Génesis 28:15 - Q'eqchi Bible

¹⁵ K'e reetal, laa'in wankin aawik'in. Tatinkol yalaq b'ar tatxik, ut tatinsutq'isi chaq sa' li na'ajej a'in. Ink'a' tatinkanab' toj reetal tinb'aanu li xinyeechi'i aawe”.

Li Santil hu

¹⁵ La̱in junelic cua̱nkin a̱cuiqꞌuin. Yalak bar tatxic, la̱in tin-ilok a̱cue. Nak la̱at cua̱nkat chak saꞌ jalan chic naꞌajej, la̱in tatincꞌam cuiꞌchic chak saꞌ li chꞌochꞌ aꞌin. Incꞌaꞌ tatintzꞌekta̱na. Tinqꞌue a̱cue chixjunil li cꞌaꞌru xinyechiꞌi a̱cue, chan li Ka̱cuaꞌ Dios re laj Jacob.

Génesis 28:15 ပူးပေါင်းရင်းမြစ်များ

Josué 1:5

Maa'ani truuq taanumtaaq sa' aab'een chiru chixjunil laayu'am. Jo' naq kinwank rik'in laj Moisés, jo'kan ajwi' naq wanqin aawik'in: ink'a' tatinkanab' aajunes chi moko tatintz'eq chirix linch'ool.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Jeremías 1:19

Eb' a'an te'yaloq aawik'in, ab'an ink'a' te'ruuq xq'axb'al aawu xb'aan naq wanqin aawochb'een re aakolb'al”, chan li Qaawa'.

Deuteronomio 31:6

Kawaq eerib' ut chiwanq xkawub' eech'ool! Mexxiwak ut mexsiksotk chiruheb', xb'aan naq a' li Qaawa' laaYos nab'eresink eere ut ink'a' texxkanab' eejunes”, chan laj Moisés.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Génesis 31:3

Toja' naq li Qaawa' kixye re laj Jakob: “Sutq'in sa' rochoch laana' laayuwa', sa' laatenamit, ut laa'in wanqin aawik'in”.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

San Mateo 24:35

Li choxa ut li ruuchich'och' te'oso'q, a'ut li waatin ink'a' taanume'q.

San Mateo 18:20

Xb'aan naq b'ar wankeb' wiib' oxib' ch'utch'uukeb' sa' ink'ab'a', aran wankin sa' xyiheb'”.

Isaías 43:2

Wi tatnume'q sa' ha', tatwochb'eeni; wi taaq'ax junaq nima', ink'a' tatxk'am li roqha'; wi ut tatnume'q sa xam, ink'a' tatk'atq, chi moko taaletzq li raq' xam chawix.

1 Reyes 8:57

“Chiwanq taxaq qik'in li Qaawa' li qaYos, jo' naq kiwank chaq rik'ineb' li qana' qayuwa'. Ink'a' taxaq tooxkanab' chi moko tooxtz'eqtaana,

Salmos 46:7

Neke'xmululi rib' li tenamit, ut eb' li awab'ej neke'po' chirib'ileb' rib'; ab'an naq li Yos na'aatinak chi kaw, na'eek'ank li ruuchich'och'.

San Mateo 28:20

ut k'utumaq chiruheb' xpaab'ankil chixjunil li xexintaqla wi'. Chenawaq naq laa'in wanqin eerik'in chixjunil li kutan toj sa' roso'jik li ruuchich'och'.

1 Timoteo 4:8

Li tzolokb'atz'unk kach'in ajwi' xk'anjel; ab'an li xraab'al li Yos nak'anjelak cho'q re chixjunil xb'aan naq naxyeechi'i li yu'am anaqwan ut sa'eb' li kutan chalk re chiqu.

Números 23:19

Li Yos maawa' winq: ink'a' natik'ti'ik chi moko naxjal xk'a'uxl. Li k'aru naxye li Yos, naxb'aanu; na'aatinak, ut li raatin taatz'aqloq ru.

Génesis 48:21

Toja' naq laj Israel kixye re laj José: “Kamk we laa'in; ab'anan li Qaawa' wanq eerik'in ut texxsutq'isi sa' li xna'ajeb' leexe'toonil yuwa'.

Isaías 8:10

Us ta teek'uub' chi us li k'aru teeb'aanu, ab'anan maak'a' aj e. Us ta teeye li k'aru teeraj, moko taatz'aqloq ta ru. Xb'aan naq li Qaawa' wank qik'in.

Isaías 7:14

Jo'kan utan, a' ajwi' li Qaawa' tixk'ut cheru jun nimla eetalil. K'ehomaq reetal: li saaj ixq wank sa' yu'am; taawanq jun xk'uula'al teelom, ut Emmanuel tixk'e cho'q xk'ab'a'.

Jueces 6:16

Kixye li Qaawa' re: “Laa'in wanqin aawik'in ut laa'at taaq'axeb' ru laj Madián. Chanchanaqeb' jun chi winq naq taasacheb' ru”, chan.

San Judas 1:1

Laa'in laj Judas, xmoos li Jesukriist ut riitz'in laj Santiago, nintz'iib'ak rik'ineb' li b'oqb'ileb', raarookeb' xb'aan li Yos Yuwa'b'ej ut xokxookeb' cho'q re li Jesukriist.

Salmos 46:11

Ut xye: “Kanab'omaq yalok, chenawaq naq laa'in Yos, li nim inwankil sa' xb'eeneb' li tenamit, li nim inwankil junsut junrub'el choxa!”.

Génesis 39:21

Ab'an li Qaawa' kixtenq'a laj José ut kiruxtaana ru: kixk'e chi xtawb'al usilal chiru li xb'eenil aj k'aak'alenel tz'alam.

Génesis 39:2

Li Qaawa' kixtenq'a laj José, ut a'in us ki'elk rik'in chixjunil naq wank sa' rochoch laj eechal re aj Ejiipt.

Éxodo 3:12

Kichaq'ok li Yos ut kixye re: “Laa'in wanqin aawik'in ut a'inaq reetalil naq laa'in xintaqlank aawe: akaq xawisi chaq li tenamit aran Ejiipt, teeloq'oni wu sa' xb'een li tzuul a'in”.

Génesis 48:16

li ánjel li kikolok we chiru chixjunil li ink'a' us, chi'osob'tesinq taxaq reheb' li kok'al a'in. Che'xk'ab'a'in ta link'ab'a' ut li xk'ak'a'eb' linyuwa'ilq laj Abrahán ut laj Isahak: che'alanq ut che'k'ihanq sa' ruuchich'och'”.

Génesis 32:9

Chirix chik a'an laj Jakob kixye: “At xYos linyuwa' Abrahán ut xYos linyuwa' Isahak, at Qaawa' li xaye we: «Sutq'in sa' laana'aj, sa' laatenamit, ut laa'in chaab'ilaqin aawik'in»,

Génesis 46:4

Laa'in tinxik aawochb'een aran Ejiipt, ut laa'in ajwi' tinsutq'isinq chaq aawe arin. Laj José taatz'apoq re xsa' laawu”.

Génesis 21:20

Li Yos kixtenq'a li ch'ina'al: a'an kiwinqilo'k ut kiwank sa' li chaqich'och'; kixtzol chi us li kutuk rik'in simaj.

Génesis 31:5

ut kixye reheb': “Xink'e reetal naq leeyuwa' ink'a' chik sa nikinril; ab'anan li xYos linyuwa' wank wik'in.

Génesis 31:13

Laa'in li Yos li xink'utb'esi chaq wib' chawu Betel, b'arwi' xayul chi aseeyt li xaqab'anb'il pek naq xaye laawaatin rik'in jurament. Xaqlin anaqwan, elen sa' li na'ajej a'in ut sutq'in sa' li tenamit xatyo'laak wi'»”.

Génesis 35:3

Yo'qeb' sa' junpaat sa' li na'ajej Betel, xb'aan naq aran toxinyiib' jun li artal cho'q re li Yos li kitenq'ank we sa' xq'ehil xrahilal linch'ool ut xinrochb'eeni sa' linb'eenik”.

Éxodo 13:11

“Akaq xatroksi li Qaawa' sa' xch'och'eb' laj Kanahán ut akaq xq'axtesi aawe li na'ajej, jo' naq kixyeechi'i aawe ut reheb' laana' laayuwa',

Números 6:24

«A' taxaq li Qaawa' chi'osob'tesinq ut chik'aak'alenq aawe.

Deuteronomio 7:9

K'e b'i' sa' xnaq' aawu naq li Qaawa' laaYos a'an tz'aqal Yos, a' li Yos tiik xch'ool li naxpaab' li xSumwank ut junelik wank li xrahom rik'ineb' li neke'rahok re ut neke'xpaab' li xchaq'rab'.

Deuteronomio 30:3

toja' naq li Qaawa' laaYos tatrosob'tesi wi' chik, taaril xtoq'ob'aal aawu, tatrisi chaq sa' chixjunileb' li tenamit xatxcha'cha'i wi' ut tatxch'utub' wi' chik.

Deuteronomio 31:8

Li Qaawa' aj k'amolb'ehaq chawu; a'anaq aawochb'een. Moko tatxkanab' ta aajunes. Matxiwak b'i' ut mich'inank aach'ool”, chan laj Moisés.

Génesis 30:25

Naq kiyo'laak laj José rik'in lix Rakel, laj Jakob kixye re laj Labán: “Kanab'in chi xik sa' lintenamit.

Levítico 26:42

Laa'in taajultiko'q we li Sumwank kinb'aanu rik'in laj Jakob, laj Isahak ut laj Abrahán, ut taajultiko'q we li ch'och'.

Levítico 26:45

Taajultiko'q we li Sumwank kinb'aanu rik'ineb' li xxe'toonil yuwa'eb' naq ke'wisiheb' chaq Ejiipt chiruheb' li xninqal ru tenamit, re naq laa'inaq li xYoseb'. Laa'in li Qaawa'”.

Salmos 91:11

Li Qaawa' tixtaqlaheb' li x'ánjel chatenq'ankil re naq tate'xb'eres sa' chixjunil laab'eenik.

Jeremías 16:15

te'xye b'an chik: «Loq'oninb'ilaq li Qaawa' li xk'amok re laj Israel sa' li tenamit wan chaq sa' xjayal releb'l iq' ut sa' chixjunileb' li na'ajej b'arwi' kixcha'cha'iheb'». Laa'in teb'ink'am chaq wi' chik sa' li ch'och' ink'ehom reheb' li xxe'toonil yuwa'eb'.