b'arwi' kixk'ut rib' li Qaawa' ut kixk'at li xul li taak'atmanq raj ut li xeeb' li wank sa' xb'een li artal. Naq ke'ril a'in, chixjunileb' laj Israel ke'xjap re xb'aan xsahileb' xch'ool ut ke'xhupub' rib' sa' ch'och' chi loq'onink.

Génesis 15:17

Ut naq ak x'ok li saq'e, k'utaamil sa' li aak'ab' jun nimla xam nab'uquqnak xsib'el, ut jun raq'xam kinume'k sa' xyiheb' li jachb'il xul.

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

Jueces 6:21

Toja' naq li x'ánjel li Qaawa' kixch'e' li tib' ut li k'uluj rik'in ru'uj li xuq' li wank sa' ruq', ut sa' junpaat ki'elk chaq xam sa' li pek, kixk'at li tib' ut li k'uluj, ut li x'ánjel li Qaawa' sachaamil chiru.

Números 18:12

Chixjunil li chaab'il aseeyt, li uub' ut li triiw, li xb'een ruheb' li awimq taayeechi'imanq re li Qaawa', aawehaqeb'.

Números 16:35

Toja' naq jun li xam nachalk rik'in li Qaawa' kixsach ruheb' li lajeeb' roxlajuk'aal (250) chi winq li ke'yeechi'ink pom.

1 Reyes 18:24

Chirix chik a'an laa'ex teeyaab'a xk'ab'a' leeyos ut laa'in tinyaab'a xk'ab'a' li Qaawa'. Li Yos li taataqlanq chaq li xam, a'an tz'aqal li Yos”, chan laj Elías. “Jwal us li xaye!”, chankeb' chixjunileb' li poyanam.

Génesis 4:3

Sa' jun kutan laj Kaín kixmayeja ru li rawimq chiru li Qaawa'.

Números 16:15

Toja' naq k'ajo' naq kijosq'o'k laj Moisés ut kixye re li Qaawa': “At Qaawa', maak'e sa' aach'ool li xmayejeb'. Laa'in maak'a' xinmaq' chiruheb', chi moko junaq b'uur, chi moko xinb'aanu rahilal reheb'”.

1 Samuel 15:22

Toja' naq kixye laj Samuel: “Ma rik'in tab'i' k'atb'il mayej ut eeyeechi'om nak'ojlaak xch'ool li Qaawa'? Malaj a' li xpaab'ankil li raatin a'an li q'axal nawulak chiru? Jwal us paab'ank chiru mayejak, jwal loq' ab'ink chiru li xxeeb'ul li karneer.

Eclesiastés 4:4

Xwil ajwi' naq li ani nak'anjelak chi chaab'il ut chi kaw, a'an nakaqaliik. Ut a'in maak'a' ajwi' rajb'al ut chanchan li chapok iq'.