Génesis 37:25 - Q'eqchi Bible

²⁵ Chirix chik a'an ke'chunlaak ut ke'ok chi wa'ak. Naq ke'xtaqsi li rilob'aaleb', ke'ril naq jun ch'uuteb' aj Ismael yookeb' chaq chi chalk Galad rochb'eeneb' li xkameey, iq'o chaq xb'aaneb' li sununkil b'an, li miir ut xq'ol sununkil che' li yookeb' chi xk'amb'al Ejiipt.

Li Santil hu

²⁵ Chirix chic aꞌan, queꞌchunla ut queꞌoc chi cuaꞌac. Nak yo̱queb chi cuaꞌac queꞌril nak yo̱queb chi cha̱lc jun chꞌu̱t eb li cui̱nk aj ismaelita. Yo̱queb chak chi cha̱lc Galaad. Ut chirixeb lix camello yo̱queb chak chixcꞌambal oxib pa̱y ru li sununquil ban re teꞌxcꞌayi aran Egipto. Aꞌin lix cꞌabaꞌeb li oxib pa̱y ru chi sununquil ban: aromas, bálsamo ut mirra.

Génesis 37:25 ပူးပေါင်းရင်းမြစ်များ

Génesis 43:11

Toja' naq laj Israel, li xyuwa'eb', kixye reheb': “Wi maak'a' xja'lenkil, b'aanuhomaq. K'amomaq sa' leechakach li q'axal chaab'il na'elk sa' li qatenamit ut k'amomaq xsimaatan li winq a'an: b'ayaq xq'ol sununkil che', b'ayaq xya'al kab', miir ut sununkil b'an ut b'ayaq ki'il q'een.

Génesis 37:28

Ut naq ke'nume'k aran eb' laj yakonel aj Madián, ke'xchap laj José, ke'risi chaq sa' li kumb' ut ke'xk'ayi reheb' laj Ismael chiru junmay chi tumin plaat, ut eb' laj Madián ke'xk'am Ejiipt.

Jeremías 8:22

Ma maak'a' tawi' junaq b'an aran Galahad? Ma maajun tawi' naru chi b'anok aran? K'a'ut naq ink'a' nak'iraak lintenamit?

Génesis 37:36

Naq eb' laj Madián ke'wulak Ejiipt, ke'xk'ayi laj José re laj Putifar, a'an aj tenq' re laj Parahón ut aj jolominel reheb' li neke'k'aak'alenk re laj Parahón.

Amós 6:6

Nekex'uk'ak b'iin sa'eb' li xninqal sek' ut nekeyul eerib' sa' sununkil b'an jwal chaab'il; ab'an maak'a' nekeraj wi' li xrahilaleb' laj José.

Jeremías 46:11

Ayu Galahad, a Ejiipt, re xsik'b'al laab'an. Ab'anan, us ta naab'al li b'an taawoksi, maak'a' taa'ok wi' xb'aan naq ink'a' chik tex'usaq.

Proverbios 30:20

Li ixq li naxmux li xsumlajik, nawank rik'in jalanil winq, na'atink ut naxye: “Maak'a' maak xinb'aanu”, chan.

Salmos 14:4

Ma ink'a' te'xtaw xyaalal eb' laj b'aanuhom maa'usilal, li wankeb' aran chi k'ajo'eb' xxiw, chixjunileb' li neke'xlow lintenamit jo' nawa'e'k li wa, eb' li ink'a' neke'xpatz' xk'ab'a' li Qaawa'?

Génesis 39:1

Naq laj José kik'ame'k Ejiipt, jun li winq, aj Putifar xk'ab'a', aj Ejiipt ajwi', aj tenq' ut aj jolominel reheb' laj k'aak'alehom re laj Parahón, kixloq' laj José rik'ineb' laj Ismael li ke'k'amok re aran.

Génesis 31:23

Kixch'utub'eb' li rech'alal ut kixtaaqe laj Jakob chiru wuqub' kutan, toj reetal koxtaw sa' li xtzuulul Galahad.

Salmos 83:6

Jo'ka'in xe'k'uub'ank chi junaj ru xch'ooleb', xe'xk'amchi'i rib' chi xxik'b'al aawilb'al:

Ester 3:15

Eb' li xtaql li awab'ej koheb' chi junpaat jo' taqlanb'ileb' wi', ut li esil kipukank ajwi' sa' li tenamit Susa. Naq li awab'ej ut laj Amán yookeb' chi uk'ak chi saheb' sa' xch'ool, k'ajo' li rahil ch'oolej sa' li tenamit Susa.

Génesis 31:21

ut koho sa' muqmu rochb'een chixjunil li k'aru wank re. Kiq'axonk junpak'al li nima' Éwfrates ut koho sa' xjayal li xtzuulul Galahad.

Génesis 37:24

ke'xchap ut ke'xkut sa' li kumb', li maak'a' ha' chisa'.

Josué 13:11

Jo'kan ajwi' kixk'e Galahad ut li xch'och'eb' laj Jesur ut eb' laj Mahaká, chixjunil li tzuul Hermón ut chixjunil Basán toj Salká.

Jeremías 22:6

Jo'ka'in kixye li Qaawa' chirix li rochoch li awab'ej re Judá: “Chanchanat li tzuul Galahad cho'q we laa'in, ut kama'at li tzuul Líbano; ab'anan ninye tz'aqal aawe naq joxk' ch'och' tatinkanab' wi', jo'qat jun na'ajej li maajun nawank chisa'.

Ezequiel 47:18

“Li xnub'ajlil li tenamit sa' xjayal releb'l saq'e wanq sa' xyanq Jawrán rik'in Damaask ut sa' xyanq Galahad rik'in Israel, chalen junq re li nima' Jordán ut nawulak toj Tamar, chire li Atz'aminb'il Palaw.

Cantares 5:1

Ak xin'ok sa' xna'aj li wawimq, at wanab', at xsumwaanm. Ak xinxok linmiir ut linsununkil b'an, xintzeka li xya'al kab' sa' li xsok, ut xwuk' linb'iin ut li xya'al xtu' wakax. Ex was wiitz'in, tzekanqex ut uk'anqex, toj taak'ojlaaq eech'ool, ex wamiiw!

Amós 6:4

Nekexwark chiru ch'aat yiib'anb'il rik'in marfil, sa nekexhilank sa' leehilob'aal chi ninq'ehik; neketzeka li kok' karneer sik'b'ileb' ru ut eb' li saaj wakax li nekexok chaq sa' xyanqeb' li ketomq.