Génesis 33:4 - Q'eqchi Bible

⁴ Ab'an laj Esaú ki'aanilak chi xk'ulb'al, kixq'alu chi xkux, kixtz'ub' ru ut kiyaab'ak.

Li Santil hu

⁴ Laj Esaú quia̱linac chixcꞌulbal li ri̱tzꞌin. Quixkꞌalu chi xcux laj Jacob ut quirutzꞌ ru ut queꞌoc chi ya̱bac xcabichaleb xban xsahileb saꞌ xchꞌo̱l.

Génesis 33:4 ပူးပေါင်းရင်းမြစ်များ

Salmos 34:4

Qanimaaq ru li Qaawa' wochb'eenex, junxikikaqo chi xterq'usinkil li xk'ab'a'.

San Lucas 15:20

Ut kiwakliik, koho rik'in li xyuwa'. “Toj najt ajwi' wan chaq, naq li xyuwa' kiril ut kireek'a xnimal xrahom: koho sa' aanil, koxq'alu chi xkux ut kixtz'ub' ru.

Génesis 32:28

li winq kixye: “Chalen anaqwan ink'a' chik taak'ab'a'in aj Jakob, aj Israel b'an chik laak'ab'a'. Xb'aan naq xayal laametz'ew rik'in li Yos ut rik'ineb' li winq, ut xatq'axok u”.

Hechos 20:37

K'ajo' naq ke'ok chi yaab'ak chixjunileb', ke'xq'alu chi xkux laj Pablo ut ke'xtz'ub' ru

Proverbios 16:7

Naq li Qaawa' naxk'ul xch'ool li qayu'am, a'eb' ajwi' li xik' neke'ilok qe neke'ok wi' chik sa' amiiwil qik'in.

Génesis 46:29

laj José kixb'ak' li xb'eleb'aal ch'iich' chirixeb' li kawaay ut koho Gosen chi xk'ulb'al laj Israel, li xyuwa'. Naq kiril ru, kixq'alu chi xkux ut k'ajo' naq kiyaab'ak sa' xb'een xkux.

Génesis 45:2

Toja' naq kixjap re chi yaab'ak; ut ki'ab'iik xb'aaneb' laj Ejiipt jo'wi' xb'aaneb' li wankeb' sa' rochoch laj Parahón.

Li xHu LAJ JOB 2:12

Chi najt ke'ril chaq laj Job ut ink'a' ke'xnaw ru. Ab'anan naq ke'nach'ok rik'in, k'ajo'eb' chi yaab'ak. Tikto ke'xq'ich li raq'eb' ut ke'xk'e li pojtz' sa' xjolomeb' cho'q reetalil li xrahil xch'ooleb'.

Nehemías 1:11

Nintz'aama chawu, at Qaawa', chawab'i taxaq lintz'aamahom ut li xtijeb' laj k'anjel chawu li neke'raj xnimankil laak'ab'a'. Chak'e taxaq naq us tin'elq ut usilal toxintaw rik'in li awab'ej”. Sa'eb' li kutan a'an laa'in aj k'ehol ruk'a' li awab'ej naq kinwank.

Génesis 43:30

Tikto ki'elk laj José xb'aan naq yaab'ak traj sa' xk'ab'a' xsahil xch'ool chi rilb'al li riitz'in; ut naq ki'ok sa' li xwarib'aal, kiyaab'ak aran.

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

Génesis 43:34

Laj José kixtaqla xjek'inkil cho'q reheb' li tzekemq wank sa' meex, ab'an li kitz'aqk laj Benjamín a'an oob' wa chik xk'ihal chiru xtzekemqeb' li ras. Ke'uk'ak chi us ut k'ajo' naq ke'saho'k sa' xch'ool chixjunileb' rochb'een a'an.

Génesis 29:11

Chirix chik a'an kixtz'ub' ru lix Rakel ut ki'ok chi yaab'ak.

Génesis 29:13

Naq laj Labán kirab'i resil xwulajik laj Jakob, xyum li ranab', koho sa' aanil chi xk'ulb'al, kixq'alu, kixtz'ub' ru ut kixk'am sa' rochoch. Toja' naq laj Jakob kixseeraq'i re laj Labán chixjunil li xk'ulmank

Génesis 32:11

Chinaakol taxaq sa' ruq' li was, sa' ruq' laj Esaú, xb'aan naq ninxiwa ru: mare anchal taachalq ut tinxsach wochb'eeneb' li ixq ut eb' li kok'al.

2 Samuel 14:33

Toja' naq laj Johab koho rik'in li awab'ej ut kixye re li k'aru kiyehe'k xb'aan laj Absalón. Li awab'ej kixtaqla xb'oqb'al laj Absalón, ut a'in koho rik'in ut kixb'uchub' rib' chiru. Chirix chik a'an li awab'ej kirutz' ru laj Absalón.

1 Samuel 20:41

Naq ak xkoho li al, ki'elk chaq laj David chi xk'atq li jun tuub' chi pek, kixhupub' rib' chiru ch'och' ut ox sut kixk'utzub' rib'. Chirix a'an ke'xq'alu rib' xkab'ichaleb' laj David ut laj Jonatán, ut k'ajo' naq ke'yaab'ak.