Génesis 28:21 - Q'eqchi Bible

²¹ wi tinsutq'iiq sa' rochoch linyuwa' chi kawaqin ut sahaq sa' inch'ool, relik chi yaal naq li Qaawa' a'anaq linYos.

Li Santil hu

²¹ Cui li Ka̱cuaꞌ Dios ta̱tenkꞌa̱nk cue re nak tincuulak cuiꞌchic saꞌ rochoch lin yucuaꞌ, ut cui takacꞌam cuiꞌchic kib saꞌ usilal riqꞌuin li cuas, la̱in tinlokꞌoni li Ka̱cuaꞌ Dios chi anchal inchꞌo̱l.

Génesis 28:21 ပူးပေါင်းရင်းမြစ်များ

Jueces 11:31

laa'in tinmayeja chawu li xb'een taa'elq chaq sa' li wochoch chink'ulb'al naq tinsutq'iiq chaq sa' tuqtuukilal. K'atb'il mayej naq tinq'axtesi aawe”, chan.

Deuteronomio 26:17

Anaqwan xach'olob' naq li Qaawa' a'an laaYos ut xayeechi'i xtaaqenkil li xb'e. Xaye naq taapaab' li xtaqlahom, li xchaq'rab', eb' li raatin jo' ajwi' taawab'i li xyaab' xkux.

2 Samuel 19:24

Laj Mefibahal ajwi', ri laj Saúl, kikub'e chaq chi xk'ulb'al li awab'ej. Chalen naq koho li awab'ej toj sa' li kutan naq kisutq'iik Jerusalén sa' tuqtuukilal, ink'a' kixch'ajeb' li roq, chi moko kixk'os li xmach ut kixpuch' li raq'.

2 Samuel 15:8

Naq toj wankin chaq Jesur re Aram, kinyeechi'i re li Qaawa': «Wi li Qaawa' tixk'e we sutq'iik Jerusalén, tinloq'oni ru li Qaawa' aran Hebrón»”.

Éxodo 15:2

Linkawilal ut linwankil a'an li Qaawa'; jo'kan naq tinb'ichanq. A'an laj Kolol we ut linYos: tento tinloq'oni. A'an li xYos linyuwa', ut laa'in tinnima ru.

2 Reyes 5:17

Toja' naq laj Nahamán kixye: “Laa'at ink'a' xak'ul laamaatan. B'aanu usilal, si kach'inaq inch'och', riiqeb' wiib'aq chi muul sa' lintenamit, xb'aan naq ink'a' chik tinmayejaq chi moko tink'at inmayej chiruheb' li jalanil yos. Ka'ajwi' chiru li Qaawa' tinloq'oninq.

2 Samuel 19:30

Ab'an laj Mefibahal kixye re li awab'ej: “Kanaaq cho'q re laj Sibá chixjunil li ch'och'. Tz'aqal cho'q we naq li awab'ej laj eechal we xsutq'iik chaq sa' rochoch sa' tuqtuukilal”.

1 Crónicas 4:10

Laj Yabés kitijok chiru li xYos laj Israel ut kixye: “At Qaawa', nintz'aama chawu naq chinaawosob'tesi ut taak'e junaq inch'och' numtajenaq nim. Chinaatenq'a taxaq ut chinaakol chiru li maa'usilal, re naq ink'a' tin'iloq rahilal”, chan. Ut li Yos kixk'e re li k'aru kixpatz'.