Génesis 4:2 - Q'eqchi Bible

² Chirix a'an kiwank ajwi' laj Abel, li riitz'in laj Kaín. Laj Abel a'an aj k'iiresihom karneer ut laj Kaín a'an aj k'alom.

Li Santil hu

² Chirix aꞌan quicuan jun chic lix cꞌulaꞌal aj Abel xcꞌabaꞌ. Laj Abel, aꞌan aj qꞌuiresihom carner ut laj Caín, aꞌan aj acuinel.

Génesis 4:2 ပူးပေါင်းရင်းမြစ်များ

1 Juan 3:15

Yalaq ani xik' naril li ras riitz'in a'an aj kamsinel, ut laa'ex nekenaw naq moko wank ta li junelik yu'am rik'in junaq aj kamsinel ras riitz'in.

1 Juan 3:12

Ink'a' jo'aqo laj Kaín: a'an re li maa'us ut kixkamsi li riitz'in. K'a'ut naq kixkamsi? Xb'aan naq ink'a' useb' li xb'aanuhom, ut li riitz'in a' li chaab'ilal naxb'aanu.

San Lucas 11:51

chalen chaq sa' li xkik'el laj Abel toj rik'in li xkik'el laj Sakarías li kikamsiik sa' xyanq li artal rik'in li rochoch li Yos. Yaal li ninye eere: taapatz'manq xtojb'al rix a'an reheb' li tenamit a'in.

1 Juan 3:10

Rik'in a'in nawnookeb' ru li ralal xk'ajol li Yos ut eb' li ralal xk'ajol laj tza: yalaq ani ink'a' nab'aanunk re li tiikilal, moko re ta li Yos; jo'kan ajwi' li ink'a' naxra li ras riitz'in.

San Juan 8:44

Laa'ex rehex leeyuwa', a' laj tza, ut li naraj leeyuwa' a'an nekeraj xb'aanunkil. A'an aj kamsinel chalen chaq sa' xtiklajik, ut ink'a' kixkuy wank sa' li yaal, xb'aan naq maak'a' li yaal rik'in. Naq naxye li tik'ti', naxye li na'elk chaq rik'in, xb'aan naq aj tik'ti' ut xyuwa'il li tik'ti'.

Génesis 47:3

Ut laj Parahón kixpatz' reheb' li ras laj José: “K'aru li k'anjel nekeb'aanu?”, chan. Ke'chaq'ok eb' a'an ut ke'xye: “Laa'o aj k'aak'alenel ketomq; jo'kaneb' ajwi' li qaxe'toonil yuwa'”.

Éxodo 3:1

Laj Moisés yo chi xk'aak'alenkil li xketomq laj Jetró, xyuwa' li rixaqil ut aj tij re Madián. Sa' jun kutan kixk'ameb' li xkarneer junpak'al li chaqich'och' ut kiwulak toj Horeb, sa' li xtzuul li Yos.

Amós 7:15

A' li Qaawa' x'isink chaq we chi xk'aak'alenkileb' li ketomq ut xye we: «Ayu ut aatinan sa' ink'ab'a' rik'ineb' laj Israel, lintenamit».

Salmos 127:3

Li qakok'al a'aneb' li rosob'tesihom li Qaawa', eb' li qalal qak'ajol a'aneb' li qaq'ajkamunkil.

Génesis 37:13

Toja' naq laj Jakob kixye re laj José: “Eb' laawas yookeb' chaq chi k'aak'alenk karneer aran Sikem. Kim, twaj tatintaqla rik'ineb'”. Kichaq'ok a'an: “We'kin”, chan.

Génesis 9:20

Laj Noé a'an aj k'alom winq, ut kiraw jun siir x'uub'.

Génesis 3:23

Jo'kan naq li Qaawa' Yos kirisi li winq sa' li na'ajej Edén, re tixk'anjela li ch'och' li ki'elk wi' chaq.

San Lucas 11:50

re naq taapatz'manq reheb' li tenamit a'in xtojb'al rix li xkik'el chixjunileb' li propeet li kihoymank chalen chaq sa' xk'ojlajik li ruuchich'och',

Génesis 4:1

Li winq kiwank rik'in lix Eva li rixaqil; ut a'in kixsiya laj Kaín: “B'anyox re li Qaawa', xinmaatani jun k'uula'al sa' xk'ab'a' li Qaawa'”, chan li winq.

Génesis 4:3

Sa' jun kutan laj Kaín kixmayeja ru li rawimq chiru li Qaawa'.