Génesis 3:17 - Q'eqchi Bible

¹⁷ Ut kixye re li winq: “Aamaak laa'at naq tz'eqtaananb'ilaq chik li ch'och' anaqwan, xb'aan naq xapaab' laawixaqil ut xalow ru li che' li xinye aawe naq ink'a' taatzeka: chi raasa chik naq taataw laatzekemq chiru chixjunil laayu'am.

Li Santil hu

¹⁷ Ut li Dios quixye re laj Adán: —Xban nak xapa̱b re la̱ cuixakil ut xalou ru li cheꞌ li xinye a̱cue nak incꞌaꞌ ta̱lou, a̱ma̱c la̱at nak tzꞌekta̱nanbilak chic li chꞌochꞌ chi junelic. Ra sa chic nak ta̱tau la̱ tzacae̱mk joꞌ najtil tatcua̱nk saꞌ ruchichꞌochꞌ.

Génesis 3:17 ပူးပေါင်းရင်းမြစ်များ

Génesis 5:29

aj Noé kixk'e cho'q xk'ab'a', xb'aan naq kixye: “Li Qaawa' kixtz'eqtaana li ch'och'. Ab'an li k'uula'al a'in tixk'ojob' qach'ool chirix li kawil k'anjel naqab'aanu”, chan laj Lámek.

San Juan 16:33

Xinye a'in eere re naq teetaw tuqtuukil usilal wik'in. Sa' li ruuchich'och' teek'ul li rahilal, ab'anan kawaq eech'ool! Laa'in xinq'ax ru xwankil li ruuchich'och'.

Salmos 127:2

Maak'a' rajb'al naq nekeseeb'a eerib' chi wakliik ut toj ewu nekexxik chi hilank, malaj neketawasi eerib' chi xsik'b'al leetzekemq: li Qaawa' naxk'eheb' xtzekemq li ramiiw us ta eb' a'an yookeb' chi wark!

Eclesiastés 5:17

ut xnumsi chixjunil li xyu'am chi ch'i'ch'i'il wank, jo'wi' sa' yajel, ch'a'ajkilal ut rahil ch'oolej?

Li xHu LAJ JOB 14:1

Kach'in roq li qayu'am ut jwal nujenaq chi rahilal.

Romanos 3:19

Us b'i', naqanaw naq chixjunil li naxye li Chaq'rab', a'an yeeb'il cho'q reheb' li wankeb' rub'el xwankil li Chaq'rab', re naq chixjunileb' te'memo'q, ut chixjunil li ruuchich'och' chireek'ahaq rib' naq wank xmaak chiru li Yos.

Li xHu LAJ JOB 21:17

Jar sut eb' li ink'a' useb' xna'leb' xe'kanaak sa' aak'ab'? Jo'q'e xe'wank jun sutaq sa' rahilal malaj xjosq'o'k ta li Qaawa' ut xrahob'tesiheb'?

San Lucas 19:22

“Toja' naq kixye li awab'ej: «Rik'in xsa' aawe tinraqoq aatin sa' aab'een, at maa'us aj k'anjel. Ak nakanaw naq josq' aj winqin: ninxokok b'arwi' ink'a' xinhirok ut ninq'olok b'arwi' ink'a' xin'awk.

San Mateo 25:45

Ut a'an tixsumeheb' ut tixye: «Relik chi yaal ninye eere naq jo'ch'inal jo'nimal ink'a' xeb'aanu re junaq reheb' a'in li q'axal kok'eb', chi moko we laa'in xeb'aanu chaq».

Eclesiastés 2:17

Jo'kan naq xik' chik nawil linyu'am, xb'aan naq ink'a' naxk'ul wu jo'nimal na'uxmank sa' ruuchich'och'. Chixjunil a'an, maak'a' rajb'al ut chanchan li chapok iq'.

Eclesiastés 2:11

Moqon xin'ok chi k'oxlak chirix link'anjel ut li tawasij ib' li xkoho inch'ool xb'aanunkil, ut xink'e reetal naq maak'a' rajb'al ut chanchan li chapok iq': maak'a' naqara chirix li k'anjelak arin sa' ruuchich'och'.

Génesis 3:11

Kixye li Yos: “Ani xk'ehok chanaw naq t'ust'uukat? Malaj xalow ru li che' li xinye aawe naq ink'a' taatzeka?”.

Génesis 3:6

Toja' naq li ixq kiril naq li che' atawaal xlowb'al li ru, ch'ina'us na'ilok ut q'axal chaab'il re tawok na'leb': kixch'oq b'i' jun ru li che', kixlow ut kixk'e re li xb'eelom; ut a'an ajwi' kixlow.

San Mateo 22:12

ut kixye re: «At wamiiw, chanru naq xat-ok chaq arin chi ink'a' tiqtookat chi chaab'il jo' re xninq'ehinkil li sumlaak?». A'ut a'an ink'a' kichaq'ok.

Hebreos 6:8

Ab'an li ch'och' na'elk wi' junes k'ix ut pajl, a'an maak'a' na'ok wi'; tz'eqtaananb'il, ut k'atk tox'oso'q wi'.

Génesis 3:18

K'ix ut pajl tixk'e aawe li ch'och', ut a' chik li pim taatzeka.

Génesis 8:21

Naq li Qaawa' kirutz' xsununkil xb'ook li mayej, kixye sa' xch'ool: “Maajun wa chik tintz'eqtaana li ch'och' xmaakeb' li winq: ak reheb' a'an naq aj maakeb' chalen chaq sa' xkach'inal. Ink'a' chik tinrahob'tesiheb' li wankeb' xyu'am jo' xinb'aanu anaqwan.