Génesis 3:20 - Q'eqchi Bible

²⁰ Li winq kixk'e x'Eva cho'q xk'ab'a' li rixaqil, xb'aan naq a'an li xna' chixjunileb' li yo'yookeb'.

Li Santil hu

²⁰ Ut laj Adán quixqꞌue xEva chokꞌ xcꞌabaꞌ li rixakil xban nak aꞌan xbe̱n xnaꞌeb chixjunil li toj teꞌyoꞌla̱k.

Génesis 3:20 ပူးပေါင်းရင်းမြစ်များ

San Mateo 1:23

“K'ehomaq reetal, li tuq'ixq taawanq sa' yu'am, taarala jun li k'uula'al, ut Emmanuel te'xk'e cho'q xk'ab'a'” (chi jalb'il ru naraj naxye: “Li Yos qik'in”).

Génesis 2:23

Toja' naq a'in kixye: “Anaqwan tz'aqal xb'aqel linb'aqel ut xtib'el lintib'el! A'in «ixq» tixk'ab'a'in xb'aan naq isinb'il rik'in li winq”.

Génesis 5:29

aj Noé kixk'e cho'q xk'ab'a', xb'aan naq kixye: “Li Qaawa' kixtz'eqtaana li ch'och'. Ab'an li k'uula'al a'in tixk'ojob' qach'ool chirix li kawil k'anjel naqab'aanu”, chan laj Lámek.

Génesis 2:20

Li winq kixk'e xk'ab'a'eb' chixjunileb' li ketomq, jo' ajwi' eb' li xul li neke'rupupik chiru choxa ut chixjunileb' li wankeb' sa' pim; ab'anan ink'a' kixtaw aj tenq' re jo' xk'ulub' raj.

Hechos 17:26

“Rik'in jun chi winq kixyoob'tesi chixjunileb' li tenamit re naq te'wanq junsut junrub'el choxa. Kixxaqab' li saq'ehil ut li hab'alq'e, jo'wi' li xnub'ajlil li xna'ajeb' li tenamit b'arwi' te'hilanq,

San Mateo 1:21

Taawanq jun xk'uula'al ut Jesus taak'e cho'q xk'ab'a', xb'aan naq tixkol li xtenamit chiru li xmaakeb'”.

1 Samuel 1:20

Kikanaak chi yaj aj ixq ut naq kiwulak xq'ehil, kiwank jun xk'uula'al, aj Samuel kixk'e cho'q xk'ab'a', xb'aan naq kixye: “Laa'in xinpatz' re li Qaawa'”.

Éxodo 2:10

Ut naq ak nim chik li k'uula'al, kik'ame'k rik'in li xrab'in laj Parahón, li kixk'ul jo' tz'aqal xyum, ut aj Moisés kixk'e cho'q xk'ab'a', xb'aan naq kixye: “Sa' nima' xwisi chaq”.

Génesis 35:18

Ut sa' relik xch'ool, naq kamk re, lix Rakel kixk'e aj Ben-Oní cho'q xk'ab'a' li k'uula'al; ab'an li xyuwa' aj Benjamín kixk'e cho'q xk'ab'a'.

Génesis 16:11

K'e reetal, wankat sa' yu'am; taawanq jun aak'uula'al, ut a'an aj Ismael taak'e cho'q xk'ab'a', xb'aan naq li Yos xatrab'i sa' laarahilal.

2 Corintios 11:3

Ab'anan ninxiwa naq mare taapo'q leek'a'uxl: kama' naq lix Eva kib'alaq'iik xb'aan xlab'alil li k'anti', mare tex'isiiq ajwi' laa'ex rik'in li yaal ut santilal wankex wi' cho'q re li Kriist.

1 Timoteo 2:13

Xb'aan naq xb'enwa kiyoob'tesiik laj Adán ut moqon chik lix Eva.

Génesis 3:21

Li Qaawa' Yos kixyiib' raq'eb' li winq ut li rixaqil rik'in rix li xul, ut kixtiqib'eb'.