Génesis 34:7 - Q'eqchi Bible

⁷ Naq eb' li ralal laj Jakob ke'rab'i li kik'ulmank, ke'sutq'iik chaq sa' xk'al ut ke'po'k li xch'ooleb'. K'ajo' naq ke'chalk xjosq'il, xb'aan naq nimla maak li kixb'aanu laj Sikem naq kiwark rik'in li xrab'in laj Jakob: a'an ink'a' naru xb'aanunkil!

Li Santil hu

⁷ Nak eb li ralal laj Jacob queꞌrabi resil li cꞌaꞌru quicꞌulman, queꞌsukꞌi chak saꞌ junpa̱t. Eb aꞌan queꞌrahoꞌ saꞌ xchꞌo̱l ut queꞌchal ajcuiꞌ xjoskꞌileb xban nak nimla ma̱c chiruheb chixjunileb laj Israel nak laj Siquem quicuan riqꞌuin lix rabin laj Jacob. Incꞌaꞌ raj xru xba̱nu chi joꞌcan riqꞌuin junak xkaꞌal aj Israel.

Génesis 34:7 ပူးပေါင်းရင်းမြစ်များ

Jueces 20:6

Toja' naq xinchap li kamenaq, xinseti ut xintaqla sa' xteepal chixjunil Israel, xb'aan naq xutaanal ut yib'eetal ru li xk'ulmank Israel.

Josué 7:15

Ut li winq li xxokok re li k'aru tento raj xsachmank, taak'ate'q rochb'een chixjunil li k'aru wank re, xb'aan naq xq'et li xSumwank li Qaawa' ut xb'aanu li ink'a' us sa' xyanqeb' laj Israel, chan li Qaawa'.

Deuteronomio 22:21

taa'isiiq li ixq chire rochoch li xyuwa' ut taateniiq chi pek xb'aaneb' li winq wankeb' sa' li tenamit, toj reetal taakamq, xb'aan naq xutaanal li xb'aanu arin Israel: xb'aanu li maa'usilal sa' rochoch li xyuwa'. Chi jo'ka'in taawisi li ink'a' us sa' eeyanq.

Hebreos 13:4

Chejunilex cheroxloq'i li sumlaak ut maak'a' k'aru teeb'alaq'i wi' eerib', xb'aan naq li Yos taaraqoq aatin sa' xb'eeneb' laj ko'b'eet laj yumb'eet jo' ajwi' sa' xb'eeneb' laj muxul sumsu.

Génesis 20:9

Chirix chik a'an laj Abimélek kixb'oq laj Abrahán ut kixye re: “K'aru xab'aanu qe malaj k'aru xinmaakon chawu, naq xak'am chaq li nimla maak a'in sa' inb'een ut sa' xb'een ajwi' chixjunil lintenamit? Li ink'a' nab'aanumank, laa'at xab'aanu we.

1 Pedro 2:9

A'ut laa'ex sik'b'il eeru cho'q loq'laj iyaj, laa'ex aj tij sa' xk'anjel li nimajwal Rey, santil tenamitex; laa'ex jun tenamit b'oqb'il chi ok sa' li reechanihom li Yos re naq teepuktesi li xninqal ru xb'aanuhom Li kib'oqok chaq eere chi xkanab'ankil li aak'ab' re ok sa' li xchaq'alil ru saqenk.

Santiago 3:10

Sa' jun chi ehej na'elk chaq li usilaatinank ut li majewank. Ex was wiitz'in, a'in ink'a' naru taawanq chi jo'kan.

Efesios 5:3

Li ko'b'eetak yumb'eetak ut chixjunil li maa'usilal malaj xrahinkil ru li b'ihomal chi moko chi'ab'imanq sa' eeyanq, xb'aan naq moko xk'ulub'eb' ta chik eb' laj santil paab'anel.

1 Corintios 10:8

Mooko'b'eetak jo' ke'xb'aanu eb' a'an, ut ke'kamk oxib' xka'k'aal mil chiru jun kutan.

1 Corintios 6:18

Chetz'eqtaana li ko'b'eetak ut li yumb'eetak! Chixjunil li k'a'aq chik chi maakil tixb'aanu junaq winq, yal chirix nakanaak, ab'an laj ko'b'eet ut laj yumb'eet a' ajwi' li xtz'ejwal naxmux.

Proverbios 7:7

ut ke'wil jun ch'uuteb' li saaj al li maak'a'eb' xna'leb'; ut sa' xyanqeb' a'an wank jun li maak'a' xk'a'uxl.

Salmos 93:5

Q'axal yaal chixjunil laawaatin; laasantilal naxchaab'ilob'resi laawochoch chi junelik q'e kutan, at Qaawa'!

2 Samuel 13:21

Naq laj David kixnaw chixjunil a'in, k'ajo' naq kichalk xjosq'il; ab'an ink'a' kiraj xrahob'tesinkil xch'ool laj Amnón li ralal, xb'aan naq a'an li xb'een al ut q'axal raaro xb'aan.

Deuteronomio 23:17

“Ink'a' te'wanq ixq malaj ut winq sa' xyanqeb' laj Israel li te'xk'ayi li xtib'eleb' sa' rochoch li Qaawa'.

Levítico 4:27

“Wi junaq poyanam re li tenamit taamaakob'q chi ink'a' rajom xch'ool, ut tixq'et junaq xchaq'rab' li Qaawa',

Levítico 4:13

“Wi chixjunileb' laj Israel te'xb'aanu li ink'a' us chi moko rajomeb' ta xch'ool ut maajun reheb' a'an tixk'e reetal naq li xe'xb'aanu a'an xq'etb'al li xchaq'rab' li Qaawa', ut chi jo'kan wankeb' xmaak,

Levítico 4:2

“Ye reheb' laj Israel: Wi ani taamaakob'q chi moko rajom ta xch'ool, tixq'et junaq xchaq'rab' li Qaawa' ut tixb'aanu li ink'a' raj naru xb'aanunkil, kama'in taab'aanumanq chirix:

Génesis 46:7

eb' li ralal ut eb' li xrab'in, jo' ajwi' eb' li ri xmam. Chixjunileb' koheb' chirix aran Ejiipt.

1 Timoteo 5:13

Jo'wi' anchal, neke'k'ayk chi sub'uk kutan ut neke'xtzol rib' chi xik chirehatq kab'lal; ut moko ka'aj ta wi' sub'uk kutan neke'xb'aanu, neke'molok aj b'an wi' aatin, neke'xch'ik rib' yalaq b'ar ut neke'xye li moko yehe'k ta naraj.

Colosenses 3:5

Jo'kan b'i', k'ehomaq chi kamk li ruuchich'och'il na'leb' wank eerik'in: li ko'b'eetak yumb'eetak, li muxuk ib', li xk'oxlankil li maa'usilal, li xrahinkil ru li ink'a' us ut li ratawankil ru li b'ihomal, a'an juntaq'eet rik'in li jalanil loq'onink.

Génesis 34:6

Laj Jamor, xyuwa' laj Sikem, koho wan wi' laj Jakob re raatinankil.

Génesis 34:8

Laj Jamor kiraatinaheb' ut kixye: “Laj Sikem li walal xkoho xch'ool chirix leerab'in; jo'kan utan k'ehomaq re cho'q rixaqil.

Deuteronomio 22:20

“Ab'anan wi yaal li naxye li winq ut maak'a' junaq reetalil li xtuq'ixqilal li saaj ixq,

Jeremías 29:23

Xb'aan naq q'axal xutaanal li ke'xb'aanu sa' xteepal Israel: ke'xmuxatq li xsumlajikeb' rik'ineb' li rixaqil eb' li ras riitz'ineb' ut b'alaq'il aatin ke'xye sa' ink'ab'a' li ink'a' inyehom reheb'. Ut a'an ch'olch'o tz'aqal chiwu», chan li Qaawa'”.