Génesis 28:7 - Q'eqchi Bible

⁷ ut laj Jakob koho aran Padán-Aram, jo' chanru yeeb'il re xb'aan li xna' xyuwa'.

Li Santil hu

⁷ Quixqꞌue retal nak laj Jacob quixpa̱b li ra̱tin lix naꞌ ut lix yucuaꞌ. Quiril nak laj Jacob co̱ saꞌ li tenamit Padan-aram.

Génesis 28:7 ပူးပေါင်းရင်းမြစ်များ

Colosenses 3:20

Ex alalb'ej, chex'ab'inq chiru leena' leeyuwa' rik'in chixjunil, xb'aan naq a'an li nawulak chiru li Qaawa'.

Efesios 6:3

re naq sa tatwanq ut taanajto'q roq laayu'am sa' ruuchich'och'”.

Efesios 6:1

Ex alalb'ej, chepaab' leena' leeyuwa' sa' xk'ab'a' li Qaawa' xb'aan naq a'an eek'ulub' xb'aanunkil.

Proverbios 30:17

Li naxtz'eqtaana li xyuwa' ut ink'a' naxpaab' li xna', taa'isiiq xsa'eb' li ru xb'aaneb' li so'sol ut taat'upiiq li xtib'el xb'aaneb' li t'iw.

Proverbios 1:8

At walal ink'ajol, ab'i laaq'usb'al xb'aan laayuwa' ut maatz'eq chirix laach'ool laatijb'al xb'aan laana',

Levítico 19:3

“Li junjunq chiroxloq'i li xna' xyuwa'. “Cheroxloq'i ajwi' linkutan sábado. Laa'in li Qaawa' leeYos.

Éxodo 20:12

“Chawoxloq'i laana' laayuwa' re naq najtaq roq laayu'am sa' li na'ajej tixk'e aawe li Qaawa' laaYos.

Génesis 27:43

Jo'kan b'i', a wa', paab' li tinye aawe: Xaqlin ut elelin toj Harán wan wi' laj Labán li wiitz'in.

Génesis 25:20

Ka'k'aal chihab' wank re laj Isahak naq kixk'am lix Rebeka cho'q rixaqil, a'an xrab'in laj Betuel aj Aram re Padán-Aram, ut ranab' laj Labán.

Génesis 28:6

Laj Esaú kiril naq laj Isahak kirosob'tesi laj Jakob ut kixtaqla Padán-Aram chi k'amok aran. Jo'kan ajwi' kixk'e reetal naq sa' li rosob'tesinkil kixchaq'rab'i chi jo'ka'in: “Maasik' aawixaqil sa' xyanqeb' li ixq aj Kanahán”,

Génesis 28:8

Jo'kan naq laj Esaú kixtaw ru naq eb' li ixq aj Kanahán ink'a' sa ilb'ileb' xb'aan laj Isahak li xyuwa'.