Génesis 31:10 - Q'eqchi Bible

¹⁰ “Sa' jun kutan, sa' xq'ehil naq neke'b'atz'unk li ketomq, xintaqsi li wilob'aal ut sa' linmatk' xwil naq chixjunileb' li teelom neke'b'atz'unk rik'ineb' li ixqi karneer junes raqax, tzipix ut ch'ulakeb' li rixeb'.

Li Santil hu

¹⁰ Ut laj Jacob quixye cuiꞌchic reheb: —Saꞌ jun li cutan nak yo̱ ruheb li carner la̱in quinmatqꞌuec ut quicuil nak li te̱lom carner li balacꞌ rixeb ut li repex rixeb, junes eb aꞌan li yo̱queb chi batzꞌu̱nc riqꞌuineb li ixki carner.

Génesis 31:10 ပူးပေါင်းရင်းမြစ်များ

1 Reyes 3:5

Ut aran Gabahón li Qaawa' kixk'ut rib' chiru laj Salomón sa' xmatk' chiru q'oqyink, ut kixye re: “Tz'aama chiwu li k'aru taawaj ut laa'in tink'e aawe”.

Deuteronomio 13:1

“Mare sa' eeyanq taawakliiq junaq propeet malaj junaq aj matk' ut tixye resil naq xril jun nimla eetalil malaj sachb'ach'oolej.

Números 12:6

“Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.

Génesis 31:24

Ab'anan chiru li q'oqyink a'an li Yos kixk'utb'esi rib' chiru laj Labán sa' xmatk' ut kixye re: “K'e reetal, mat-aatinak sa' josq'il rik'in laj Jakob”.

Génesis 30:39

Naraj naxye neke'b'atz'unk sa' xka'yab'aal li kok' raxche', ut chi jo'kan eb' li raleb' junes raqax, tzipix malaj ch'ulak li rixeb' naq neke'yo'laak.

Génesis 28:12

Ut kimatk'ek. Kiril sa' xmatk' jun taqleb'aal xaqxo sa' ch'och': li xmaril nawulak toj sa' choxa ut eb' li x'ánjel li Qaawa' neke'taqe'k neke'kub'eek chiru a'an.

Génesis 20:6

Kichaq'ok li Yos ut kixye re sa' xmatk': “Ak ninnaw chi us naq rik'in xchaab'ilal laach'ool xab'aanu a'an; laa'in ajwi' xatinram re naq ink'a' tatmaakob'q chiwu. Jo'kan naq ink'a' xatink'e chi wank rik'in.

Génesis 31:9

Jo'ka'in naq li Yos xmaq' li xketomq leeyuwa' ut xk'e we laa'in.

Génesis 31:11

Toja' naq xwab'i xyaab' xkux li x'ánjel li Yos sa' linmatk': «At Jakob!», chan we. Xinchaq'ok: «We'kin».

Génesis 31:12

Ut a'an xye we: «Taqsi laawilob'aal ut k'e reetal naq chixjunileb' li teelom karneer li neke'b'atz'unk junes raqax, ch'ulak ut tzipix rixeb'. Xb'aan naq xwil chixjunil li xb'aanu aawe laj Labán.

Génesis 37:5

Sa' jun q'oqyink laj José kimatk'ek ut kixseeraq'i a'an reheb' li ras, ut q'axal chik ke'ok chi xxik'b'al rilb'al.