Génesis 37:4 - Q'eqchi Bible

⁴ Naq eb' li ras ke'xk'e reetal naq q'axal raaro laj José xb'aan li xyuwa' chiru chixjunileb' li ralal, xik' neke'ril ut tik ink'a' chik neke'raatina.

Li Santil hu

⁴ Eb li asbej queꞌril nak laj José, aꞌan li kꞌaxal raro xban li yucuaꞌbej. Joꞌcan nak xicꞌ nequeꞌril laj José ut incꞌaꞌ chic nequeꞌa̱tinac saꞌ xya̱lal riqꞌuin.

Génesis 37:4 ပူးပေါင်းရင်းမြစ်များ

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

1 Juan 4:20

Wi junaq nayehok: “Laa'in ninra li Yos”, ab'an xik' naril li ras riitz'in, a'an aj tik'ti', xb'aan naq li ink'a' naxra li ras riitz'in li naril ru, moko naru ta tixra li Yos li ink'a' naril ru.

1 Juan 3:12

Ink'a' jo'aqo laj Kaín: a'an re li maa'us ut kixkamsi li riitz'in. K'a'ut naq kixkamsi? Xb'aan naq ink'a' useb' li xb'aanuhom, ut li riitz'in a' li chaab'ilal naxb'aanu.

1 Juan 2:11

A'ut li xik' naril li ras riitz'in, wank sa' li aak'ab' ut sa' li aak'ab' yo chi b'eek: ink'a' naxnaw b'ar yo chi xik, xb'aan naq li aak'ab' xmutz'o'b'resink re xsa' li ru.

Salmos 69:4

Xinlub'k chi xjapb'al we; taaxamo'q xsa' linkux, taa'oso'q xsa' li wu xb'aan royb'eninkil linYos.

1 Samuel 17:28

Naq laj Eliab kirab'i li yo xyeeb'al li riitz'in reheb' li winq, kichalk xjosq'il sa' xb'een laj David ut kixye re: “K'a' aj e naq xatchalk arin? Ani aj ik'in xakanab' chaq li jun ch'ina ch'uuteb' li karneer sa' li chaqich'och'? Ninnaw laaq'etq'etil ut li xlab'al laach'ool, xb'aan naq xatchalk arin yal re rilb'al li yalok”, chan.

Génesis 37:5

Sa' jun q'oqyink laj José kimatk'ek ut kixseeraq'i a'an reheb' li ras, ut q'axal chik ke'ok chi xxik'b'al rilb'al.

Génesis 4:5

ab'an ink'a' kisaho'k xch'ool rik'in laj Kaín ut li xmayej. Jo'kan naq q'axal kijosq'o'k laj Kaín ut lumlu kikanaak.

Tito 3:3

Xb'aan naq junxil xoowank ajwi' chaq laa'o sa' xmaak'a'il qana'leb' ut sa' li q'etb'a aatin; xqak'e qib' chi b'alaq'iik, b'ak'b'ooko chaq chi k'anjelak chiru yalaq k'a' chi maa'usilal nawulak chiru li tz'ejwalej, xqanumsi li kutan chi lab'alink ut kaqalink, tz'eqtaananb'ilo jo'wi' naqatz'eqtaana chaq qib' chiqib'il qib'.

Salmos 38:19

Tinxooto linmaak chawu, k'ajo' xrahil linch'ool xb'aan li xinmaakob'k wi'.

Génesis 49:23

Nach'i'ch'i'iik, narahob'tesiik ut nayale'k rix xb'aaneb' laj simaj,

Génesis 37:11

Ut eb' li ras k'ajo' naq neke'xkaqali; a'ut li xyuwa' yo chi xk'oxlankil rix.

1 Juan 3:10

Rik'in a'in nawnookeb' ru li ralal xk'ajol li Yos ut eb' li ralal xk'ajol laj tza: yalaq ani ink'a' nab'aanunk re li tiikilal, moko re ta li Yos; jo'kan ajwi' li ink'a' naxra li ras riitz'in.

Jeremías 12:6

A'aneb' ajwi' laawas aawiitz'in, eb' laawech'alal xe'b'alaq'ink aawe ut nakate'xhob' chirix aajolom. Maak'ojob' aach'ool chirixeb' naq nakate'raatina rik'in ch'ina'usil aatin.

San Marcos 3:25

Wi jachjooq chirib'il rib' jun kab'alaq, ink'a' truuq taakanaaq chi xaqxo li junkab'al a'an.