Génesis 31:53 - Q'eqchi Bible

⁵³ Li xYos laj Abrahán ut li xYos laj Najor chiraqoq taxaq aatin sa' qab'een”. Toja' naq laj Jakob kixye xjurament sa' xk'ab'a' li Yos naloq'oniik xb'aan laj Isahak li xyuwa'.

Li Santil hu

⁵³ Li Dios li quixlokꞌoni laj Abraham la̱ xeꞌto̱nil yucuaꞌ joꞌ ajcuiꞌ laj Nacor lin xeꞌto̱nil yucuaꞌ aꞌan ta̱rakok a̱tin saꞌ kabe̱n cui incꞌaꞌ takaba̱nu li cꞌaꞌru xkaye, chan laj Labán. Ut laj Jacob quixye re laj Labán: —La̱in tinye a̱cue chiru li Ka̱cuaꞌ Dios, li quixlokꞌoni laj Isaac lin yucuaꞌ, nak ac xcꞌul inchꞌo̱l li contrato li xkaba̱nu chi kibil kib, chan.

Génesis 31:53 ပူးပေါင်းရင်းမြစ်များ

Génesis 31:42

Wi ta li xYos laj Abrahán ut li xYos laj Isahak linyuwa' ink'a' xinxtenq'a, relik chi yaal naq xinaataqla raj chaq anaqwan chi maak'a' wank we. Ab'anan li Yos xril xtoq'ob'aal wu ut lintawajik, ut ewer chi q'eq xatxq'us”, chan laj Jakob.

Génesis 16:5

Toja' naq lix Saray kixye re laj Abrán: “Aamaak laa'at naq yookin chi xk'ulb'al li rahilal a'in. Laa'in xinq'axtesi aawe lix Agar; ab'an, naq a'an xk'e reetal naq wank chik sa' yu'am, maak'a' chik nin'ok wi' re. Li Qaawa' chiraqoq aatin sa' qab'een chi qakab'ichal”.

Josué 24:2

kixye reheb' chixjunil li tenamit: “A'in xyehom li Qaawa' xYos laj Israel: Chire li nima' Éwfrates ke'wank chaq junxil eb' leexe'toonil yuwa', laj Téraj, jo'wi' laj Abrahán ut laj Najor li ralaleb', ut ke'xloq'oni ru eb' li jalanil yos.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Deuteronomio 6:13

A' li Qaawa' laaYos taaxiwa ru, ut chiru A'an tatk'anjelaq. Ka'ajwi' sa' xk'ab'a' A'an taaye jurament.

Génesis 28:13

Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

Génesis 14:22

Ab'anan laj Abrán kixye re li awab'ej re Sodoom: “Xinye li waatin chiru Nimajwal Yos, aj yoob'tesinel re li choxach'och',

Génesis 11:31

Laj Téraj kixk'ameb' laj Abrán, li ralal, laj Lot, li ri, ralal laj Harán, ut lix Saray, li ralib', rixaqil laj Abrán, ut rochb'eeneb' naq ki'elk sa' li tenamit Ur, sa' xteepal Kaldeha, re taaxik Kanahán. Ut naq ke'wulak Harán, ke'kanaak aran.

Génesis 31:52

A'an reetalil naq laa'in ink'a' naru tinq'axonq wankat wi', chi moko laa'at truuq tatnume'q arin re xb'aanunkil junaq na'leb' ink'a' us.

Génesis 47:31

Kixye laj Israel: “Ye rik'in jurament”. Laj José kixye li xjurament. Toja' naq laj Israel kixxulub' li xjolom sa' xb'een xjolomil li xch'aat.

Éxodo 5:21

ut ke'xye reheb': “Li Qaawa' taxaq chik'ehoq reetal li k'aru xeb'aanu ut chiraqoq aatin sa' eeb'een. Eemaak laa'ex naq laj Parahón ut eb' laj k'anjel chiru yookeb' xjosq'il sa' qab'een. Tz'aqal laa'ex xexk'ehok jun ch'iich' sa' ruq'eb' re naq toohe'xkamsi”.

Jueces 11:27

Laa'in ink'a' xinmaakob'k chawu. Ab'anan laa'at ink'a' us yookat naq xatchalk chi yalok wik'in. Li Qaawa', laj Raqol aatin, chiraqoq aatin sa' xyanqeb' laj Israel ut eb' laj Amón”, chan laj Jefté.

1 Samuel 20:23

Ut chirix li aatin xqaye chiqib'il qib', li Qaawa' a'an testiiw sa' qayanq chi junelik”.

1 Samuel 24:12

A' taxaq li Qaawa' chiraqoq aatin sa' qayanq ut chi'eeqajunq aawe inb'aan; ab'an laa'in maajaruj tintaqsi wuq' sa' aab'een.