Génesis 28:1 - Q'eqchi Bible

¹ Toja' naq laj Isahak kixb'oq laj Jakob, kirosob'tesi ut kixchaq'rab'i chi jo'ka'in: “Maasik' aawixaqil sa' xyanqeb' li ixq aj Kanahán.

Li Santil hu

¹ Laj Isaac quixbok laj Jacob riqꞌuin ut quixtzꞌa̱ma rusilal li Dios saꞌ xbe̱n. Quixye re: —Incꞌaꞌ naru ta̱cꞌam chokꞌ a̱cuixakil junak li ixk aj Canaán, li cuanqueb arin.

Génesis 28:1 ပူးပေါင်းရင်းမြစ်များ

Génesis 24:3

Nawaj taaye rik'in jurament sa' xk'ab'a' li Qaawa', li xYos li choxa, naq ink'a' taasik' junaq ixq cho'q rixaqil li walal sa' xyanqeb' li xrab'in aj Kanahán, li tenamit wankin wi';

Génesis 27:46

Chirix chik a'an lix Rebeka kixye re laj Isahak: “Xintitz'k chi wank sa' xyanqeb' li xrab'ineb' laj Hit. Wi laj Jakob tixk'am cho'q rixaqil junaq xrab'ineb' laj Hit kama' li wankeb' arin, k'a' chik aj e naq yo'yooqin?”, chan.

Génesis 24:37

Laa'in xinxk'e chi xyeeb'al rik'in jurament: «Ink'a' taasik' rixaqil li walal sa' xyanqeb' li xrab'in aj Kanahán, li tenamit wankin wi',

Génesis 6:2

Eb' li ralal xk'ajol li Yos ke'ril naq q'axal ch'ina'useb' li xrab'ineb' li winq ut ke'xk'ameb' cho'q rixaqil, jo'k'ihaleb' ke'wulak chiruheb'.

Josué 22:7

Laj Moisés ak xk'ehom xna'aj li xyiijachil xteepal laj Manasés aran Basán. Ut li yiijach jun chik ak k'eeb'il xna'ajeb' xb'aan laj Josué sa' xyanqeb' li ras riitz'in, sa' xjayal rokeb'l saq'e re li nima' Jordán. Eb' a'an ajwi' ke'osob'tesiik xb'aan laj Josué naq ke'taqlaak sa' li xmuheb'aaleb'.

Deuteronomio 33:1

Laj Moisés, li sik'b'il ru xb'aan li Yos, kirosob'tesiheb' laj Israel, chi rub'eetal li xkamik,

Génesis 49:28

A'aneb' a'in li kab'laju xteepaleb' aj Israel, ut a'an a'in li yeeb'il reheb' xb'aan li xyuwa'eb' naq kirosob'tesiheb': ak re re li rosob'tesinkileb'.

Génesis 48:15

Toja' naq kirosob'tesi laj José chi jo'ka'in: “Li Yos li xe'wank wi' chi sum'aatin eb' linyuwa' laj Abrahán ut laj Isahak, li Yos li xb'eresink we chalen chaq sa' linyo'lajik toj anaqwan,

Génesis 34:16

Toja' naq tqak'e eere eb' li qarab'in ut laa'o toosumlaaq rik'ineb' leerab'in laa'ex; tookanaaq sa' eeyanq ut junajaqo aj chik chi tenamit eerik'in.

Génesis 34:9

K'ehomaq leerab'in qe ut k'amomaqeb' li qe cho'q eere, ut qech'alalaq qib'.

Génesis 27:4

Moqon taak'uub' chi chaab'il intzekemq jo' nawulak chiwu, ut taak'am chaq, re tinwa'aq, xb'aan naq twaj aawosob'tesinkil rub'elaj linkamik”.

Génesis 24:4

tatxik b'an sa' lintenamit, chi xtz'aamankil rixaqil laj Isahak li walal, rik'ineb' linkomon”.

Génesis 28:6

Laj Esaú kiril naq laj Isahak kirosob'tesi laj Jakob ut kixtaqla Padán-Aram chi k'amok aran. Jo'kan ajwi' kixk'e reetal naq sa' li rosob'tesinkil kixchaq'rab'i chi jo'ka'in: “Maasik' aawixaqil sa' xyanqeb' li ixq aj Kanahán”,

Génesis 38:2

Aran laj Judá kiril li xrab'in laj Súa aj Kanahán, kixk'am ut kiwank rik'in.

Jeremías 29:6

sumlaaqex ut chiwanq eeralal eek'ajol. K'ehomaq rixaqileb' leeralal ut sik'omaq xb'eelomeb' leerab'in, re naq te'k'ihanq. Chepuka eerib' aran ut chexk'ihanq.