Génesis 32:11 - Q'eqchi Bible

¹¹ Chinaakol taxaq sa' ruq' li was, sa' ruq' laj Esaú, xb'aan naq ninxiwa ru: mare anchal taachalq ut tinxsach wochb'eeneb' li ixq ut eb' li kok'al.

Li Santil hu

¹¹ Ba̱nu usilal cue, china̱col saꞌ rukꞌ laj Esaú li cuas. La̱in ninxucuac xban li cuas. Naru tinixcamsi ut naru tixcamsiheb li cuixakil joꞌ eb ajcuiꞌ lin cocꞌal.

Génesis 32:11 ပူးပေါင်းရင်းမြစ်များ

Proverbios 18:19

Moko ch'a'aj ta xjuk'b'al junaq suttz'ak chiru xk'ojob'ankil xch'ool junaq amiiw li xhob'e'k ut ra xk'ul. Li wech'ij ib' naxram li aatin kama' wi' xnat'b'al rix li okeb'aal.

San Mateo 6:13

Ut moohaakanab' chi t'ane'k sa' li aaleek, choohaakol b'an chiru li maa'us».

Oseas 10:14

Jo'kan naq taawanq li mululij ib' sa' leetenamit ut te'juk'e'q chixjunileb' leekawub'resinb'il ochoch. Teek'ul li kik'ulmank aran Bet-Arbel naq laj Salmán kixsach li tenamit a'an sa' xkutankil li yalok, naq eb' li na'b'ej ke'pik'aje'k chiru ch'och' rochb'eeneb' li xkok'aleb'.

Daniel 3:17

Wi li Yos li naqaloq'oni ru naraj qakolb'al chiru li xam li k'ajo' xtiqwal ut sa' laawuq' laa'at, at awab'ej, tooxkol.

Salmos 142:6

At inYos, aawik'in nintz'aama intenq'ankil ut ninye naq laa'at linsaqoonak; laa'at linmaatan sa' li ruuchich'och' a'in.

Salmos 119:134

Chinaakol taxaq sa' ruq'eb' li neke'rahob'tesink, ut laa'in tink'e inch'ool chi xb'aanunkil laawajom.

Salmos 31:2

At Qaawa', aawik'in ninmuhenk, maajaruj taxaq taasachb'esiiq inch'ool chawix! Chinaakol taxaq sa' xk'ab'a' laatiikilal,

Salmos 25:20

Chak'aak'ale linyu'am ut chinaakol; minkanaak sa' xutaan naq ninmuhenk aawik'in.

Salmos 16:1

B'ich rik'in uutz'u'ujil aatin tz'iib'anb'il xb'aan laj David. Chinaak'aak'ale, at inYos, ninmuhenk aawik'in.

1 Samuel 24:15

A' taxaq li Qaawa' chiraqoq aatin sa' qayanq. A'an chi'iloq ut chitenq'anq we rik'in inkolb'al sa' laawuq'”.

1 Samuel 12:10

Toja' naq ke'tijok chiru li Qaawa' ut ke'xye: «Xoomaakob'k xb'aan naq xqatz'eqtaana li Qaawa' ut xqaloq'oniheb' laj Bahal ut eb' lix Astarté. Choohaakol taxaq, at Qaawa', chiruheb' li xik' neke'ilok qe, ut took'anjelaq chawu», chankeb'.

Génesis 27:41

Chalen sa' li kutan a'an laj Esaú ki'ok chi xxik'b'al rilb'al laj Jakob xb'aan li osob'tesiik xk'ulum rik'in li xyuwa'. Ut kixye sa' xch'ool: “Taanach'oq chaq li xkamik linyuwa'. Toja' naq tinkamsi laj Jakob li wiitz'in”, chan sa' xch'ool.

Deuteronomio 22:6

“Naq taataw sa' b'e junaq xsukeb' li tz'ik, mare sa' ru'uj jun toon chi che' malaj ut sa' ch'och', wi wanq li ral chisa' malaj ut mol, ut li na'b'ej hupuuq sa' xb'eeneb' li ral malaj sa' xb'eeneb' li xmol, ink'a' naru taaxok li na'b'ej rochb'eeneb' li ral.

Génesis 27:42

Naq lix Rebeka kirab'i resil li k'aru yo chi xyeeb'al laj Esaú li asb'ej, kixtaqla xb'oqb'al laj Jakob li iitz'inb'ej ut kixye re: “K'e reetal naq laj Esaú laawas traj xk'eeb'al reeqaj li kixk'ul, ut traj aakamsinkil.

Génesis 32:3

Laj Jakob kixtaqlaheb' xtaql chi uub'ej rik'in laj Esaú li ras, sa' li na'ajej Seír, sa' xteepal Edom,

Génesis 32:7

K'ajo' naq kixiwak laj Jakob ut ki'ok xk'a'uxl! Kixjek'iheb' li rochb'een jo' ajwi' eb' li xkarneer, li xwakax ut eb' li xkameey, ut kixk'eheb' sa' wiib' na'ajej:

Génesis 33:4

Ab'an laj Esaú ki'aanilak chi xk'ulb'al, kixq'alu chi xkux, kixtz'ub' ru ut kiyaab'ak.

Génesis 24:27

Kixye: “Usilaatinanb'il taxaq li Qaawa', li xYos laj Abrahán laj eechal we, xb'aan naq chaab'il xch'ool ut junelik narusila laj eechal we. A'an xk'amok chaq we chi hilank sa' rochocheb' li rech'alal laj eechal we”.

2 Samuel 7:18

Toja' naq li awab'ej David ki'ok sa' xMuheb'aal li Qaawa', koxk'ojlaaq aran ut kixye: “At Qaawa', anihin laa'in ut k'aru linjunkab'al naq xasi we chixjunil a'in?