Génesis 28:13 - Q'eqchi Bible

¹³ Kiril ajwi' li Qaawa' wan chaq sa' xb'een li taqleb'aal ut kirab'i li aatin a'in: “Laa'in li Qaawa', xYos laj Abrahán laayuwa' ut xYos laj Isahak. Li ch'och' sotsookat wi' tink'e aawe ut reheb' laawalal aak'ajol.

Li Santil hu

¹³ Li Ka̱cuaꞌ Dios cuan chak toj saꞌ xbe̱n li escalera ut aꞌan quixye re laj Jacob: —La̱in li Ka̱cuaꞌ Dios. La̱in li quinixlokꞌoni chak laj Abraham la̱ xeꞌto̱nil yucuaꞌ. La̱in ajcuiꞌ li quinixlokꞌoni laj Isaac la̱ yucuaꞌ. La̱in tinqꞌue a̱cue li chꞌochꞌ li yo̱cat cuiꞌ chi hila̱nc anakcuan. Tinqꞌue ajcuiꞌ reheb la̱ cualal a̱cꞌajol.

Génesis 28:13 ပူးပေါင်းရင်းမြစ်များ

Génesis 13:15

Chixjunil li ch'och' li yookat chi rilb'al tink'e aawe ut reheb' laawalal aak'ajol chi junajwa.

Génesis 48:3

ut kixye re laj José: “Li Nimajwal Yos kixk'ut rib' chiwu aran Lus, sa' xteepal Kanahán, kinrosob'tesi

Génesis 35:12

Li ch'och' li xink'e re laj Abrahán ut re laj Isahak tinq'axtesi aawe jo' ajwi' reheb' laawalal aak'ajol chirix laakamik”.

Génesis 26:24

Sa' ajwi' li q'oqyink a'an li Qaawa' kixk'ut rib' chiru ut kixye re: “Laa'in li xYos laj Abrahán laayuwa'. Matxiwak xb'aan naq laa'in wankin aawik'in. Tatwosob'tesi ut tink'ihob'resi eb' laawalal aak'ajol sa' xk'ab'a' laj Abrahán, laj k'anjel chiwu”.

Génesis 12:7

Aran li Qaawa' kixk'ut rib' chiru laj Abrán ut kixye re: “A'eb' laawalal aak'ajol tink'eheb' wi' li ch'och' a'in”. Toja' naq laj Abrán kixyiib' jun li artal re li Qaawa', xb'aan naq aran kixk'ut rib' chiru.

Génesis 35:1

Li Yos kixye re laj Jakob: “Xaqlin, taqen Betel ut kanaaqat aran. Toxaayiib' jun li artal cho'q re li Yos li kixk'utb'esi rib' chawu naq kat-elelik chiru laj Esaú laawas”.

Hebreos 11:16

Ab'an yookeb' chaq chi xsik'b'al jun li tenamit q'axal chaab'il, a' li wank sa' choxa. Jo'kan naq li Yos ink'a' naxutaanak xb'aaneb', ink'a' naxutaanak naq naxk'ab'a'in “xYoseb' a'an”, xb'aan naq ak kixkawresi jun li tenamit cho'q reheb'.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

San Mateo 22:32

«Laa'in li xYos laj Abrahán, li xYos laj Isahak ut li xYos laj Jakob»? Maawa' xYos li kamenaqeb', xYos b'an li yo'yookeb'.

Génesis 46:3

Toja' naq li Yos kixye re: “Laa'in li Yos, xYos laayuwa'. Matxiwak chi xik Ejiipt, xb'aan naq aran twisi aawik'in jun xnimal ru tenamit.

Génesis 35:17

Sa' xrahil li alank kiyehe'k re xb'aan laj xokol k'uula'al: “Kawu aach'ool, xb'aan naq teelom ajwi' a'in!”.

Génesis 32:9

Chirix chik a'an laj Jakob kixye: “At xYos linyuwa' Abrahán ut xYos linyuwa' Isahak, at Qaawa' li xaye we: «Sutq'in sa' laana'aj, sa' laatenamit, ut laa'in chaab'ilaqin aawik'in»,

Génesis 31:42

Wi ta li xYos laj Abrahán ut li xYos laj Isahak linyuwa' ink'a' xinxtenq'a, relik chi yaal naq xinaataqla raj chaq anaqwan chi maak'a' wank we. Ab'anan li Yos xril xtoq'ob'aal wu ut lintawajik, ut ewer chi q'eq xatxq'us”, chan laj Jakob.

Génesis 28:4

A'an chixk'e taxaq aawe li rosob'tesinkil laj Abrahán ut chixk'e ajwi' reheb' laawalal aak'ajol, re naq taaweechani li ch'och' b'arwi' wankat jo' aj numel, a' li kik'ehe'k re laj Abrahán xb'aan li Yos”.

Génesis 26:3

Wanqat jo' aj numel sa' li ch'och' a'in ut laa'in tatintenq'a ut tatwosob'tesi, xb'aan naq aawe ut reheb' laawalal aak'ajol tink'e chixjunil li na'ajej a'in, ut wank sa' inch'ool li jurament li kinb'aanu rik'in laj Abrahán laayuwa'.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Hechos 7:5

ab'an maak'a' kixk'e chireechani arin, chi moko jun k'utub'aq li ch'och', kixyeechi'i b'an xk'eeb'al li ch'och' a'an toj moqon chik cho'q xna'aj, ut chirix chik a'an cho'q xna'ajeb' li ralal xk'ajol, us ta toj maak'a'eb' xkok'al.

Salmos 105:11

naq kixye: “Tink'e aawe li tenamit Kanahán, ut tinsi aawe cho'q aaweechanihom”, chan.

Génesis 35:15

Ut laj Jakob Betel kixk'e cho'q xk'ab'a' li na'ajej a'an b'arwi' x'aatinak li Yos.

Génesis 13:17

Xaqlin, suti li ch'och' jo' najtil li roq ut jo' xnimal li ru, xb'aan naq aawe tink'e”, chan li Qaawa'.

Génesis 15:18

Sa' li kutan a'an li Qaawa' kixk'ojob' jun Sumwank rik'in laj Abrán: “Xink'e li ch'och' a'in reheb' laawalal aak'ajol chalen chaq sa' li nima' re Ejiipt toj sa' li nimla nima', a' li Éwfrates.

Génesis 31:5

ut kixye reheb': “Xink'e reetal naq leeyuwa' ink'a' chik sa nikinril; ab'anan li xYos linyuwa' wank wik'in.

Génesis 31:13

Laa'in li Yos li xink'utb'esi chaq wib' chawu Betel, b'arwi' xayul chi aseeyt li xaqab'anb'il pek naq xaye laawaatin rik'in jurament. Xaqlin anaqwan, elen sa' li na'ajej a'in ut sutq'in sa' li tenamit xatyo'laak wi'»”.

Génesis 31:53

Li xYos laj Abrahán ut li xYos laj Najor chiraqoq taxaq aatin sa' qab'een”. Toja' naq laj Jakob kixye xjurament sa' xk'ab'a' li Yos naloq'oniik xb'aan laj Isahak li xyuwa'.

Éxodo 2:24

Kirab'i li Yos li xyaab'eb' ut kinaqk sa' xch'ool li sumwank kixk'ojob' rik'in laj Abrahán, laj Isahak ut laj Jakob.

Éxodo 4:5

“B'aanu chi jo'kan chiruheb' laj Israel re naq te'xpaab' naq li Qaawa' xk'utb'esi rib' chawu, a' li xYos li xxe'toonil yuwa'eb', li xYos laj Abrahán, laj Isahak ut laj Jakob”, chan li Qaawa'.

Éxodo 6:4

Xink'ojob' ajwi' jun Sumwank rik'ineb' ut xinye li waatin naq tink'e reheb' li tenamit Kanahán, a' li ch'och' ke'xb'eeni chaq jo' aj numeleb'.

Deuteronomio 1:8

Ilomaq: laa'in xinq'axtesi li ch'och' a'an sa' eeruq'. Ayuqex ut eechaniiq li na'ajej li kixyeechi'i li Qaawa' sa' jurament reheb' leexe'toonil yuwa' laj Abrahán, laj Isahak ut laj Jakob, jo'wi' reheb' li ralal xk'ajoleb'», chan li Qaawa'.

Deuteronomio 9:5

Moko xb'aan ta naq aak'ulub', chi moko xb'aan xtiikilal laach'ool toxaaweechani li xch'och'eb'. Li Qaawa' taa'isinq reheb' chawu, xb'aan naq moko us ta li xb'aanuhomeb' li tenamit a'an. Chi jo'kan tixpaab' li aatin xyehom reheb' laaxe'toonil yuwa', a' laj Abrahán, laj Isahak ut laj Jakob.

Deuteronomio 34:4

Ut li Qaawa' kixye re laj Moisés: “A'an a'in li ch'och' li kinyeechi'i sa' jurament re laj Abrahán, laj Isahak ut laj Jakob, naq kinye: A'eb' laawalal aak'ajol tink'e wi'. Xink'e chawil rik'in aawu, ab'anan ink'a' tat-ok chisa'”, chan li Yos.

Amós 7:7

Li Qaawa' kixk'utb'esi ajwi' li moy u a'in. Kiwil li Qaawa' xaqxo sa' xb'een li tz'ak tz'aqal tuqtu ru, ut wank sa' ruq' jun xploom laj tz'ak.

Génesis 32:10

moko ink'ulub' ta xk'ulb'al laawusilal ut laachaab'ilal li xak'ut chiwu laa'in aj k'anjelin chawu! Xb'aan naq ka'ajwi' linxuq' wan chaq we naq kinnume'k junxil sa' li nima' Jordán, ut anaqwan wiib' siir kab'al wank we.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

1 Crónicas 16:16

naq kixk'e rib' sa' aatin rik'in laj Abrahán ut ki'aatinak sa' jurament rik'in laj Isahak.

1 Crónicas 16:18

naq kixye: «Tink'e aawe li tenamit Kanahán, ut tinsi aawe cho'q aaweechanihom», chan.

Ezequiel 28:25

“Laa'in, li Qaawa', ninye chi jo'ka'in: Tinch'utub' li tenamit Israel sa' xyanqeb' li tenamit cha'chookeb' wi', ut tink'ut linsantilal chiruheb'. Eb' li ralal xk'ajol aj Israel te'na'ajunq sa' li xna'ajeb', sa' li ch'och' kink'e re laj Jakob, laj k'anjel chiwu.