Génesis 36:6 - Q'eqchi Bible

⁶ Laj Esaú kixk'ameb' li rixaqil, li ralal ut eb' li xrab'in, jo'k'ihaleb' li wankeb' sa' rochoch, chixjunil li xketomq ut eb' li xxul, chixjunil li xjunkab'lal li kireechani sa' xteepal Kanahán, ut koho sa' li na'ajej Seír, moko najt ta rik'in laj Jakob li riitz'in,

Li Santil hu

⁶ Laj Esaú qui-el saꞌ li naꞌajej li cuan cuiꞌ laj Jacob li ri̱tzꞌin. Quixcꞌameb li rixakil ut lix rabin ut li ralal chirix joꞌ eb ajcuiꞌ chixjunileb li cuanqueb riqꞌuin. Quixcꞌam chixjunileb lix queto̱mk joꞌ ajcuiꞌ li cꞌaꞌru re li joꞌ qꞌuial li queꞌtam aran Canaán.

Génesis 36:6 ပူးပေါင်းရင်းမြစ်များ

Génesis 32:3

Laj Jakob kixtaqlaheb' xtaql chi uub'ej rik'in laj Esaú li ras, sa' li na'ajej Seír, sa' xteepal Edom,

Apocalipsis 18:13

kaneel, amomo, sununkil b'an, miir, pom, b'iin, aseeyt, k'aj, triiw, xul aj iiqonel, karneer, kawaay ut b'eleb'aal ch'iich'; loq'b'il moos ut yalaq ani chik chi winqul.

Génesis 28:4

A'an chixk'e taxaq aawe li rosob'tesinkil laj Abrahán ut chixk'e ajwi' reheb' laawalal aak'ajol, re naq taaweechani li ch'och' b'arwi' wankat jo' aj numel, a' li kik'ehe'k re laj Abrahán xb'aan li Yos”.

Génesis 25:23

Ut li Qaawa' kixye re: “Wiib' tenamit wankeb' chaq aawik'in, wiib' amaq' li te'xjek'i rib' naq te'yo'laaq. Li jun taanumtaaq xwankil sa' xb'een li jun chik, ut li asb'ej taak'anjelaq chiru li iitz'inb'ej”.

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Génesis 13:11

Toja' naq laj Lot kixchap cho'q re chixjunil li xtaq'ahil li nima' Jordán ut kiq'axonk sa' xjayal releb'l saq'e. Chi jo'kan laj Abrán ut laj Lot ke'xjek' rib'.

Génesis 13:6

Li na'ajej ink'a' chik natz'aqlok cho'q reheb', xb'aan naq numtajenaq xk'ihal li k'a'aq ru reheb'; jo'kan naq ink'a' chik naxk'e rib' te'wanq chi xkab'ichaleb'.

Génesis 12:5

Kixk'am lix Saray chirix jo' ajwi' laj Lot li rikaq'. Kixk'am ajwi' chixjunil li xjunkab'lal ut eb' laj k'anjel chiru li kireechani sa' li tenamit Harán. Ke'xchap xb'e re xik Kanahán ut ke'wulak sa' li na'ajej a'an.

Ezequiel 27:13

Jo'kaneb' ajwi' eb' laj Grecia, eb' laj Tubal ut eb' laj Mesek neke'loq'ok aawik'in, ut neke'tojok rik'in poyanam ut rik'in chik k'a'aq re ru yiib'anb'il rik'in q'anch'iich'.

Génesis 36:5

Lix Oholibamá kirala laj Yehús, laj Yalán ut laj Koré. A'aneb' a'in li ralal xk'ajol laj Esaú li ke'yo'laak aran Kanahán.