Génesis 37:8 - Q'eqchi Bible

⁸ Toja' naq eb' li ras ke'xye re: “Ma laa'at tab'i' tat-awab'ejinq qe malaj toohaak'e rub'el laawankil?”, chankeb'. Ut q'axal chik xik' neke'ril xb'aan li xmatk' ut eb' li raatin.

Li Santil hu

⁸ Eb li ras queꞌxye re: —¿Ma nacacꞌoxla nak la̱at tat-oc chi takla̱nc saꞌ kabe̱n? Ut, ¿ma nacacꞌoxla nak la̱o takaqꞌue kib rubel a̱takl? chanqueb re. Ut kꞌaxal cuiꞌchic xicꞌ queꞌril laj José xban li cꞌaꞌru quixye ut xban li cꞌaꞌru quixmatqꞌue.

Génesis 37:8 ပူးပေါင်းရင်းမြစ်များ

Hechos 7:35

“Eb' laj Israel ke'xtz'eqtaana laj Moisés naq ke'xye re: «Ani xxaqab'ank aawe cho'q aj jolominel ut aj raqol aatin?». Ab'an li Yos kitaqlank re cho'q aj jolominel ut aj kolonel, naq li ánjel kixk'ut rib' chiru sa' li k'ix.

1 Samuel 10:27

Ab'an wankeb' li yib'ru xna'leb'eb' ke'xye: “Ma tooxkol awuli?”, chankeb'. Ke'xtz'eqtaana laj Saúl ut ink'a' ke'xk'e xmaatan. Ab'an laj Saúl ink'a' kixk'e sa' xch'ool li k'aru ke'xb'aanu.

Hebreos 10:29

Ma ink'a' nekek'oxla naq numtajenaq chik ra tixk'ul li ani xyeq'i sa' roq li Ralal li Yos, a' li xtz'eqtaana xkik'elil li Sumwank li xsantob'resiik wi', jo' ajwi' xmajewa li Musiq'ej nak'ehok li usilal?

San Lucas 20:17

A'ut li Jesus kixka'yaheb' ut kixye: —K'aru xyaalal a'in li tz'iib'anb'il sa' Santil Hu: «Li pek li ke'xtz'eqtaana eb' laj kab'lanel, a'an li kikanaak cho'q xnimal ru pek sa' li kab'l»?

San Lucas 19:14

Ab'anan eb' li rech tenamitul xik' neke'ril li winq a'an; jo'kan naq ke'xtaqlaheb' xtaql re xyeeb'al sa' li najtil tenamit: «Ink'a' naqaj naq a'an taa'awab'ejinq qe».

Salmos 118:22

Li pek li xtz'eqtaanaak xb'aaneb' laj kab'lanel a'an li xkanaak cho'q xnimal ru pek sa' li kab'l.

1 Samuel 17:28

Naq laj Eliab kirab'i li yo xyeeb'al li riitz'in reheb' li winq, kichalk xjosq'il sa' xb'een laj David ut kixye re: “K'a' aj e naq xatchalk arin? Ani aj ik'in xakanab' chaq li jun ch'ina ch'uuteb' li karneer sa' li chaqich'och'? Ninnaw laaq'etq'etil ut li xlab'al laach'ool, xb'aan naq xatchalk arin yal re rilb'al li yalok”, chan.

Éxodo 2:14

Kichaq'ok a'an: “Ani xxaqab'ank aawe cho'q aj jolominel ut aj raqol aatin sa' qab'een? Ma nakak'oxla inkamsinkil jo' naq xakamsi laj Ejiipt?”, chan. K'ajo' naq ki'ok xxiw laj Moisés, ut kixye sa' xch'ool: “Ch'olch'o naq xnawmank li k'aru xinb'aanu”.

Génesis 49:26

Li rosob'tesihom laayuwa' jwal nim chik chiru rosob'tesihom eb' li najteril tzuul jo'wi' chiru xsahojikeb' li junelik b'ool: a'an chihilanq taxaq sa' xb'een laj José ut chi xpeekem li sik'b'il ru sa' xyanqeb' li ras!

Génesis 37:4

Naq eb' li ras ke'xk'e reetal naq q'axal raaro laj José xb'aan li xyuwa' chiru chixjunileb' li ralal, xik' neke'ril ut tik ink'a' chik neke'raatina.

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

Génesis 37:9

Chirix chik a'an kimatk'ek wi' chik ut kixseeraq'i a'an reheb' li ras. Kixye reheb': “Xinmatk'ek wi' chik. Xwil naq li saq'e, li po ut junlaju chi chahim xe'xk'utzub' rib' chiwu”.

Génesis 42:10

Ke'chaq'ok eb' a'an: “Ink'a', qaawa'; loq'ok tzekemq xe'chalk wi' eb' laj k'anjel chawu.

Génesis 44:18

Toja' naq laj Judá kijilok chi xk'atq laj José ut kixye re: “Chinaakuy, at qaawa'. Tinye jun t'orolaq li raatin sa' xxik linqaawa'. Matjosq'o'k sa' inb'een xb'aan naq laa'at jo'kat laj Parahón.

Génesis 50:18

Toja' naq koheb' li ras rik'in, koxe'xkut rib' chi roq ut ke'xye re: “We'ko chawu; laa'o chik aamoos”.

Deuteronomio 33:16

rik'in li q'axal chaab'il wank sa' ruuchich'och' jo'wi' rik'in li rusilal Li nawank chaq sa' li k'ix. Chikub'eeq chaq chixjunil a'in sa' xb'een xjolom laj José, chihilanq chi xpeekem li sik'b'il ru sa' xyanqeb' li ras riitz'in!

1 Samuel 18:8

K'ajo' naq kiraho'k xch'ool laj Saúl naq kirab'i a'an; kichalk xjosq'il ut kixye: “Yookeb' chi xyeeb'al naq laj David xkamsiheb' lajeeb' mil ut laa'in jun mileb' ajwi'. Ka'aj chik maa nakanaak chi awab'ej!”, chan.