Génesis 35:4 - Q'eqchi Bible

⁴ Eb' a'an ke'xq'axtesi re laj Jakob chixjunileb' li jalanil yos li wankatqeb' rik'ineb', jo'kan ajwi' li xka'xikeb'; ut laj Jakob kixmuqeb' rub'el li ji li wank chi xk'atq Sikem.

Li Santil hu

⁴ Eb aꞌan queꞌxkꞌaxtesi saꞌ rukꞌ laj Jacob chixjunileb li jalanil dios. Queꞌxkꞌaxtesiheb ajcuiꞌ chixjunileb li caꞌxic li queꞌxqꞌue xcuanquil. Laj Jacob quixmuk li cꞌaꞌak re ru aꞌin saꞌ chꞌochꞌ rubel jun to̱n li cheꞌ ji. Li cheꞌ aꞌan nachꞌ cuan riqꞌuin li tenamit Siquem.

Génesis 35:4 ပူးပေါင်းရင်းမြစ်များ

Jueces 9:6

Toja' naq ke'xch'utub' rib' chixjunileb' li xjolomileb' laj Sikem ut chixjunileb' laj Bet-Miló, ut ke'xxaqab' laj Abimélek cho'q awab'ej, chi xk'atq li ji re li xaqxookil pek li wank aran Sikem.

Isaías 30:22

Toja' naq teetz'eqtaana leejalanil yos yiib'anb'il rik'in plaat ut leejalam u uutz'u'ujinb'il rik'in oor. Teekuteb' chi najt jo' li mul ut teeye reheb': “Elenqex arin”, cha'qex reheb'.

Deuteronomio 7:25

Taak'ateb' li xjalam u li xyoseb'. Maarahi ru li oor ut li plaat b'onb'ileb' wi', chi moko taaxok cho'q aawe; mext'ane'k sa' li aaleek a'an, xb'aan naq a'an yib'eetal chiru li Qaawa' laaYos.

Éxodo 32:20

Chirix chik a'an kixchap li saaj wakax xyiib'ahomeb' a'an, kixk'at ut kixke' toj reetal kipojtz'o'k: kixtzuptzupi li xpojtz'il sa' ha' ut kixk'e chiruk'eb' laj Israel.

Oseas 2:13

Tolinrahob'tesi li ixq a'an xb'aan naq xk'atok k'ajpom chiruheb' laj Bahal, xtiqib' rib' chi chaab'il rik'in matq'ab' ut q'ol ut xkoho chirixeb' li neke'rahink re, chi ink'a' chik nikinxk'oxla laa'in li Qaawa' -chan li Yos-.

Isaías 2:20

Sa' li kutan a'an te'xrumi eb' li jalanil yos chiruheb' li ch'o ut chiruheb' laj tz'uum xik', a'eb' li yos xe'xyiib' rik'in oor ut plaat re xloq'oninkileb' ru.

Deuteronomio 7:5

A'an a'in li tento teeb'aanu: juk'umaq eb' li x'artal li wuqub' chi tenamit a'an, putz'ihomaq li xxaqab'anb'il pekeb', chetoqi eb' li xloq'laj toon che' ut teek'e xxamlel li xyoseb'.

Génesis 12:6

Laj Abrán kinume'k sa' li na'ajej toj koxtaw Sikem, wan wi' xtoonal li ji re laj Moré. Sa'eb' li kutan a'an wankeb' chaq laj Kanahán sa' li na'ajej a'an.

Génesis 35:3

Yo'qeb' sa' junpaat sa' li na'ajej Betel, xb'aan naq aran toxinyiib' jun li artal cho'q re li Yos li kitenq'ank we sa' xq'ehil xrahilal linch'ool ut xinrochb'eeni sa' linb'eenik”.

Génesis 35:5

Chirix chik a'an koheb', ut jun nimla xiw kikub'eek sa' xb'eeneb' li tenamit li wankeb' chi xsutam; jo'kan naq ink'a' ke'xtaaqe eb' li ralal laj Jakob.