Génesis 34:14 - Q'eqchi Bible

¹⁴ “Ink'a' naru tqab'aanu a'an: xk'eeb'al li qanab' re junaq li ink'a' setb'il xtz'uumal xtz'ejwal, xb'aan naq a'an xutaanal cho'q qe.

Li Santil hu

¹⁴ Queꞌxye reheb: —Incꞌaꞌ naru takaqꞌue li kanab re junak cui̱nk ma̱jiꞌ naxcꞌul li circuncisión xban nak xuta̱nal aꞌan saꞌ kaya̱nk la̱o, chanqueb.

Génesis 34:14 ပူးပေါင်းရင်းမြစ်များ

Romanos 4:11

laj Abrahán kixk'ul li sirkunsisyon jo' reetalil li xtiikilal xch'ool kixmaatani chaq xb'aan li xpaab'aal naq maji'aq xk'ulum li sirkunsisyon. Chi jo'kan a'an xyuwa' chixjunileb' laj paab'anel ink'a' uxb'ileb' wi' li sirkunsisyon, re naq eb' a'an ajwi' k'eeb'ilaqeb' sa' ajl sa' xyanqeb' li tiikeb' xch'ool.

San Mateo 2:13

Tojo'aq relikeb' laj q'e naq li x'angel li Qaawa' kixk'ut rib' chiru laj José sa' xmatk' ut kixye re: “Waklin, k'am li k'uula'al rochb'een li xna', elelin ut ayu Ejiipt. Aran wanqat chaq toj laa'in toxinyehoq chaq aawe, xb'aan naq laj Herodes ok re xsik'b'al li k'uula'al re xkamsinkil”.

San Mateo 2:8

Kixtaqlaheb' Belén ut kixye: —Ayuqex, tz'ilomaq chaq rix chi us li k'uula'al ut, naq teetaw, tuleeye resil we re naq tinxik ajwi' laa'in ut tinloq'on chaq ru.

1 Reyes 21:9

Sa'eb' li hu kixtz'iib'a a'in: “Yehomaq resil naq taawanq kuyuk sa'. Chirix a'an teechunub' laj Nabot chiruheb' li tenamit.

2 Samuel 15:7

Kaahib' chihab'aq chik a'an, laj Absalón kixye re li awab'ej: “Chakuy inmaak, kanab'in chi xik Hebrón re naq tinpaab' chaq li b'arwan inyeechi'om re li Qaawa'.

2 Samuel 1:20

Meeye resil aran Gat, meepuktesi resil sa'atqeb' li b'e aran Askalón. Misaho'k sa' xch'ooleb' li xrab'ineb' laj Filistea, me'ok chi ninq'ehik eb' li ixq a'an maak'a'eb' xpaab'aal!

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

Génesis 17:14

Li ink'a' tixk'ul li sirkunsisyon, a' li teelom li ink'a' taasete'q xtz'uumal li xtz'ejwal, a'an taa'isiiq sa' xyanqeb' li xkomon xb'aan naq xq'et li qaSumwank”.

Génesis 17:11

Teeset b'ayaq xtz'uumal leetz'ejwal, ut a'anaq reetalil li Sumwank xqaxaqab' chiqib'il qib'.

Génesis 34:13

Toja' naq eb' li ralal laj Jakob ke'xchaq'b'e sa' b'alaq'il laj Sikem ut laj Jamor li xyuwa'; ut jo'ka'in ke'xye re li kixmux xtuq'ixqilal lix Dina li ranab'eb':

Génesis 34:15

Laa'o naru tqak'e eere, wi teeb'aanu li naqab'aanu laa'o, naraj naxye wi taasetmanq xtz'uumal xtz'ejwal chixjunileb' li teelom sa' eeyanq.

Jueces 14:3

Ab'anan li xna' xyuwa' ke'xye re: “K'a' naq xkohat chi xsik'b'al laawixaqil sa' xyanqeb' laj Filistea li ink'a' neke'xpaab' li Yos? Ma maak'a' tab'i' ixq sa' qayanq laa'o malaj sa' xyanqeb' chixjunileb' laj Israel?”. Ab'an laj Sansón kixsume li xyuwa': “K'am chaq a'an cho'q wixaqil, xb'aan naq a'an li nawulak chiwu”, chan.