Génesis 28:20 - Q'eqchi Bible

²⁰ Aran laj Jakob kixyeechi'i a'in chiru li Qaawa': “Wi li Yos tinxb'eresi ut tinxkol chiru linb'eenik, wi tixk'e inwa ut li waq',

Li Santil hu

²⁰ Ut laj Jacob quixye: —Cui li Ka̱cuaꞌ Dios ta̱beresi̱nk cue ut ta̱ilok cue, ut cui aꞌan tixqꞌue cue lin tzacae̱mk joꞌ ajcuiꞌ li cuakꞌ, la̱in tinlokꞌoni aꞌan.

Génesis 28:20 ပူးပေါင်းရင်းမြစ်များ

1 Timoteo 6:8

Wi wank qatzekemq ut qab'aatal, k'ojk'ooq qach'ool rik'in a'an.

2 Samuel 15:8

Naq toj wankin chaq Jesur re Aram, kinyeechi'i re li Qaawa': «Wi li Qaawa' tixk'e we sutq'iik Jerusalén, tinloq'oni ru li Qaawa' aran Hebrón»”.

San Juan 1:16

Rik'in li xnimal xnujenaqil, xqak'ul qe chiqajunilo: q'axal numtajenaq li rusilal kihoye'k sa' qab'een!

Salmos 66:13

Tin'ok sa' laawochoch re mayejak, tinpaab' chixjunil linyeechi'om aawe,

Génesis 31:13

Laa'in li Yos li xink'utb'esi chaq wib' chawu Betel, b'arwi' xayul chi aseeyt li xaqab'anb'il pek naq xaye laawaatin rik'in jurament. Xaqlin anaqwan, elen sa' li na'ajej a'in ut sutq'in sa' li tenamit xatyo'laak wi'»”.

Hechos 18:18

Toj naab'al kutan chik kikanaak laj Pablo aran; toja' naq kixchaq'rab'iheb' laj paab'anel ut koho chiru ha' sa' xjayal Siria rochb'een lix Priscila ut laj Akila. Sa' li tenamit Senkreas koxk'e chi b'ese'k li rismal xb'aan naq wank xyeechi'om re li Qaawa' sa' jurament.

Salmos 132:2

Jultikaq aawe li xyehom sa' jurament, at xNimajwal Yos laj Jakob:

Salmos 119:106

Xinye rik'in jurament, ut a'an tinb'aanu: tinpaab', tink'anjela laachaab'il chaq'rab'.

Salmos 116:18

Chi anchal linch'ool tinb'aanu li xinyeechi'i re li Qaawa', chiruheb' chixjunil li xtenamit,

Salmos 116:14

Chi anchal linch'ool tinb'aanu li xinyeechi'i re linYos, chiruheb' chixjunil li xtenamit.

Salmos 76:11

Li xjosq'il li winq taasutq'iiq chi b'ich re xnimankil aawu, ut chixjunileb' li xe'kole'k chiru laajosq'il tate'xsut jo' jun koroon.

Salmos 61:8

Chi'awab'ejinq junelik rub'el laawosob'tesihom, chawil rik'in laarahom ut li xtiikilal aach'ool.

Salmos 61:5

Laa'in taxaq tinwanq junelik sa' laamuheb'aal, chinmuhenq junelik rub'el laakupuhom!

Salmos 56:12

k'ojk'o linch'ool rik'in li Yos ut ink'a' chik tinxiwaq. K'aru truuq xb'aanunkil we junaq yal winq?

Isaías 19:21

Nawnooq ru li Qaawa' Yos xb'aaneb' laj Ejiipt ut eb' a'an te'xnaw ru li Qaawa' sa' li kutan a'an. Te'xloq'oni ru ut te'mayejaq chiru; ut wi wank k'aru te'xyeechi'i re li Yos, te'xb'aanu ajwi'.

Salmos 22:25

Xb'aan naq ink'a' xtz'eqtaana li neb'a' chi moko xse'e li xtoq'ob'aal ru. Moko xmuq ta li rilob'aal chiru, xk'e b'an xch'ool chi rab'inkil naq a'an xyaab'a li xk'ab'a'.

1 Samuel 14:24

Q'axal ra wankeb' laj Israel sa' li kutan a'an, xb'aan naq laj Saúl kixb'aanu li jurament a'in: “Tz'eqtaananb'ilaq li ani taawa'aq hoon naq toj maji' na'ok li q'oqyink, wi toj maji' nink'eheb' li xik' neke'ilok we chi xtojb'aleb' li xmaakeb'”. Jo'kan naq maajun reheb' li tenamit kiwa'ak.

1 Samuel 1:28

Jo'kan naq anaqwan tinq'axtesi re li Qaawa' chiru chixjunil li xyu'am. Rehaq li Qaawa' jo' najtil yo'yooq”. Toja' naq laj Elí kixhupub' rib' ut kixloq'oni ru li Qaawa'.

1 Samuel 1:11

ut kixye re li Qaawa': “At Nimajwal Yos, chawil taxaq xtoq'ob'aal ru laamoos ut chinjultiko'q taxaq we! Wi taak'e junaq ink'uula'al teelom, laa'in tinq'axtesi aawe chiru chixjunil li xyu'am ut ink'a' taab'esmanq li rismal”, chan.

Génesis 28:15

K'e reetal, laa'in wankin aawik'in. Tatinkol yalaq b'ar tatxik, ut tatinsutq'isi chaq sa' li na'ajej a'in. Ink'a' tatinkanab' toj reetal tinb'aanu li xinyeechi'i aawe”.

Génesis 35:3

Yo'qeb' sa' junpaat sa' li na'ajej Betel, xb'aan naq aran toxinyiib' jun li artal cho'q re li Yos li kitenq'ank we sa' xq'ehil xrahilal linch'ool ut xinrochb'eeni sa' linb'eenik”.

1 Crónicas 4:10

Laj Yabés kitijok chiru li xYos laj Israel ut kixye: “At Qaawa', nintz'aama chawu naq chinaawosob'tesi ut taak'e junaq inch'och' numtajenaq nim. Chinaatenq'a taxaq ut chinaakol chiru li maa'usilal, re naq ink'a' tin'iloq rahilal”, chan. Ut li Yos kixk'e re li k'aru kixpatz'.