Génesis 32:13 - Q'eqchi Bible

¹³ Laj Jakob kixnumsi li q'oqyink aran. Moqon chik, sa' xyanq li jo'ch'inal jo'nimal wank chiru, kixchap jun maatan li tixk'e re laj Esaú li ras:

Li Santil hu

¹³ Laj Jacob quixnumsi li kꞌojyi̱n aran. Ut saꞌ xya̱nkeb li cꞌaꞌru cuan re, quixsicꞌ ru li ma̱tan li tixqꞌue re laj Esaú.

Génesis 32:13 ပူးပေါင်းရင်းမြစ်များ

Génesis 43:11

Toja' naq laj Israel, li xyuwa'eb', kixye reheb': “Wi maak'a' xja'lenkil, b'aanuhomaq. K'amomaq sa' leechakach li q'axal chaab'il na'elk sa' li qatenamit ut k'amomaq xsimaatan li winq a'an: b'ayaq xq'ol sununkil che', b'ayaq xya'al kab', miir ut sununkil b'an ut b'ayaq ki'il q'een.

Proverbios 18:16

Li sihink naxte chixjunileb' li b'e ut nokooxk'am toj wankeb' wi' li ninqeb' xwankil.

Proverbios 21:14

Li sihink sa' muqmu naxkotz li josq'il wi nak'eemank sa' xq'ehil.

Proverbios 19:6

Naab'aleb' neke'sik'ok re li b'ihom; chixjunileb' neke'raj wank cho'q ramiiw li nasihink.

Proverbios 17:8

Li natuminank u, sa' xch'ool a'an naq us na'elk sa' chixjunil li naxb'aanu.

Génesis 43:26

Naq ki'ok laj José sa' kab'l, ke'xk'ut li xmaatan li ke'xk'am chaq ut ke'xk'utzub' rib' toj chiru ch'och'.

1 Samuel 25:27

Chak'ul laamaatan li xink'am chaq ut chajek'i reheb' li saaj winq li neke'ochb'eenink aawe.

1 Samuel 25:8

Patz' reheb' laamoos ut eb' a'an te'xch'olob' chawu. Jo'kan naq nintz'aama usilal chawu naq taak'uleb' sa' usilal eb' lintaql a'in xb'aan naq sa' xkutankil li sahil ch'oolej xoochalk. Taak'e reheb' jo'wi' we laa'in, laj k'anjel chawu, jo'ch'inal truuq taak'e»”.

Génesis 42:6

Li nataqlank sa' chixjunil Ejiipt a'an laj José, ut a'an ajwi' li nak'ayink li triiw re chixjunil li ruuchich'och'. Naq ke'wulak eb' li ras laj José, ke'xwiq'ib' rib' chiru.

Génesis 33:10

Kichaq'ok laj Jakob: “Maamin b'i'an. Wi xintaw usilal chawu, k'ul li maatan ninyeechi'i aawe, xb'aan naq xinaak'ul sa' usilal: chanchan xwil ru li Yos naq xatwil.

Génesis 18:2

Kixtaqsi li rilob'aal ut k'utaamileb' oxib' chi winq xaqxookeb' chi xk'atq. Naq kirileb', ki'elk chaq chire li xmuheb'aal chi xk'ulb'aleb', kixhupub' rib'

Génesis 32:14

lajeek'aal (200) chi ixqi chib'aat ut junmay chi teelom chib'aat, lajeek'aal chi ixqi karneer ut junmay chi teelom karneer.

Génesis 33:8

Toja' naq kixpatz' laj Esaú: “K'a' aj e li k'iila ketomq a'in li xink'uleb' sa' b'e?”. Kichaq'ok laj Jakob: “Re tintaw usilal chiru linqaawa'”, chan re.

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Génesis 15:5

Ut kirisi laj Abrán chirix kab'l ut kixye re: “Il li choxa ut ajla li chahim, wi tatruuq rajlankileb'. Jo'kanaq xk'ihal eb' laawalal aak'ajol”.

Génesis 22:17

Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Nehemías 4:13

laa'in keb'intaqla li tenamit chi k'aak'alenk sa'atqeb' li julux aj na'ajej, chirix li suttz'ak ut b'arwi' teeto li tz'ak; kinjek'iheb' chi junqkab'alil, li junjunq wank xch'iich', xjutz' che' ut xsimajeb'.