Génesis 31:7 - Q'eqchi Bible

⁷ ut a'an xinxb'alaq'i ut lajeeb' sut xjalaxi lintojb'al. Ab'an linYos xinxtenq'a, ut leeyuwa' ink'a' xru xb'aanunkil li ink'a' us we.

Li Santil hu

⁷ Ut aꞌan xinixbalakꞌi ut yalak jokꞌe naxjal lin tojbal. Abanan li Ka̱cuaꞌ Dios yo̱ chintenkꞌanquil chi junelic. Joꞌcan nak laj Labán incꞌaꞌ naru xba̱nunquil li incꞌaꞌ us cue.

Génesis 31:7 ပူးပေါင်းရင်းမြစ်များ

Génesis 31:41

Jo'ka'in naq xinwank chiru junmay chihab' sa' laawochoch: kaalaju chihab' xink'anjelak chirixeb' laawiib' chi rab'in ut waqib' chihab' chirixeb' laaketomq. Lajeeb' sut xajalaxi lintojb'al!

Génesis 31:29

Wank inwankil re xb'aanunkil aawe li ink'a' us, ab'an li xYos laayuwa' xye we ewer chi q'eq: «K'e reetal, mat-aatinak sa' josq'il rik'in laj Jakob».

Zacarías 8:23

“Jo'ka'in naxye li Nimajwal Yos: Chiruheb' li kutan a'an lajeeb' chi winq li jalan jalanq raatinob'aal ut xtenamiteb', te'xchap chi raq' junaq aj Judá ut te'xye re: «Naqaj xik cherix, xb'aan naq xqab'i resil naq li Yos wank eerik'in», cha'qeb'”.

Salmos 37:28

xb'aan naq li Qaawa' naxra li tiikil ch'oolej, ut ink'a' naxkanab' xjuneseb' li neke'paab'ank re. Li ink'a' useb' xna'leb' te'sache'q chi junajwa; li ralal xk'ajoleb' laj maak te'isiiq chi junwaakaj.

Nehemías 4:12

Ab'an naq eb' laj Judiiy li wankeb' sa' xyanqeb' ke'chalk k'iila sut chi xyeeb'al naq eb' a'an chalkeb' re yalaq b'ar chi yalok qik'in,

Números 14:22

tinye aawe naq maajun reheb' li xe'ilok linloq'al ut eb' li xninqal eetalil kinb'aanu aran Ejiipt ut sa' li chaqich'och', a'eb' li xe'yalok wix chiru lajeeb' wa ut ink'a' xe'raj rab'inkil xyaab' linkux,

Isaías 54:17

Ab'anan maajun xyiib'ank re li ch'iich' li taasachoq aawe. Mem taakanab'eb' li te'jitoq aawe sa' raqleb'aal aatin. A'an a'in li xmaataneb' laj k'anjel chiru li Qaawa', a'an a'in li q'axok u tink'e reheb'”, chan li Qaawa' Yos.

Isaías 4:1

Sa' li kutan a'an wuqub' chi ixq te'xchap jun chi winq ut te'xye re: “Laa'o tqach'oolani qib' qajunes ut tqatiqib' qib' jo' chanru tooruuq; ka'ajwi' naqaj naq tatsumlaaq qik'in ut taamoy li qaxutaan”, cha'qeb'.

Li xHu LAJ JOB 19:3

Ak lajeeb' sut xineehob'. Ma ink'a' nekexxutaanak chintz'eqtaanankil chi jo'kan?

Li xHu LAJ JOB 1:10

Ma maawa' tab'i' xb'aan naq laa'at nakatk'aak'alenk re, li xjunkab'al jo'wi' chixjunil li k'aru wank re? Xawosob'tesi li xk'anjel, ut eb' li xketomq neke'xnujob'resi li ruuchich'och'.

Levítico 26:26

“Naq tinmaq' cheru chixjunil leetzekemq, lajeeb' chi ixq te'chiqoq leewa sa' jun chi chiqleb'aal, ut b'isb'il chik li wa li teewa': texwa'aq, ab'anan ink'a' taak'ojlaaq leech'ool.

Génesis 20:6

Kichaq'ok li Yos ut kixye re sa' xmatk': “Ak ninnaw chi us naq rik'in xchaab'ilal laach'ool xab'aanu a'an; laa'in ajwi' xatinram re naq ink'a' tatmaakob'q chiwu. Jo'kan naq ink'a' xatink'e chi wank rik'in.

Li xHu LAJ JOB 19:8

Li Qaawa' xram linb'e ut ink'a' ninru chi nume'k, x'aak'ab'ob'resi ru chixjunil linb'e.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Génesis 29:25

Naq kisaqewk, laj Jakob kixk'e reetal naq a'an lix Liiy! Ut kixye re laj Labán: “K'aru xab'aanu we? Ma ink'a' tab'i' xink'anjelak chawu sa' xk'ab'a' lix Rakel? K'a'ut naq xinaab'alaq'i?”, chan.

Génesis 30:28

Kixye ajwi': “Xaqab' laatojb'al ut laa'in tink'e aawe”.

Génesis 31:24

Ab'anan chiru li q'oqyink a'an li Yos kixk'utb'esi rib' chiru laj Labán sa' xmatk' ut kixye re: “K'e reetal, mat-aatinak sa' josq'il rik'in laj Jakob”.

Daniel 1:20

Chirix chixjunil li chaab'il na'leb' malaj seeb'al k'a'uxej li naraj xnawb'al li awab'ej, eb' li kaahib' chi saaj winq a'an q'axal chik ke'tawe'k naq wankeb' xna'leb' chiruheb' chixjunil: lajeeb' wa chik neke'xq'ax ruheb' laj q'e ut eb' li neke'nawalink sa' chixjunil li x'awab'ejilal laj Nabukodonosor.