Génesis 31:12 - Q'eqchi Bible

¹² Ut a'an xye we: «Taqsi laawilob'aal ut k'e reetal naq chixjunileb' li teelom karneer li neke'b'atz'unk junes raqax, ch'ulak ut tzipix rixeb'. Xb'aan naq xwil chixjunil li xb'aanu aawe laj Labán.

Li Santil hu

¹² Ut li ángel quixye cue, “Ilon aran. Ta̱cuil nak eb li te̱lom carner li balacꞌ rixeb ut li repex rixeb, junes eb aꞌan li yo̱queb chi batzꞌu̱nc riqꞌuineb li ixki carner. La̱in li Ka̱cuaꞌ Dios. Xinba̱nu chi joꞌcaꞌin xban nak xcuil chixjunil li cꞌaꞌru yo̱ chixba̱nunquil laj Labán a̱cue.

Génesis 31:12 ပူးပေါင်းရင်းမြစ်များ

Éxodo 3:7

Ab'an li Qaawa' kixye: “Ak xwil chi us li xnimal xrahilal lintenamit aran Ejiipt; xwab'i li xkawil yaab'eb': k'ajo' naq neke'yaab'ak xmaakeb' laj rahob'tesinel reheb'. Ak ninnaw li xrahilaleb'.

Deuteronomio 24:15

Sa' ajwi' li kutan a'an taatoj li xkutan; mimuqunk li saq'e chi toj wanq aak'as, xb'aan naq a'an neb'a' ut naraj ru li xtojb'al re xnumsinkil li kutan. Chi jo'kan ink'a' tatxjit chiru li Qaawa' ut ink'a' ajwi' taawiiqa junaq maak.

Génesis 31:42

Wi ta li xYos laj Abrahán ut li xYos laj Isahak linyuwa' ink'a' xinxtenq'a, relik chi yaal naq xinaataqla raj chaq anaqwan chi maak'a' wank we. Ab'anan li Yos xril xtoq'ob'aal wu ut lintawajik, ut ewer chi q'eq xatxq'us”, chan laj Jakob.

Efesios 6:9

Ex aj eechal k'anjel, jo'kan ajwi' cheb'aanu reheb' leemoos, ut kanab'omaq xxib'enkileb'. Wanq sa' eech'ool naq laa'ex jo' ajwi' eb' a'an wankex rub'el xwankil li Qaawa' li wank sa' choxa, ut A'an juntaq'eet narileb' chixjunil.

Hechos 7:34

Xwil chi us chanru naq narahob'tesiik lintenamit li wank Ejiipt; xwab'iheb' chi yaab'ak ut xinkub'e chaq chi xkolb'aleb'. Jo'kan utan kim xb'aan naq tatintaqla Ejiipt».

Eclesiastés 5:8

Wi sa' junaq tenamit taawil naq rahob'tesinb'ileb' li neb'a' ut ink'a' naraqmank aatin sa' tiikilal, misachk aach'ool xb'aan a'an. A'in nak'ulmank xb'aan naq li ani wank sa' xwankil, a'an taqlanb'il xb'aan li nim xwankil chiru; ut li nim xwankil, a'an taqlanb'il ajwi' xb'aan jalan chik q'axal nim wi' chik xwankil.

Salmos 139:3

Ch'olch'o chawu b'ar ninb'eek ut jo'q'e ninsotlaak; nakak'e reetal jo'ch'inal jo'nimal li ninb'aanu.

Salmos 12:5

eb' li neke'yehok re: “Li ru'uj qaq' a'an qakawilal; li xtz'uumal qe nokooxtenq'a, ani tawi' taataqlanq sa' qab'een?”.

Levítico 19:13

“Maarahob'tesi laawas aawiitz'in chi moko chamaq' li k'aru wank re. “Chatoj laj k'anjel chawu tz'aqal sa' xq'ehil, ut maakanab' toj re wulaj.

Éxodo 3:9

Ab'i, li xkawil yaab'eb' laj Israel xwulak toj wik'in, ut xwil ajwi' naq k'ajo' rahob'tesinb'ileb' xb'aaneb' laj Ejiipt li neke'numtaak sa' xb'eeneb'.

Génesis 31:10

“Sa' jun kutan, sa' xq'ehil naq neke'b'atz'unk li ketomq, xintaqsi li wilob'aal ut sa' linmatk' xwil naq chixjunileb' li teelom neke'b'atz'unk rik'ineb' li ixqi karneer junes raqax, tzipix ut ch'ulakeb' li rixeb'.

Salmos 10:14

Laa'at aawilom chik li xmaa'usilal ut li xq'etq'etil; nakawil re xk'eeb'al sa' tojb'amaak. Li q'axal xtoq'ob'aal ru naxq'axtesi rib' rub'el laawoq rub'el laawuq', laa'at nakattenq'ank re li neb'a'yox.