Génesis 36:8 - Q'eqchi Bible

⁸ Jo'kan naq koxkanaaq laj Esaú sa' li na'ajej Seír (laj Esaú aj Edom ajwi' nayeemank re).

Li Santil hu

⁸ Joꞌcan nak laj Esaú co̱ chi cua̱nc saꞌ li naꞌajej li tzu̱l ru Seir xcꞌabaꞌ. Nayeman ajcuiꞌ aj Edom re laj Esaú.

Génesis 36:8 ပူးပေါင်းရင်းမြစ်များ

Génesis 32:3

Laj Jakob kixtaqlaheb' xtaql chi uub'ej rik'in laj Esaú li ras, sa' li na'ajej Seír, sa' xteepal Edom,

Malaquías 1:3

ut xik' kiwil laj Esaú. Ut li xch'och'el laj Esaú, li tzuul ru naq kiwank, kinkanab' chi junesal na'ajej, ut li xna'ajeb' li xxe'toonil yuwa' kinsutq'isi cho'q chaqich'och'”.

2 Crónicas 20:23

Eb' laj Amón ut eb' laj Mohab ke'ok chi yalok rik'ineb' li ke'chalk sa' li tzuul Seír, ut ke'xsach ruheb'. Ut naq ke'xchoy xkamsinkileb', ke'ok ajwi' chi xkamsinkileb' rib' chirib'ileb' rib'.

2 Crónicas 20:10

Ab'an anaqwan wankeb' arin eb' laj Amón, eb' laj Mohab ut eb' li chalenaqeb' sa' li tzuul Seír, b'arwi' ink'a' kawaj roksinkileb' li qaxe' qatoon naq ke'elk chaq Ejiipt; jo'kan naq eb' li qana' qayuwa' yal ke'nume'k chirix li na'ajej a'an ut ink'a' ke'xsach ruheb' li tenamit a'an.

1 Crónicas 4:42

Jo'kan ajwi' o'k'aal xkab' o'q'ob' (500) chi winq sa' xyanqeb' a'an, xkomoneb' laj Simehón, koheb' sa' li k'iche' re Seír, jolominb'ileb' xb'aan laj Pelatías, laj Neharías, laj Refaías ut laj Usiel, ralaleb' laj Isí,

Josué 24:4

Chirix chik a'an kink'e wiib' li ralal laj Isahak: a'aneb' laj Jakob ut laj Esaú. Laj Esaú kink'e chireechani li tzuul Seír, ab'an laj Jakob rochb'eeneb' li ralal xk'ajol koheb' Ejiipt.

Deuteronomio 2:5

mexyalok rik'ineb', xb'aan naq laa'in maak'a' re li xch'och'eb' a'an tink'e eere, chi moko jun miinaq ta xna'aj leeroq, xb'aan naq li tzuul Seír kink'e chireechani laj Esaú.

Génesis 36:1

A'aneb' a'in li ralal xk'ajol laj Esaú, aj Edom ajwi' xk'ab'a'.

Génesis 14:6

ut eb' laj Horí sa'eb' li tzuul re Seír toj El-Parán, li wank chi xk'atq li chaqich'och'.

Génesis 36:9

A'aneb' a'in li ke'yo'laak sa' riyajil laj Esaú, xyuwa'eb' laj Edom, sa'eb' li tzuul re Seír,

Deuteronomio 2:4

Ye li aatin a'in re li tenamit: Naq toxexnume'q sa' xch'och'eb' leeras eeriitz'in, a'eb' li ralal xk'ajol laj Esaú li wankeb' aran Seír, eb' a'an te'xxiwa eeru, ab'anan laa'ex chek'e reetal,

Deuteronomio 2:22

Jo'kan ajwi' li Qaawa' kirusilaheb' ru li ralal xk'ajol laj Esaú li ke'wank Seír: ke'xsacheb' ru laj Jor, ke'risiheb' ut ke'kanaak sa' li xna'ajeb' chalen toj anaqwan.

Jeremías 40:11

Jo'kaneb' ajwi' eb' laj Judiiy li wankeb' chaq Mohab, Amón, Edom ut sa'atqeb' chixjunil li tenamit ke'xnaw naq li awab'ej re Babilonia kixkanab'eb' laj Judiiy chi wank sa' li xna'ajeb'; ke'xnaw ajwi' naq laj Kedalías kixaqab'aak chi xjolominkileb'.

Génesis 25:30

kixye re laj Jakob: “Ab'i, k'e b'ayaq chinyal li xkaqal ru laatzekemq, xb'aan naq xinlub'k” (jo'kan naq aj Edom ajwi' kixk'ab'a'in laj Esaú).

Génesis 32:4

ut kixchaq'rab'iheb' chi jo'ka'in: “Cheyehaq re linqaawa' Esaú: «Jo'ka'in xye chaq laj Jakob laj k'anjel chawu: Xinwank chaq jun k'amok rik'in laj Labán ut aran xinb'ayk chaq chalen toj anaqwan.

Génesis 36:43

laj Makdiel ut laj Irán. Laj Esaú kixk'ab'a'in ajwi' aj Edom, ut a'aneb' a'in laj jolominel re Edom, jo' chanru li xna'ajeb' sa' li ch'och' wankeb' wi'.

1 Samuel 14:47

Naq laj Saúl kixaqab'aak cho'q awab'ej re Israel, kiyalok yalaq b'ar rik'ineb' li xik' neke'ilok re: rik'ineb' laj Mohab, laj Amón ut eb' laj Edom, rik'in li awab'ej re Sobá ut rik'ineb' laj Filistea. Yalaq b'ar naxik, naq'axok chaq u.

Abdías 1:1

A'an a'in li kiril sa' moy u laj Abdías. A'in li raatin li Qaawa' kixye chirix laj Edom: Xqab'i jun esilal xchalk chaq rik'in li Qaawa'; jun aj yehol esil xtaqlaak sa' chixjunileb' li tenamit re xyeeb'al reheb': “Wakliiqo ut yo'qeb' chi yalok rik'ineb' laj Edom”. Li Qaawa' kixye re laj Edom:

Abdías 1:3

Li xq'etq'etil laach'ool xatxb'alaq'i. Wankat sa' xyanqeb' li saqoonak ut chiru tzuul nakayiib' laamuheb'aal; jo'kan naq xaye sa' laach'ool: «Ani tkutuq we chi ch'och'?», chankat.