Génesis 28:12 - Q'eqchi Bible

¹² Ut kimatk'ek. Kiril sa' xmatk' jun taqleb'aal xaqxo sa' ch'och': li xmaril nawulak toj sa' choxa ut eb' li x'ánjel li Qaawa' neke'taqe'k neke'kub'eek chiru a'an.

Li Santil hu

¹² Nak yo̱ chi cua̱rc, laj Jacob quimatqꞌuec. Saꞌ xmatcꞌ quiril jun chanchan escalera xakxo saꞌ chꞌochꞌ ut nacuulac toj saꞌ choxa xnajtil rok. Ut eb lix ángel li Ka̱cuaꞌ nequeꞌtakeꞌ ut nequeꞌcube chak chiru li escalera nak quiril.

Génesis 28:12 ပူးပေါင်းရင်းမြစ်များ

San Juan 1:51

Ut kixye wi' chik re: —Relik chi yaal ninye eere: teeril li choxa chi teetooq ut eb' li x'ánjel li Yos yooqeb' chi taqe'k ut chi kub'eek sa' xb'een li K'ajolb'ej.

Números 12:6

“Ab'ihomaq li tinye eere -chan li Yos-. Wi wank sa' eeyanq junaq propeet, laa'in tink'ut wib' chiru sa' nab'uuch, ut tin'aatinaq rik'in sa' xmatk'.

Génesis 15:1

Naq ak xk'ulmank chixjunil a'in, ki'aatinaak laj Abrán xb'aan li Qaawa' sa' moy u chi jo'ka'in: “Matxiwak, Abrán: laa'in laj kolol aawe. Q'axal nimaq laaq'ajkamunkil”, chan li Yos.

Génesis 15:12

Naq ok re li saq'e, kikub'eek xwara laj Abrán ut k'ajo' naq kixiwak.

Hebreos 1:14

Ma ink'a' tab'i' musiq'ejeb' chixjunileb' a'in, aj k'anjeleb', taqlanb'ileb' chaq chi xtenq'ankileb' li te'eechaninq re li kolb'a ib'?

Daniel 7:1

Sa' li xb'een xchihab' chi awab'ejink laj Baltasar sa' xb'eeneb' laj Babilonia, kiwank jun xmatk' laj Daniel naq yo chi wark. Ut sa' junpaat, naq ki'ajk ru, kixtz'iib'a li k'aru kik'utb'esiik chiru.

Hebreos 1:1

Najter q'e kutan, k'iila wa ut yalaq chanru li Yos kiraatinaheb' li qana' qayuwa' chi xtz'uumal reheb' li propeet.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

San Mateo 1:20

Ut naq ak k'uub'k'u sa' xch'ool xb'aanunkil a'in, li x'ánjel li Qaawa' kixk'ut rib' chiru sa' xmatk' ut kixye: “José, ralalat laj David, matk'oxlak chi xk'amb'al lix María cho'q aawixaqil, xb'aan naq li siyajenaq rik'in a'an re li Santil Musiq'ej.

Génesis 20:3

Ab'anan li Yos kiraatina laj Abimélek chiru q'oqyink ut kixye re sa' xmatk': “Tatkamq, xb'aan naq li ixq xak'am chaq wank xb'eelom”, chan.

San Mateo 2:19

Naq kikamk laj Herodes, li x'ánjel li Qaawa' kixk'ut rib' chiru laj José sa' xmatk' aran Ejiipt

2 Crónicas 16:9

Xb'aan naq li Qaawa' naxb'eeni chixjunil li ruuchich'och' re xkawub'resinkil xch'ooleb' li yo'ooneb' rik'in. Aamemil xab'aanu wi' a'in. Jo'kan naq chalen anaqwan junelik wanqat sa' raaxiik'”.

Génesis 41:1

Wiib' chihab' chik xnumik a'an, laj Parahón kimatk'ek: kiril naq xaqxo chire li nima'.

1 Reyes 19:5

Kixjilib' rib' chi wark rub'el li xtoon li che', ab'an ki'ajsiik xb'aan jun x'ánjel li Qaawa' li kixye re: “Waklin ut wa'in!”.