Génesis 39:21 - Q'eqchi Bible

²¹ Ab'an li Qaawa' kixtenq'a laj José ut kiruxtaana ru: kixk'e chi xtawb'al usilal chiru li xb'eenil aj k'aak'alenel tz'alam.

Li Santil hu

²¹ Ut li Dios junelic cuan riqꞌuin. Quixtokꞌoba ru laj José ut quixtenkꞌa. Laj ilol tzꞌalam quixqꞌue retal nak laj José, aꞌan cha̱bil.

Génesis 39:21 ပူးပေါင်းရင်းမြစ်များ

Éxodo 3:21

Laa'in tinb'aanu naq teetaw usilal chiruheb' laj Ejiipt re naq sa' leerelik ink'a' texxik chi maak'a' teek'am.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

1 Pedro 3:17

Xb'aan naq q'axal us k'uluk rahilal rik'in xb'aanunkil li us, wi jo'kan naraj xch'ool li Yos, chiru li k'uluk rahilal xb'aan xb'aanunkil li ink'a' us.

Daniel 1:9

Li Qaawa' kirusila ru laj Daniel ut kixk'e naq li xtz'aamahom taak'ulub'aaq xb'aan laj Aspenas, xjolomileb' laj k'anjel.

Éxodo 12:36

Li Qaawa' kixtenq'aheb' chi xtawb'al usilal chiruheb' laj Ejiipt, ut eb' a'in ke'xk'ul xch'ool. Chi jo'kan eb' laj Israel ke'xk'am li k'aru wank reheb' laj Ejiipt.

Isaías 43:2

Wi tatnume'q sa' ha', tatwochb'eeni; wi taaq'ax junaq nima', ink'a' tatxk'am li roqha'; wi ut tatnume'q sa xam, ink'a' tatk'atq, chi moko taaletzq li raq' xam chawix.

Salmos 105:19

toj reetal koxtz'aqloq ru li xyehom. Li raatin li Qaawa' kixk'ut naq tiik xch'ool laj José.

Éxodo 11:3

Li Qaawa' kixtenq'aheb' li xtenamit chi xtawb'al usilal chiruheb' laj Ejiipt. Laj Moisés a'an xnimal ru winq sa' xsutam Ejiipt, jo' chiruheb' laj tenq' re laj Parahón jo' chiruheb' li tenamit.

Génesis 39:2

Li Qaawa' kixtenq'a laj José, ut a'in us ki'elk rik'in chixjunil naq wank sa' rochoch laj eechal re aj Ejiipt.

Génesis 21:22

Sa'eb' li kutan a'an laj Abimélek rochb'een laj Pikol, xjolomileb' laj puub', kixye re laj Abrahán: “Li Qaawa' Yos wank aawik'in rik'in chixjunil li nalajaab'aanu.

Proverbios 16:7

Naq li Qaawa' naxk'ul xch'ool li qayu'am, a'eb' ajwi' li xik' neke'ilok qe neke'ok wi' chik sa' amiiwil qik'in.

Génesis 40:3

ut kixk'eheb' chi k'aak'aleek sa' tz'alam, sa' rochoch li xb'eenil laj k'aak'alenel, sa' ajwi' li na'ajej wan wi' laj José.

Romanos 8:37

Ab'an chixjunil a'in naqaq'ax ru chi chaab'il sa' xk'ab'a' Li kirahok qe.

Daniel 6:22

LinYos xtaqla chaq li x'ánjel chi xtz'apb'al li reheb' li kaqkoj, ut maak'a' junaq rahilal xe'xb'aanu we, xb'aan naq maak'a' inmaak chiru A'an chi moko xinb'aanu junaq ch'a'ajkilal chawu laa'at”, chan laj Daniel.

Salmos 106:46

Kixtoch' xch'ooleb' li wankeb' wi' chi preexil re naq te'xtoq'ob'a ruheb'.

Salmos 105:22

re naq tixtijeb' li xninqaleb' ru winq ut tixtzoleb' li xcheekelaleb' li xtenamit.

Génesis 39:3

A'in kixk'e reetal naq li Qaawa' wank rik'in laj José ut natenq'ank re, re naq us taa'elq rik'in chixjunil li naxb'aanu.

Génesis 39:4

Jo'kan naq laj José kixtaw usilal chiru laj eechal re ut kixaqab'aak cho'q aj tenq' re ut aj jolominel re li xjunkab'al: jo'ch'inal jo'nimal li wank re laj Putifar kiq'axtesiik sa' ruq' laj José.